Tíðindi

Tað endaði javnt millum oddafiskarnar í toppdystinum í FM-kappingini í talvi á Giljanesi í dag. Tað stendur tí á jøvnum millum Høgna Egilstoft Nielsen og Hans Kristian Simonsen fyri seinasta umfar í morgin.

Tað var spennandi og drúgt í oddabrakinum í dag. Hans Kristian Simonsen hevði við hvíta fólkinum føroyameistaran undir trýsti í fleiri tímar. 42 ára gamli kollfirðingurin, sum hevur tikið øll á bóli nú á páskum, telvaði væl og stóð betur. Báðir hugsaðu væl og leingi, og smátt um smátt fór tíðin at ganga undan hjá báðum, serliga var Høgni í tíðartroti.

Les meira »

Hans Kristian Simonsen – hevur tikið øll á bóli. Hevur fult stigatal eftir fimm umfør. Í dag møtir hann favorittinum Høgna Egilstoft Nielsen. Mynd: jn.fo.

Í dag fellur kanska avgerðin. 

Høgni Egilstoft Nielsen úr Sandavágs Talvfelag og Hans Kristian Simonsen úr Kollafjarðar Talvfelag, sum hava vunnið hvørt talv higartil í FM-einstaklingakappingini í talvi, og eru einsamallir á odda í landsliðsbólkinum, bresta saman í røttum oddabraki á Giljanesi í dag. Greitt er, at annar teirra verður føroyameistari.

Báðir vunnu aftur í gjár.  Hvørgin mótstøðumaðurin formáddi sær stórvegis. Hans Kristian tók Flóvin M. Tummsarson á bóli í byrjanarspælinum, og vann enntá mann longu í fimtanda leiki. Petur Magnussen, ið telvaði móti Høgna, tóktist eitt sindur fjálturstungin og á ótryggari grund í byrjanarspælinum, og misti finnu tíðliga í spælinum. Eftir tað gjørdist einki.

Allir, ið høvdu hvíta fólkið í FM-bólkinum, vunnu í gjár. Luitjen A. Apol koppaði Jón í Horni, og endiliga bragdið hjá Martini Poulsen, sum í sínum lagi vann sannførandi á Eliasi Petersen.

Sætta umfar verður í dag. Byrjað verður klokkan 14.00. Kappingin endar í morgin, tá sjeynda og seinasta umfar verður telvað. 

Til ber at fylgja við beinleiðis hvussu telvað verður leik fyri leik á øllum borðum. Leinki sæst á heimasíðu Talvsambandsins: faroechess.com.

5. umfar (1. apríl kl. 17:00)

Hans Kristian Simonsen – Flóvin Matras Tummasarson 1 – 0

Høgni Egilstoft Nielsen – Petur Gardar Magnussen 1 – 0

Luitjen Akselsson Apol – Jón í Horni Nielsen 1 – 0

Martin Poulsen – Elias Petersen 1 – 0

Landsliðsbólkurin – støðan

1-2. Høgni Egilstoft Nielsen, ST 5 stig

1-2. Hans Kristian Simonsen, KT 5

3. Luitjen Akselsson Apol, HT 3

4. Elias Petersen, HT 2

5. Jón í Horni Nielsen, ST 1½

6. Flóvin Matras Tummasarson, HT 1½

7. Martin Poulsen, HT 1

8. Petur Gardar Magnussen, HT 1

6. umfar (2. apríl/skírisdagur kl. 14:00)

Hans Kristian Simonsen – Høgni Egilstoft Nielsen

Petur Gardar Magnussen – Luitjen Akselsson Apol

Jón í Horni Nielsen – Martin Poulsen

Flóvin Matras Tummasarson – Elias Petersen

7. umfar (3. apríl/langi fríggjadagur kl. 14:00)

Høgni Egilstoft Nielsen – Flóvin Matras Tummasarson 

Luitjen Akselsson Apol – Hans Kristian Simonsen

Elias Petersen – Jón í Horni Nielsen

Martin Poulsen – Petur Gardar Magnussen 

Hinir bólkarnir

1. bólkur

1. Markus Jacobsen, KT 4½ stig

2. Rókur Davidsen, KTF 4

3. Margar Berg, HT 3

8 telvarar í alt.

