Seinastu Tíðindini

Kollfirðingar – við bakinum til – stríðast við rygginum móti múrinum. Spurningurin er, um teir fara at lívbjarga sær í fremstu deildini.

Føroyameistararnir úr Havnar Telvingarfelag styrktu um oddastøðuna í landskappingini í talvi í áttanda umfari í dag.

Havnarmenn otaðu seg eitt stig longur undan vágamonnum, men enn eru ikki allar súður syftar. Tvey umfør eru eftir, og oddaliðini eiga ein avgerandi innanhýsis dyst eftir í seinasta umfari.

Havnin vann í dag stórsigur 3½ – ½ á uppflytarunum úr Kollafjarðar Talvfelag, men upp á seg mundi úrslitið hjá Sandavágs Talvfelag móti Klaksvíkar Talvfelag (2½-1½) vera líka gott. 

Í næstsíðsta umfari hava havnarmenn torførari dyst enn sandavágsmenn, tá kann tí henda seg, at munurin styttist so mikið, at talan verður um rættiliga FM-finalu í síðsta umfari.

Spenningurin er ikki minni í botninum, tí nú stendur á jøvnum millum Kollafjørð og Havnina B.

1 deild (8 umfar, 23 februar)

Kollafjørður – Havnin ½ – 3½

Árant Djurhuus – Helgi Dam Ziska 0 – 1

Rógvi Mørkøre – Luitjen Akselsson Apol 0 – 1

Karl M. Dahl – Carl Eli Samuelsen ½ – ½

Markus Jacobsen – Sjúrður Thorsteinsson 0 – 1

Sandavágur – Klaksvík 2½ – 1½

Høgni Egilstoft Nielsen – Ólavur Simonsen 1 – 0

Silas Eyðsteinsson – Rani Baldursson 0 – 1

Jón í Horni Nielsen – Heðin Gregersen 1 – 0

Torkil Nielsen – Terji Petersen ½ – ½

Klaksvík B. – Havnin B. 2 – 2

Haldur S. Johansen – Herluf Hansen ½ – ½

Finnbjørn Vang – Elias Petersen 0 – 1

Wille Olsen – Suni Merkistein ½ – ½

Ingolf Gaard – Óli Joensen 1 – 0

Støðan í 1 deild

Havnin 26 stig

Sandavágur 23½

Klaksvík 19½

Klaksvík B. 11

Havnin B. 8

Kollafjørður 8

Vágamenn halda fast

Oddaliðið í 2 deild úr Sandavági vann aftur ruddiliga í dag. Væl upplagda manningin – Bernhard Augustinussen, Jón Atlason, Ingi Wiberg og Jónfinn Thomsen – tykist enn sum áður at hava beina kós móti 1 deild.

Toftamenn hava enn møguleikan, men so skal ein ordans spurtur setast í gongd nú. Toftamenn vunnu hetta umfarið grannadystin á innanmonnum. Á toftaliðnum í dag vóru Andrias Danielsen, Bogi Ziska, Jens Chr. Hansen og Andreas Andreasen.

Í hinum endanum er hørð kapping millum Kongshavn og annað havnarliðið um at sleppa undan niðurflyting.

2 deild (8 umfar)

Sandavágur – Havnin A. 3½ – ½

Toftir – Kongshavn 3 – 1

Havnin B. – Klaksvík 2 – 2

Støðan  

Sandavágur 21 stig

Klaksvík 17½

Toftir 17

Havnin B. 17

Kongshavn 12

Havnin A. 11½

Sundalagsmenn ella gøtumenn

Í 3 deild stendur kappingin um uppflyting millum Rók úr Sundalagnum og Gøtu Talvfelag. Sundalagsmenn hava verið á odda og eru tað framvegis, men gøtumenn eru í hølunum á teimum.

Martin Brekká sást á liðnum hjá Róki í dag. Annar styrkur kundi verið Finnbjørn Zachariassen. Teir báðir høvdu óivað verið hentir í 2 deild komandi kappingarár.

3 deild (8 umfar)

Sandavágur – Rókur 1 – 3

Kollafjørður – Gøta 2 – 2

Havnin – Vestmanna 2 – 2

Støðan

Rókur 21 stig

Gøta 19½

Kollafjørður 17½

Vestmanna 17

Sandavágur 12½

Havnin 9½

Telvað hevur eisini verið í 4 deild í dag, men haðani eru ikki øll úrslitini komin enn.

Meira kann lesast á heimasíðu Talvsambandsins: faroechess.com.

