Talvsamband Føroya Faroechess
Komandi vikuskiftið 13.-15. januar 2023 verður Rókur-Open telvað í skúlanum á Eiði. Øll eru vælkomin at luttaka í kappingini.
Seinastu Tíðindini
Sandavágsmenn vunnu
Toppdysturin millum Sandavág og Havnina er byrjaður. Fremst síggjast Luitjen Akselsson Apol (vm) og Jón í Horni Nielsen(hm) á 4. borði. Handanfyri síggjast telvararnir við fremru borðini. 1. borð er næst vindeygað við útsýni yvir vestmannasund.
Sandavágs Talvfelag styrkti oddastøðuna í fremstu deildini við sigri á Havnar Telvingarfelag í toppdysti í Vestmanna í dag.
Vágamenn vunnu 2½-1½, og eru nú hálvttriðja stig undan havnarmonnum. Úrslitið ber í sær, at tað kann fara at gerast møtimikið hjá havnarmonnum at vinna aftur tað, ið nú er mist, tó at kappingin bara er hálvrunnin. Hesi bæði liðini eru í flokki fyri seg, og vágamenn hava mist lítið í dystunum móti hinum liðunum higartil í kappingini.
Havnarmenn vóru favorittar til dystin í dag. Teir høvdu hægri styrkitøl á trimum av fýra borðum, kortini vóru vágamenn stinnari á degnum, og vunnu tepran sigur.
Mest óvæntaða úrslitið mundi koma á triðja borði. Olaf Berg, sum plagar at vinna á Silasi, tapti við svarta fólkinum í dag, hóast hann tóktist at hava fyrimunin við tveimum monnum fyri rók. Silas hevur fult stigatal í vetur – fýra stig í fýra dystum.
Havnarmenn høvdu Martin Poulsen við aftur í dag, men hann formáddi sær ov lítið móti føroyameistaranum Høgna Egilstoft Nielsen, sum við sigrinum í dag hevur fimm stig í fimm dystum.
Heldur ikki stórmeistarin vann á havnarliðnum í dag. Helgi Dam Ziska telvaði annars fínt. Hann trýsti við svarta fólkinum, vann eina finnu, hevði fyrimunin, men torført var kortini at vinna støðuna, og sær sjálvum líkur, stríddist Rógvi av øllum alvi og helt remis.
Einasti á meistaraliðnum hjá Havnini, sum vann, var Luitjen Akselsson Apol á fjórða borði.
Hini úrslitini í 1. deild komu helst eisini heldur óvart á. Kollfirðingar, sum eru niðast, vunnu ein flottan sigur á B-liðnum hjá klaksvíkingum, sum annars hevur staðið seg væl higartil, og B-liðið hjá Havnini vann á A-liðnum í Klaksvík.
Dystirnir í 1. deild í dag:
| 5. Umfar tann 2023/01/08 kl. 14:00 | ||||||||||||
| Bo. | 3 | Havnar Telvingarfelag 1 | Rtg | – | 6 | Sandavágs Talvfelag 1 | Rtg | 1½:2½ | ||||
| 1.1 | GM |
|
2543 | – | FM |
|
2274 | ½ – ½ | ||||
| 1.2 | FM |
|
2311 | – | FM |
|
2394 | 0 – 1 | ||||
| 1.3 | FM |
|
2204 | – |
|
2050 | 0 – 1 | |||||
| 1.4 |
|
2113 | – |
|
2023 | 1 – 0 | ||||||
| Bo. | 4 | Havnar Telvingarfelag 2 | Rtg | – | 2 | Klaksvíkar Talvfelag 1 | Rtg | 2½:1½ | ||||
| 2.1 | FM |
|
2158 | – |
|
2189 | ½ – ½ | |||||
| 2.2 |
|
2018 | – |
|
2081 | 1 – 0 | ||||||
| 2.3 |
|
1993 | – |
|
2043 | ½ – ½ | ||||||
| 2.4 |
|
1994 | – |
|
2011 | ½ – ½ | ||||||
| Bo. | 5 | Klaksvíkar Talvfelag 2 | Rtg | – | 1 | Kollafjarðar Talvfelag 1 | Rtg | 1 : 3 | ||||
| 3.1 |
|
1919 | – |
|
1791 | 0 – 1 | ||||||