Almennur bólkur

1. Bogi á Kósini, KTF 4½ stig

2. Karl M. Dahl, KT 4

3. Ingi Højsted, 3½

14 telvarar í alt. 

Unglingar

1. Djóni Jakobsen, HT 4½ stig

2. Andrew Xin, HT 4

3. Sámal Isfeldt Nesá, HT 3

9 telvarar í alt.

Kappingin í veteranbólkinum byrjar í dag. Átta telvarar kappast.

Jón í Horni Nielsen – stríddist til fánýtis móti Høgna Egilstoft Nielsen í fjórða umfari. Mynd: jn.fo

Tveir telvarar skara framúr í FM-kappingini í ár. Høgni Egilstoft Nielsen og Hans Kristian Simonsen. Sigursrøðin stendur við hjá báðum. Teir hava framvegis fult stigatal nú fýra umfør hava verið. Tað er longu greitt, at annar teirra verður føroyameistari.

Hans Kristian vann í fjórðaumfari týsdagin at síggja til ógvuliga sannførandi á Petur G. Magnussen við svørtum í fronsku byrjanini. Petur kom tíðliga í so tronga støðu, at einki gjørdist. Onkur undraðist kanska, at Petur var so bráður at leggja kongin, men teldan roknaði stóran fyrimun fyri Hans Kristian í støðuni.  

Høgni vann á Jón í Horni Nielsen í eyðkendum lagi. Trygt og sannførandi trýstir hann mótstøðumenninar niður. Teir byrjaðu seinni enn hinir, og vóru ikki lidnir fyrr enn stutt fyri midnátt.

Luitjen Akselsson Apol tapti á øðrum sinni, og hevur nú helst mist allar FM-møguleikar. Elias Petersen vann á Luitjeni, og vann so ruddiliga eisini.

Sama kann sigast um Flóvin Matras Tummsarson, sum gav Martini Poulsen fjórða nullið á rað. 

Landsliðsbólkurin

4. umfar (31. mars kl. 17.00)

Jón í Horni Nielsen – Høgni Egilstoft Nielsen 0 – 1

Petur Gardar Magnussen – Hans Kristian Simonsen 0 – 1

Elias Petersen – Luitjen Akselsson Apol 1 – 0

Flóvin Matras Tummsarson – Martin Poulsen 1 – 0

Landsliðsbólkurin – støðan

1-2. Høgni Egilstoft Nielsen, ST 4 stig

1-2. Hans Kristian Simonsen, KT 4

3-4. Luitjen Akselsson Apol, HT 2

3-4. Elias Petersen, HT 2

5-6. Jón í Horni Nielsen, ST 1½

5-6. Flóvin M. Tummasarson, HT 1½

7. Petur G. Magnussen, HT 1

8. Martin Poulsen, HT 0

5. umfar (1. apríl kl. 17:00)

Hans Kristian Simonsen – Flóvin Matras Tummasarson

Høgni Egilstoft Nielsen – Petur Gardar Magnussen

Luitjen Akselsson Apol – Jón í Horni Nielsen

Martin Poulsen – Elias Petersen

6. umfar (2. apríl/skírisdagur kl. 14:00)

Hans Kristian Simonsen – Høgni Egilstoft Nielsen

Petur Gardar Magnussen – Luitjen Akselsson Apol

Jón í Horni Nielsen – Martin Poulsen

Flóvin Matras Tummasarson – Elias Petersen

7. umfar (3. apríl/langi fríggjadagur kl. 14:00)

Høgni Egilstoft Nielsen – Flóvin Matras Tummasarson 

Luitjen Akselsson Apol – Hans Kristian Simonsen

Elias Petersen – Jón í Horni Nielsen

Martin Poulsen – Petur Gardar Magnussen 

Hinir bólkarnir

Støðan broyttist lítið í hinum bólkunum í gjár. Í 1. bólki hevur Rókur Davidsen framvegis fult stigatal. 

