Talvsamband Føroya Faroechess
Fyrsta talvkapping í talvárinum 2026/2027 verður telvað á internetinum leygardagin kl. 11.00. Kappingin er ætlað øllum, serliga teimum, sum vanliga ikki telva kappingar.
Les meira »Talvkapping á chess.com
Barnakapping í Finsen
Gongd er komin á barnatelvingina runt um í feløgunum, og í vikuskifitnum verður fyrsta barnakapping telvað í hølinum hjá Havnar Telvingarfelag í Finsen. Øll eru vælkomin at luttaka í kappingini. Kappingin er væl egnað til tey, sum akkurát eru byrjaði at telva.
Les meira »Ein góð talvlega í Sandavági
Í vikuskiftinum vóru børn úr ymiskum talvfeløgum kring landið savnað á talvlegu í Sandavági. Rógvi Egilstoft og Mortan Mørkøre stóðu fyri talvvenjingini. Børnini loystu talvuppgávur og telvaðu móti hvørjum øðrum.
Les meira »Javnleikur móti Kosovo
Føroyar settu punktum í dag við javnleiki 2 - 2 móti Kosovo í ellinta og seinasta umfari á talvolympiaduni í Usbekistan. Heiðurligt úrslit, tí Kosovo var styrkismett nummar 82 - vit 107. Vit vunnu við hvíta fólkinum, og taptu við svarta fólkinum. Luitjen Akselsson Apol og Jón í Horni Nielsen vunnu - Luitjen vann í stórum stíli - og John Rødgaard og Elias Petersen taptu.
Les meira »Stórsigur á Haiti
Føroyar vunnu ruddiliga í tíggjunda umfari í gjár á talvolympiaduni í Usbekistan. Vit telvaðu móti Haiti, sum vit ongantíð hava møtt fyrr. Eftir styrkitølunum hjá teirra monnum var greitt, at hendan dystin skuldu vit vinna.
Les meira »3 – 1 tap fyri Paraguei
Paraguei gjørdist okkum ov stór mótstøða í dag í níggjunda umfari á talvolympiaduni í Usbekistan. Vit taptu 3 – 1. John Rødgaard og Elias Petersen telvaðu remis, hinir taptu. Vit eru nú nummar 127 av teimum 206 londunum í kappingini. Vit eru styrkismettir nummar 107. Tvey umfør eru eftir – kappingin endar sunnudagin.
Les meira »Hálvt stig móti Meksiko
Luitjen Akselsson Apol telvaði remis á 1. borði í dystinum móti Meksiko, hinir taptu allir. Hóast mótstøðuliðið er sterkari, mundi bæði avrik og úrtøka vera í lakara lagi hjá okkara monnum í hesum dysti.
Les meira »Frálíkur sigur á Uruguay
Tað eydnaðist óvæntað Føroyum at vinna 2½ - 1½ á Uruguay í sjeynda umfari í gjár á talvolympiaduni í Usbekistan. John Rødgaard og Elias Petersen vunnu, Jón í Horni Nielsen telvaði javnt, og Luitjen Akselsson Apol tapti. Hetta man vera lutfalsliga besta úrslit hjá Føroyum í kappingini. Uruguay er styrksimett nummar 63, Føroyar nummar 107.
Les meira »Rubek slóðaði fyri
Í hesum døgum eru Føroyar umboðaðar á talvolympiadu í Usbekistan. Hetta er 27. ferðin, at vit luttaka á talvolympiadu. Elddópurin var í týska býnum Siegen í 1970. Søgan er tí long - og rík. Í veruleikanum byrjar føroysk ítróttasøga á altjóða stigi har.
Les meira »Talvkalendarin 2026/2027
Broytingar kunnu koma fyri. Dagførddi Talvkalendarin 2026/2027 kann síggjast her:
Les meira »