25 ára gamli Rógvi Egilstoft Nielsen úr Sandavágs Talvfelag tryggjaði sær í dag annan IM-normin í altjóða talvkappingini Runavík Open, sum endaði í Løkshøll í kvøld.
Javnleikur í seinasta umfari í dag móti russiska stórmeistaranum Aleksandr Karpatchev var eitt minstakrav, skuldi málið røkkast, og tað eydnaðist við bit og slit. Tap tóktist vera í hendi hjá vágamanninum, men kringur fløkti hann støðuna so væl, at russiski stórmeistarin misti tráðin, so at talvið kortini endaði javnt. Les meira »
Brøðurnir Rógvi og Høgni Egilstoft Nielsen úr Sandavágs Talvfelag kunnu báðir tryggja sær sokallaðan IM-norm í altjóða talvkappingini Runavík Open, sum endar í Løkshøll í dag. Les meira »
Eftir dagsins fyrra umfar, og sjeynda íalt, er Rógvi E. Nielsen (2339) framvegis við í toppinum. Rógvi telvaði javnt móti stórmeistaranum Oleg Korneev (2551), ið undan umfarinum lá einsamallur á odda við 5 stigum. Les meira »
Rógvi Egilstoft Nielsen hevur nú lagt seg fram í oddan í altjóða talvkappingini Runavík Open í Løkshøll. Rógvi hevur 4½ stig eftir seks umfør, og er nummar tvey í kappingini saman við trimum útlendskum stórmeistarum. Les meira »
Tað gekst væl hjá bestu føroysku telvarunum í altjóða kappingini Runavík Open í gjár.
Høgni Egilstoft Nielsen er framvegis ósigraður. Í gjár telvaði hann javnt móti russiska stórmeistaranum Vasily Papin. Eldri bróðirin, Rógvi Egilstoft Nielsen, vann á íslendska IM-aranum Gudmundi Kjartanssyni, sum vann Runavík Open í 2016. Høgni og Rógvi hava 3½ stig hvør eftir fimm umfør, og eru javnir á fjórða plássi saman við tveimum stórmeistarum. Les meira »
Í dag verður farið undir fimta umfar í altjóða talvkappingini Runavík Open í Løkshøll.
28 telvarar eru við – helvt um helvt føroyingar og útlendingar. Átta útlendskir stórmeistarar eru við í kappingini. Flestu av teimum eru ættaðir úr londum í fyrrverandi Sovjettsamveldinum. Fremstir við 3½ stigum hvør eftir fýra umfør eru stórmeistarnir Vasily Papin úr Russlandi og Oleg Korneev, sum er úr Russlandi, men býr og umboðar Spania.
Les meira »
Mánadagin byrjar altjóða talvkapping í Løkshøll í Runavík. Hetta er tann triðja Runavík Open, sum Talvsamband Føroya og Runavíkar Kommuna í felag skipa fyri.
Átta útlendskir stórmeistarar eru millum teir 27 telvararnar í kappingini. Teir eru helvt um helvt føroyingar og útlendingar. Les meira »
Í dag kl. 15 byrjar dysturin um heimsmeistaraskapin 2018. Dysturin, ið fevnir um 12 talv, verður telvaður í London í døgunum 9/11 til 28/11.
Hesuferð er dysturin ímillum sitandi heimsmeistaran síðani 2013, 27 ára gamla norðmannin Magnus Carlsen, og avbjóðaran, 26 ára gamla amerikumannin Fabio Caruana.
Hetta er fyrstu ferð síðani 1990, at dysturin um heimsmeistaraskapin verður telvaður ímillum tveir teir fremstu telvararnar í heimunum. Les meira »
Ferðafrásøgn frá kappingini Uppsala Young Champions 2018, ið var telvað í Svøríki døgunum 26. – 30. oktober, og har tveir av okkara sterkastu ungu telvarum, Leif Reinert Fjallheim og Luitjen Akselsson Apol, luttóku.
Landskappingin í talvi fyri lið er byrjað. Telvað hevur verið báðar seinastu sunnudagarnar, og eftir tvey umfør eru vágamenn fremstir. Líkt er til, at fremstu trý feløgini í 1. deild fara at vera tey somu sum farna kappingarár.
Sandavágs Talvfelag, Klaksvíkar Talvfelag og Havnar Telvingarfelag hava vunnið sínar dystir higartil. Les meira »
Talvsamband Føroya Faroechess