1. Rókur Davidsen, KTF 4 stig

2. Markus Jacobsen, KT 3½

3-4. Margar Berg, HT 2

3-4. Sigurð B. Justinussen

8 telvarar í alt.

Í almenna bólkinum stendur nú á jøvnum millum Boga á Kósini og Inga Højsted.

1-2. Bogi á Kósini, KTF 3½ stig

1-3. Ingi Højsted, KT 3½

3. Karl M.Dahl, KT 3

14 telvarar í alt.

Og í unglingabólkinum er níggju ára gamli Andrew Xin framvegis einsamallur á odda. 

1. Andrew Xin, HT stig 3½ stig

2. Djóni Jakobsen, HT 3

3. Sámal I. Nesá, HT 2½

9 telvarar í alt.

Hans Kristian Simonsen – vann í stórum stíli í gjár. Mynd: jn.fo

Høgni Egilstoft Nielsen úr Sandavágs Talvfelag og Hans Kristian Simonsen úr Kollafjarðar Talvfelag eru einsamallir á odda við fullum stigatali eftir tvey umfør í FM-einstaklingakappingini í talvi vesturi á Giljanesi.

Favoritturin Høgni Egilstoft Nielsen vann aftur í gjár. Í drúgvum leiki vant hann spakuliga úr Martini Poulsen, ið annars stóð væl við hvíta fólkinum.

42 ára gamli fyrrverandi føroyameistarin frá 2002, Hans Kristian Simonsen, hevur somuleiðis fingið eina flúgvandi byrjan. Í gjár syfti hann Eliasi Petersen í stórum stíli. Kongaálop, rókaoffur, síðani varð kongurin rikin um alt borðið til hann at endanum varð settur skák og mát. Slíkt sæst sjáldan nú á døgum.

Jón í Horni Nielsen hevur hálvtannað stig á triðja plássi. Tað var um reppið, at hann aftur vann í gjár, men tað eydnaðist Peturi Gardar Magnussen at bjarga sær remis við ævigum skáki.

Í fjórða talvinum vann Luitjen Akselsson Apol trygt á Flóvini Matras Tummarson.

Støðan í Landsliðsbólkinum eftir tvey umfør:

1-2. Høgni Egilstoft Nielsen (ST) 2 stig

1-2. Hans Kristian Simonsen (KT) 2

3. Jón í Horni Nielsen (ST) 1½

4-5. Elias Petersen (HT) 1

4-5. Luitjen Akselsson Apol (HT) 1

6. Petur G. Magnussen (HT)1

7-8. Martin Poulsen (HT) 0

7-8. Flóvin M. Tummasarson (HT) 0

3. umfar, 30. mars

Høgni Egilstoft Nielsen – Elias Petersen

Hans Kristian Simonsen – Jón í Horni Nielsen

Luitjen Akselsson Apol – Martin Poulsen

Petur G. Magnussen – Flóvin M. Tummasarson

Hinir bólkarnir

Telvað verður eisini í øðrum bólkum. Í 1. bólki hevur Rókur Davidsen úr Klaksvíkar Talvfelag sum hin einasti fult stigatal eftir tvey umfør.

Sama er at siga um Boga á Kósini, eisini úr Klaksvíkar Talvfelag, sum er einsamallur á odda í almenna bólkinum.

Og í unglingabólkinum er Andrew Xin úr Havnar Telvingarfelag á odda við fullum stigatali.

Triðja umfar verður telvað í dag. Byrjað verður klokkan 14.00. Fylgjast kann við leik fyri leik á netinum. Higartil hevur tøknin verið heldur svikalig, tí báðar dagarnar er sambandið farið til toppborðið, har Høgni Egilstoft Nielsen er annar parturin.