| 3.2 |
|
1913 | – |
|
1736 | 0 – 1 | ||||||
| 3.3 |
|
1750 | – |
|
1988 | 1 – 0 | ||||||
| 3.4 |
|
0 | – |
|
1699 | 0 – 1 | ||||||
1. deild – støðan eftir fimta umfar
| Rk. | Lið | 1a | 1b | 2a | 2b | 3a | 3b | 4a | 4b | 5a | 5b | 6a | 6b | TB1 | TB2 |
| 1 | Sandavágs Talvfelag 1 | * | * | 2½ | 3½ | 3 | 3½ | 4 | 16,5 | 10 | |||||
| 2 | Havnar Telvingarfelag 1 | 1½ | * | * | 2½ | 2½ | 3½ | 4 | 14 | 8 | |||||
| 3 | Klaksvíkar Talvfelag 2 | ½ | 1½ | * | * | 4 | 2 | 1 | 9 | 3 | |||||
| 4 | Havnar Telvingarfelag 2 | 1 | 1½ | 0 | * | * | 2½ | 2½ | 7,5 | 4 | |||||
| 5 | Klaksvíkar Talvfelag 1 | ½ | ½ | 2 | 1½ | * | * | 2½ | 7 | 3 | |||||
| 6 | Kollafjarðar Talvfelag 1 | 0 | 0 | 3 | 1½ | 1½ | * | * | 6 | 2 |
Vágamenn gera bart
Tað er ikki bara í fremstu deildini, at Sandavágs Talvfelag er á odda. Sama er í næstbestu deildini.
Vágamenn vunnu toppdystin á vestmenningum, og stevna nú móti uppflyting í bestu deildina við einum liði aftrat.
Tað er ikki rætt, tá sagt hevur verið, at Sandavágs Talvfelag ikki hevur havt tvey lið í fremstu deildini. Tað høvdu teir bæði í 2012 og 2016.
Dystirnir í 2. deild í dag:
| 5. Umfar tann 2023/01/08 kl. 14:00 | ||||||||||||
| Bo. | 3 | Kollafjarðar Talvfelag 2 | Rtg | – | 6 | Havnar Telvingarfelag 3 | Rtg | 2 : 2 | ||||
| 1.1 |
|
1776 | – |
|
1912 | 0 – 1 | ||||||
| 1.2 |
|
1761 | – |
|
1838 | 1 – 0 | ||||||
| 1.3 |
|
1364 | – |
|
1725 | 1 – 0 | ||||||
| 1.4 |
|
1671 | – |
|
1714 | 0 – 1 | ||||||
| Bo. | 4 | Vestmanna Talvfelag 1 | Rtg | – | 2 | Sandavágs Talvfelag 2 | Rtg | 1½:2½ | ||||
| 2.1 |
|
1800 | – |
|
2132 | 0 – 1 | ||||||
| 2.2 |
|
1754 | – |
|
2086 | 0 – 1 | ||||||
| 2.3 |
|
1741 | – |
|
1821 | 1 – 0 | ||||||
| 2.4 |
|
1774 | – |
|
1765 | ½ – ½ | ||||||
| Bo. | 5 | Klaksvíkar Talvfelag 3 | Rtg | – | 1 | Havnar Telvingarfelag 4 | Rtg | 2½:1½ | ||||
| 3.1 |
|
1846 | – |
|
1841 | 1 – 0 | ||||||
| 3.2 |
|
1837 | – |
|
1690 | 1 – 0 | ||||||
| 3.3 |
|
1583 | – |
|
1629 | 0 – 1 | ||||||
| 3.4 |
|
1400 | – |
|
1613 | ½ – ½ | ||||||
2. deild – støðan eftir fimta umfar
| Rk. | Lið | 1a | 1b | 2a | 2b | 3a | 3b | 4a | 4b | 5a | 5b | 6a | 6b | TB1 | TB2 |
| 1 | Sandavágs Talvfelag 2 | * | * | 2½ | 3 | 2½ | 2 | 3 | 13 | 9 | |||||
| 2 | Vestmanna Talvfelag 1 | 1½ | * | * | 2½ | 2½ | 1½ | 3 | 11 | 6 | |||||
| 3 | Klaksvíkar Talvfelag 3 | 1 | 1½ | * | * | 2 | 2½ | 3½ | 10,5 | 5 | |||||
| 4 | Kollafjarðar Talvfelag 2 | 1½ | 1½ | 2 | * | * | 2½ | 2 | 9,5 | 4 | |||||
| 5 | Havnar Telvingarfelag 4 | 2 | 2½ | 1½ | 1½ | * | * | 1 | 8,5 | 3 | |||||
| 6 | Havnar Telvingarfelag 3 | 1 | 1 | ½ | 2 | 3 | * | * | 7,5 | 3 |
Hinar deildirnar
Um 3. – og 4. deild er í stuttum at siga, at spenningurin er ikki sørur, tí stutt er á muni millum liðini, serliga millum oddaliðini. Í 3. deild stendur kappingin serliga millum sundalagsmenn í felagsliðnum Róki, og teimum kring Runavík, men bæði Sandavágur og Toftir eru beint í hølunum á teimum.
