Talvsamband Føroya Faroechess

Komandi vikuskiftið verður Kjølur Open telvað í Klaksvík. Øll eru vælkomin at luttaka.

Dystirnir í sætta umfari í landskappingini í talvi vóru í dag. Í 1. deild vóru innanhýsis dystirnir á skránni. Sum vant hava A-liðini stórar trupulleikar at basa B-liðunum. Serliga summir á B-liðunum eru herviligar A-tjóvar. Hjá vágamonnum kann Ingi Wiberg nevnast, men eingin tekur Margar Berg í Havnar Telvingarfelag, sum man hava met í stigum móti A-liði felagsins. Søgan endurtók seg í dag. Norðuri í Klaksvík var tað Rani Nolsøe, sum vann á B-liðnum. Rani, sum dovnaði nakað í fjør, tykist rættiliga at hava spent seg út í ár.

18 luttakarar vóru í tveimum bólkum, 11 í bólkinum 4.fl og yngri, og 7 í bólkinum 5.fl og eldri.

Seinasta leygardag varð fyrsta av fimm barna Grand Prix kappingum telvað í Finsen í Tórshavn. Telvað varð í tveimum aldursbólkum – 4. flokkur og yngri og 5. flokkur og eldri. Omanfyri 30 børn luttóku í kappingini, og stuttligt var at síggja, at fleiri gentur luttóku í kappingini hesa ferð. 

Leygardagin, 24.01.2026 verður HT kvik telvað í Finsen í Tórshavn. Kappingin byrjar klokkan 11.00. Øll eru vælkomin at luttaka.

Nýggir bólkar eru gjørdir í 4. deild. Bólkurin, har kappast verður um at flyta upp í 3. deild, kemur at eita 4. deild. Meðan hin bólkurin kemur at eita 5. deild.

Leygardagin, 24. januar kl. 12.00, verður kviktalvkapping fyri børn telvað á Skúlanum á Giljanesi, í Sandavági. Øll er vælkomin at luttaka í kappingini. Talan er um 2. kapping av 5, har luttakararnir kunnu samla stig saman til eina samlaða Grand Prix kapping. Kappingin er skipað í tveimum bólkum. 4. flokkur og yngri og 5. flokkur og eldri. Telvað verður 6. umfør við tíðini 10 min. + 5 sek.

Vágamenn vunnu í gjár toppdystin móti føroyameistarunum úr Havnar Telvingarfelag 3 - 1. Hóast kappingin bara er hálvrunnin, kann sigurin fara at gerast heilt avgerandi, tí toppliðini missa so lítið í øðrum dystum, at innanhýsis dystirnir millum Sandavág og Havnina fáa tí næstan støðu sum smærri finalur.

Leygardagin, 17. januar kl. 12.00, verður kviktalvkapping fyri børn telvað í Finsen í Tórshavn. Øll er vælkomin at luttaka í kappingini.