Føroyameistarin Høgni Egilstoft Nielsen

FM-favoritturin Høgni Egilstoft Nielsen úr Sandavágs Talvfelag vann í fyrsta umfari í FM-kappingini í talvi fyri einstaklingar á fremsta avbjóðaranum, Luitjen Akselsson Apol úr Havnar Telvingarfelag.

Høgni vann við hvíta fólkinum í einum skørpum sisilianara, har hvørgin spardi krútið. Høgni tóktist kortini at hava tamarhald á støðuni allan vegin.

Var hetta í veruleikanum avgerðin í kappingini, munnu summi hugsa. Høgni er so mikið stórur favorittur, at tá ið hann longu í fyrsta umfari kveistraði dyggasta avbjóðaran til viks, er ilt at síggja, hvør ið so skal steðga honum.

Martin Poulsen, sum hevur triðhægsta styrkitalið í bólkinum, tapti fyri Hans Kristiani Simonsen. Tap var í hendi hjá Martini longu eftir tjúgu leikir. Vánaliga gongdin hjá trífalda føroyameistaranum stendur við.

Á hinum borðunum sótu fýra av teimum yngstu í FM-bólkinum – Luitjen undantikin. Her vunnu teir við hægri styrkitali.

Annað umfar í dag

Klokkan 14.00 í dag byrjar annað umfar í FM-talvkappingini á Giljanesi.

Høgni Egilstoft Nielsen og Martin Poulsen møtast – telvararnir við flest FM-heitum í beltinum. Annar dystur stendur millum Elias Petersen og Hans Kristian Simonsen, sum báðir vunnu í gjár.

Í alt 45 telvarar eru við í teimum ymisku bólkunum í kappingini. Telvað verður til og við langa fríggjadag, tá sjeynda og seinasta umfar verður.

Til ber at fylgja við leik fyri leik á netinum, meðan telvað verður. Leinki sæst á heimasíðu Talvsambandsins – faroechess.com.

Úrslitini í fyrsta umfari í Landsliðsbólkinum í gjár vóru hesi:

FM, Landsliðsbólkur, 1. umfar:

IM Høgni Egilstoft Nielsen, ST (2401) – Luitjen Akselsson Apol, HT (2299) 1 – 0

Hans Kristian Simonsen, KT (2110) – Martin Poulsen, HT (2189) 1 – 0

Jón í Horni Nielsen, ST (2080) – Flóvin M. Tummasarson, HT (1904) 1 – 0

Petur G. Magnussen, HT(1984) – Elias Petersen, HT (2096) 0 – 1 

2. umf sunnudagin 29. mars:

Martin Poulsen – Høgni Egilstoft Nielsen

Flóvin M. Tummasarson – Luitjen A. Apol

Jón í Horni Nielsen – Petur G. Magnussen

Elias Petersen – Hans Kristian Simonsen

Nú byrjar árliga FM-einstaklingakappingin í talvi. Sandavágs Talvfelag hýsir kappingini á Giljanesi. Í alt 45 telvarar eru við í ár.

Telvað verður í fimm bólkum. Átta kappast um FM-heitið í Landsliðsbólkinum. Tað eru teir, sum hava hægstu styrkitølini í kappingini. Síðani eru aðrir átta í 1. bólki. Harnæst er fjúrtan telvarar í almennabólkinum.  Í unglingabólkinum eru einans níggju telvarar. Tað eru færri enn vant. Haraftrat er ein veteranbólkur, í honum eru seks telvarar.

FM-favoritturin Høgni Egilstoft Nielsen úr Sandavágs Talvfelag. Mynd: Jn.fo

Leygardagin 28. mars klokkan 14.00 verða klokkurnar settar í gongd á Giljanesi. Og so er FM-kappingin í talvi fyri einstaklingar byrjað.