Í 4. deild stendur á jøvnum í oddanum millum gøtumenn og klaksvíkingar. Í unglingadeildini eru havnardreingir fremstir við sandavágsdreingjum í hølunum á sær.
Meira kann lesast á heimasíðu Talvsambandsins – faroechess.com
Telvað verður aftur í liðkappingini 22. januar.
3. deild – støðan eftir fimta umfar
| Rk. | Lið | 1a | 1b | 2a | 2b | 3a | 3b | 4a | 4b | 5a | 5b | 6a | 6b | TB1 | TB2 |
| 1 | Talvfelagið Rókur 1 | * | * | 3½ | 3 | 0 | 3 | 2½ | 12 | 8 | |||||
| 2 | Kongshavnar Talvfelag 1 | ½ | * | * | 1½ | 3½ | 3½ | 2½ | 11,5 | 6 | |||||
| 3 | Sandavágs Talvfelag 4 | 1 | 2½ | * | * | 2½ | 3½ | 1½ | 11 | 6 | |||||
| 4 | Tofta Talvfelag 1 | 4 | ½ | 1½ | * | * | 1 | 4 | 11 | 4 | |||||
| 5 | Kollafjarðar Talvfelag 3 | 1 | ½ | ½ | 3 | * | * | 2½ | 7,5 | 4 | |||||
| 6 | Sandavágs Talvfelag 3 | 1½ | 1½ | 2½ | 0 | 1½ | * | * | 7 | 2 |
4. deild – støðan eftir fýra umfør
| Rk. | Lið | 1 | 2 | 3 | 4 | 5 | 6 | 7 | 8 | 9 | 10 | TB1 | TB2 |
| 1 | Gøtu Talvfelag 1 | * | 2½ | 3 | 3 | 4 | 12,5 | 8 | |||||
| 2 | Klaksvíkar Talvfelag 4 | * | 3 | 1½ | 4 | 4 | 12,5 | 6 | |||||
| 3 | Havnar Telvingarfelag 5 | 1½ | * | 3 | 3 | 4 | 11,5 | 6 | |||||
| Vestmanna Talvfelag 2 | 1 | * | 3½ | 4 | 3 | 11,5 | 6 | ||||||
| 5 | Talvfelagið Rókur 2 | 1 | * | 3 | 2½ | 3 | 9,5 | 6 | |||||
| 6 | Klaksvíkar Talvfelag 5 | 1 | 2½ | * | 2 | 4 | 9,5 | 5 | |||||
| 7 | Gøtu Talvfelag 2 | 0 | 1 | ½ | * | 4 | 5,5 | 2 | |||||
| 8 | Tofta Talvfelag 2 | 1 | 0 | 1 | 2 | * | 4 | 1 | |||||
| 9 | Kongshavnar Talvfelag 2 | 0 | 1 | 1½ | 0 | * | 2,5 | 0 | |||||
| 10 | Talvfelagið Rókur 3 | 0 | 0 | 1 | 0 | * | 1 | 0 |
Unglingar – støðan
| Rk. | Lið | 1a | 1b | 2a | 2b | 3a | 3b | 4a | 4b | 5a | 5b | 6a | 6b | TB1 | TB2 |
| 1 | Havnar Telvingarfelag 1 | * | * | 2 | 3½ | 4 | 4 | 13,5 | 7 | ||||||
| 2 | Sandavágs Talvfelag 1 | 2 | * | * | 2 | 3 | 3 | 10 | 6 | ||||||
| 3 | Klaksvíkar Talvfelag 1 | 2 | * | * | 2 | 3 | 7 | 4 | |||||||
| 4 | Gøtu Talvfelag 1 | ½ | 1 | 2 | * | * | 2 | 5,5 | 2 | ||||||
| 5 | Havnar Telvingarfelag 2 | 0 | 1 | 2 | * | * | 1 | 4 | 1 | ||||||
| 6 | Sandavágs Talvfelag 2 | 0 | 1 | 2 | * | * | 3 | 2 |
Felagsumfar í liðkappingini 8. januar
Sunnudagin 8. januar verður 5. umfar telvað í liðkappingini. Øll liðini í øllum deildum telva í fiskuvinnuskúlanum í Vestmanna. Umfarið byrjan kl. 14.00.
