Talvsamband Føroya Faroechess
Hervið verður bjóðað til talvkappingina KJØLUR OPEN 2022 dagarnar 1.-3. apríl. Kappingin er partur av Grand Prix kappingini 2021/22.
7 umfør verða telvað, 3 kviktalv fríggjakvøld, 2 langtalv leygardag og 2 sunnudag.
Seinastu Tíðindini
Havnarmenn vunnu
Finaludysturin í dag um føroyameistaraheitið í talvi millum Havnina og Sandavág gjørdist ein sannur gýsari. Spenningurin var elektriskur til síðsta leik í dystinum. Vágamenn máttu vinna dystin, skuldu teir endurvinna FM-heitið, havnarmenn stóðu seg við javnleiki.
Talvfinala beinleiðis á netinum
Talvsamband Føroya hevur rættiliga spent seg út til endabrestin í landskappingini í talvi í dag.
Leikirnir á øllum borðum í teimum trimum dystunum í 1. deild verða allir varpaðir út á netið. Eisini síggjast tey fýra borðini í FM-finaluni millum Havnina og Sandavág í mynd, og í triðja lagi fara telvarar at viðmerkja gongdina í FM-finaludystinum.
Beinleiðis frá seinasta umfarinum í liðkappingini, leygardagin kl. 11
Seinasta umfar í liðkappingini 2021/2022 verður stroymt beinleiðis á YouTube, við frásøgum og video, umframt á teimum stóru talv platformunum.
Talvfinala leygardagin
Eins og undanfarin ár stendur dysturin um FM-heitið í talvi fyri feløg aftur í ár millum havnarmenn og sandavágsmenn. Seinastu tólv árini hava hesi feløgini verið tey einastu, sum hava vunnið. Ofta er kappingin avgjørd á seinasta leikdegi í einum innanhýsis finaludysti.
Seinasta umfar í landskappingini í vetur verður nú leygardagin. Tá bresta oddaliðini saman í røttum finaludysti. Havnarmenn hava otað seg eitt stig framum vágamenn, men undir øllum umstøðum verður tað liðið føroyameistari, sum vinnur dystin. Endar dysturin javnur, er Havnin føroyameistari.
Endabresturin verður skipaður sum stórt felagsumfar í skúlanum við Løgmannabreyt í Hoyvík. Allir dystir í øllum fýra deildum verða undir somu lon. Byrjað verður klokkan 11 fyrrapartin.
Kongshavnar Talvfelag kvik sunnudagin 27. mars
Sunnudagin 27. mars kl. 14.00 skipar Kongshavnar Talvfelag fyri talvkapping.
Kappingin er partur av GP-kappingunum, sum eru fyri bæði roynd og óroynd.
Seinasta umfar í liðkappingini, leygardagin 26. mars kl. 11
FM endabresturin í liðkappingini 2021/22 verður í skúlanum við Løgmannabreyt, leygardagin 26. mars. Byrjað verður kl. 11.00.
Havnar Telvingarfelag bjóðar kaffi og kakur meðan telvað verður. Eftir seinasta leik bjóðar felagið lættari ábit og Anfinn Brekkstein, varaborgarstjóri, handar heiðursmerki.
ST kvik sunnudagin
Sunnudagin 20. mars kl. 14 skipar Sandavágs Talvfelag talvkapping.
Kappingin er partur av GP-kappingunum, sum eru fyri øll, bæði roynd og óroynd.
Havnarmenn á odda
Við einum knúsandi 4-0 sigri á klaksvíkingum løgdu havnarmenn seg einsamallar á odda í landskappingini í talvi.
Havnar Telvingarfelag er nú eitt stig fremri enn Sandavágs Talvfelag fyri seinasta umfar, sum verður um tvær vikur. Tá hittast oddaliðini í einum finaludysti um FM-heitið.
Les meira »Rókur Open 2022
Komandi vikuskiftið 4.-6. mars 2022 verður Rókur-Open telvað í skúlanum við Streymin. Øll eru vælkomin at luttaka í kappingini.