Annarhvør av telvarunum í Landsliðsbólkinum hava verið føroyameistarar. Teir eru Høgni Egilstoft Nielsen, Luitjen Akselsson Apol, Martin Poulsen og Hans Kristian Simonsen.

Hinir fýra í FM-bólkinum teljast millum okkara bestu og mest framfýsnu yngri telvarar.

Tað er ikki yvir at dylja, at Høgni Egilstoft Nielsen er favorittur. Kanska er hann stórfavorittur. Hann hevur lutfalsliga nógv hægri styrkital enn hinir, er altjóða meistari, er føroyameistari, og hevur havt sera góð úrslit í seinastuni.

Luitjen A. Apol er fremsti avbjóðarin. Fyrraárið eydnaðist honum at koppa Høgna, men annars hevur Høgni verið við yvirlutan.

Martin Poulsen plagdi at vera roknaður millum teir, sum kundu gera seg galdandi, men seinasta knappa árið hevur afturgongdin verið sjónlig.

Hans Kristian Simonsen hevur verið óstøðugur nú í fleiri ár. Hóast hann lítið og einki hevur telvað í liðkappingini í fleiri ár, er hann afturímóti fastur fúsur í FM-einstaklingakappingini um páskirnar. 

FM Landsliðsbólkurin 2026

1. IM Høgni Egilstoft Nielsen, ST 2401

2. Luitjen Akselsson Apol, HT 2299

3. Martin Poulsen, HT 2189

4. Hans Kristian Simonsen, KT 2110

5. Elias Petersen, HT 2096

6. Jón í Horni Nielsen, ST 2080

7. Petur G. Magnussen, HT 1984

8. Flóvin M. Tummasarson, HT 1904

Toppfundur í fyrsta umfari

Lutakastið hevur lagað tað soleiðis, at favorittarnir Høgni Egilstoft Nielsen og Luitjen Akselsson Apol møtast longu í fyrsta umfari. Høgni hevur hvíta fólkið. 

Telvað verður soleiðis í fyrsta umfari:

Høgni Egilstoft Nielsen – Luitjen Akselsson Apol

Hans Kristian Simonsen – Martin Poulsen

Jón í Horni Nielsen – Flóvin M. Tummasarson

Petur G. Magnussen – Elias Petersen

Telvað verður í eina viku á Giljanesi. Eitt umfør verður hvønn av døgunum. FM-kappingin endar  langa fríggjadag.

Á heimasíðu Talvsambandsins sæst ikki, um til ber at fara at síggja leikirnar so hvørt sum flutt verður.

Føroyameistarar seinastu fimtan árini

2011 Helgi Dam Ziska, HT

2012 Rógvi Egilstoft Nielsen, ST

2013 Olaf Berg, HT

2014 Høgni Egilstoft Nielsen, ST

2015 Rógvi Egilstoft Nielsen, ST

2016 Rógvi Egilstoft Nielsen, ST

2017 Helgi Dam Ziska, HT

2018 Helgi Dam Ziska, HT

2019 Helgi Dam Ziska, HT

2020 Høgni Egilstoft Nielsen, ST

2021 Høgni Egilstoft Nielsen, ST

2022 Høgni Egilstoft Nielsen, ST

2023 Helgi Dam Ziska, HT

2024 Luitjen Akselsson Apol, HT

2025 Høgni Egilstoft Nielsen, ST

Yvirlit yvir eldri úrslit fullført

Verkætlanin at leggja út eldri úrslit frá landskappingini í talvi á heimasíðu Talvsambandsins er í fyrsta umfari fullførd.

Úrslitini eftir aldaskiftið eru nú komin. 

Talan er um úrslit í 1. deild øll árini frá tí at byrjað var fyrst í 70-árunum og til og við 2007. Árini frá 2008 og fram eftir eru fevnd av talgildaða tíðarskeiðnum. Serliga eru 70-árini tó ófullfíggjað.

Í hagtalsyvirlitinum á svarta breddanum  í erva eru øll árini savnað.