Úrslit og Myndir: FM fyri gentur 2022
Sunnudagin 11. desember var FM í talvi fyri gentur telvað í Skótahúsinum í Klaksvík. 13 gentur luttóku: 12 í U10 bólkinum og 1 í U12. Bólkarnir vórðu lagdir saman til eina kapping og 7 umfør telvað. Les meira »
Úrslit & myndir frá NM úttøkuni í Gøtu 10.12
Leygardagin 10. desember var finalan í NM úttøkukappingini telvað á Fiskavirkinum í Gøtu. Telvað var í 5 aldursbólkum, har ið nummar 1 og 2 í hvørjum bólki vunnu sær pláss til at umboða Føroyar til NM í Norra 2023. Telvað vóru 7 umfør við tíðini 10 min + 5 sek per leik. Les meira »
Talvlandsliðið farið undir venjingar
Her síggjast telvararnir á føroyska landsliðnum undir OL-kappingini í India í summar. F.v.: Luitjen Akselsson Apol, Høgni Egilstoft Nielsen, John Rødgaard, Helgi Dam Ziska og Rógvi Egilstoft.
Ivan Sokolov er nú byrjaður sum venjari hjá føroyska talvlandsliðnum.
1. desember hevði hann fyrstu venjingina við føroysku telvarunum. Fýra venjingar eru nú í desember. Vant verður aftur 9. desember, 15. desember og 22. desember. Hesar venjingar fara fram umvegis netið. Føroysku telvararnir sita heima við hús, og venjarin situr í Hollandi. Allir eru so knýttir saman umvegis Teams.
Føroysku telvararnir lótu væl at fyrsta venjingarkvøldinum. Sama gjørdi venjarin. Eftir jól verður tikið samanum, og eru partarnir samdir um, at haldast skal fram við samstarvinum, verður nýggj venjingarætlan løgd fyri komandi ár. Tá kann roknast við, at Ivan Sokolov kemur til Føroyar at venja landsliðið.
Talvsamband Føroya hevur tikið út seks telvarar at venja í landsliðstoyminum. Teir eru Helgi Dam Ziska, Høgni Egilstoft Nielsen, Martin Poulsen, Rógvi Egilstoft, Luitjen Akselsson Apol og Jón í Horni Nielsen. Hetta eru teir fremstu fýra her á landi umframt fremstu tveir unglingarnir.
Ivan Sokolov leiddi í summar Usbekistan til óvæntaðan sigur á talvolympiaduni í India. Líkt er tí til, at tað er ein av fremstu talvvenjarunum í heiminum, sum Talvsambandið hevur knýtt av føroyska landsliðnum.
Talvlandsliðið hevur uppgávur í komandi ári. Kappingin fyri smátjóðir í Evropa og EM-stevnan fyri landslið eru báðar í heyst. Olympiada verður í Ungarn í 2024.
Nummar 77 av 200 londum
Altjóða talvsambandið FIDE hevur kunngjørt styrkilistan fyri desember. Her sæst, at Føroyar eru nummar 77 í røðini av teimum í alt 200 londunum í heiminum, sum eru limir í FIDE. Havandi í huga, at vit teljast millum smæstu limalondini, er tað hugvekjandi í sjálvum sær.
Fremstu tíggju londini í heiminum eru hesir:
1. USA 2726
2. Russland 2711
3. India 2694
4. Kina 2689
5. Ukraina 2663
6. Aserbadsjan 2651
7. Frakland 2643
8. Armenia 2635
9. Spania 2632
10. Holland 2629
Fremstu einstøku fimm telvararnir í heiminum eru hesir:
1. Magnus Carlsen (Noreg) 2859
2. Liren Ding (Kina) 2811
3. Ian Nepomniachtchi (Russland) 2793
4. Alireza Firouzja (Frakland) 2785
5. Hikaru Nakamura (USA) 2768
Okkara topp 10
Í Føroyum eru okkurt um 350 virknir telvarar í teimum níggju feløgunum, sum eru við í landskappingini.
Tann føroyski topp 10 listin sær í desember soleiðis út:
1. GM Helgi Dam Ziska (HT) 2546
2. Høgni Egilstoft (ST) 2397
3. IM John Arni Nilssen (ST) 2321
4. Martin Poulsen (HT) 2311
5. Rógvi Egilstoft (ST) 2290
6. IM John Rødgaard (VT) 2280
7. Olaf Berg (HT) 2217
8. Luitjen Akselsson Apol (2215)
9. Flóvin Tór Næs (HT) 2208
10. Jóan Hendrik Andreasen (HT) 2192
Ivan Sokolov
Barnatalvkapping fyri lið 04.12 útsett
Tað er at frøast um, at so nógvar barnakappingar eru á skránni í kappingarárinum 2022-2023. Tess verri verða vit noydd til at avlýsa kappingina komandi vikuskifti, 04.12.2022, av tí at tað hevur verið torðført at funnið ein vert.
Men finalan í barnatalvkapping fyri lið skal nokk finna tíð og stað í komandi ári. Allar kappingarnar í 2023 eru skipaðar í samstarvi við talvfeløgini, so verður tað stuttligt at uppliva nógvar og fjølbroyttar kappingar kring landið. Meira kunning um hettar verður lýst seinni. Les meira »
Innbjóðing: NM úttøku finalan í Gøtu 10.12.2022
Finalan í NM úttøkukappingini verður telvað í kantinuni á Fiskavirkinum í Gøtu 10. desember kl. 10:00. Telvað verða 7 umfør í 5 ymiskum aldursbólkum.
Undan hesari kapping hava 2 undankappingar verið, har ið upp til 8 finalistar í hvørjum aldursbólki eru funnir. Tey hava kvalifiserað seg til at telva um 2 pláss í hvørjum bólki, at sleppa at umboða Føroyar til Norðurlandameistaraskapið fyri ung í Norra, 2023. Les meira »
Sandavágur og Havnin í flokki fyri seg
Eftir dystirnar í fjórða umfari í landskappingini í talvi um viksuskiftið fekst sjón fyri søgn um, at einki av hinum liðunum stendur Sandavági og Havnini kurl í fremstu deildini.
Tey bæði liðini vinna stórsigrar á hinum kappingarneytunum, og nú verður bíðað eftir fyrra innanhýsis toppdystinum í fimta umfari. Men hann verður ikki fyrr enn eftir nýggjár.
Úrslit & myndir frá NM úttøkukapping í Klaksvík
40 børn og ung luttóku í aðru undankapping til NM úttøku í Klaksvík í vikuskiftinum. Kappast var í 4 aldursbólkum, U10, U12, U14 og U16. 8 tey bestu í hvørjum bólki sleppa víðari í eina finalu, sum verður 10. desember í Gøtu. Í finaluni koma tey at kappast um NM luttøku; tí 2 tey bestu úr hvørjum aldursbólki sleppa at umboða Føroyar til Norðurlandameistaraskapið í Norra í februar / mars. Les meira »