Tvey umfør eru nú eftir í landskappingini. Í fremstu deildini verður telvað soleiðis:

1 deild (9 umfar, 9 mars)

Havnin – Klaksvík

Klaksvík B. – Sandavágur

Havnin B. – Kollafjørður

1 deild (10 umfar, 22 mars)

Sandavágur – Havnin

Klaksvík – Havnin B.

Kollafjørður – Klaksvík B.

Sandavágsmenn nærkast nú havnarmonnum í landskappingini í talvi. Munurin millum oddaliðini styttist við einum stigi í dag. 

Vágamenn gjørdu bart í sjeynda umfari og vunnu 4-0 á B-liðnum hjá Havnini. Sama hál gjørdu klaksvíkingar móti kollfirðingum. FM-manningin hjá Havnar Telvingarfelag vann 3-1 á Klaksvík B. 

Leiðslan er tí svunnin niður í hálvtannað stig. Spenningurin er uppaftur kyknaður.

Vágamenn spenna seg út í Finsen. Høgni Egilstoft Nielsen fremst í myndini. Innanfyri síggjast Silas Eyðsteinsson og Jón í Horni Nielsen eygleiða gongdina.

1 deild (7 umfar)

Havnin – Klaksvík B. 3 – 1

Helgi Dam Ziska – Haldur S. Johansen ½ – ½

Luitjen Akselsson Apol – Ingolf Gaard 1 – 0

Carl Eli Samuelsen – Tummas M.Sólsker ½ – ½

Herluf Hansen – Rógvi H. Olsen 1 – 0

Tað eydnaðist Halduri at fáa remis móti stórmeistaranum í spennandi talvi á 1 borði. Ratingmunurin er gott og væl 500 stig. Tað er ei heldur á hvørjum degi, at aðrir enn Egilstoft-brøðurnir fáa remis móti stórmeistaranum. Helgi og Haldur høvdu eisini eitt spennandi talv sínamillum í fjør, men tá vann Helgi. Havnarmenn vunnu við hvíta fólkinum og telvaðu remis við svarta fólkinum. Tað plagdu at vera hyggjuráðini til liðdystir.

Havnin B. – Sandavágur 0 – 4

Elias Petersen – Høgni Egilstoft Nielsen 0 – 1

Suni Merkistein – Silas Eyðsteinsson 0 – 1

Jóannes Guttesen – Jón í Horni Nielsen 0 – 1

Óli Joensen – Torkil Nielsen 0 – 1

Her var eingin náði. Hóast telvað var í nógvar tímar á øllum fýra borðum, vóru vágamenn við yvirlutan, tá avtornaði. Havnar Telvingarfelag stendur sum er til at flyta niður við sínum B-liði, men við einum góðum spurti kunnu teir kanska fáa kollfirðingar aftur. 

Klaksvík – Kollafjørður 4 – 0

Ólavur Simonsen – Árant Djurhuus 1 – 0

Rani Baldursson – Rógvi Mørkøre 1 – 0

Heðin Gregersen – Karl M. Dahl 1 – 0

Finnbjørn Vang – Markus Jacobsen 1 – 0

Munurin á toppi og botni kom eisini til sjóndar í hesum dysti. Klaksvíkingar eru so smátt farnir at nærkast oddaliðunum báðum, og hava ein lykladyst móti Sandavági næstu ferð.

Støðan í 1 deild

Havnin 22½ stig

Sandavágur 21

Klaksvík 18

Klaksvík B  9

Kollafjørður 7½

Havnin B  6

Toppdystur

Oddaliðini í 2 deild brustu saman í Klaksvík. Vágamenn vunnu og styrktu sostatt um oddastøðu sína. Jónfinn Thomsen var matchvinnari á fjórða borði. Á hinum borðunum var remis. 

Bernhard Augustinussen, Jón Atlason, Ingi Wiberg og Jónfinn Thomsen er manningin hjá Sandavágs Talvfelag, ið tykist hava beina kós upp aftur í 1 deild.

Toftamenn fara neyvan at røkka vágamonnum. Toftir vunnu í Havn í dag. Fyrrverandi føroyameistarnir Bogi Ziska og Jens Chr. Hansen vunnu báðir á toftaliðnum.

2 deild (7 umfar)

Klaksvík – Sandavágur 1½ – 2½

Kongshavn – Havnin B. 2½ – 1½

Havnin A. – Toftir 1½ – 2½

Støðan í 2 deild

Sandavágur 17½ stig

Klaksvík 15½

Havnin B. 15

Toftir 14

Kongshavn 11

Havnin A. 11

Hinar deildirnar

Sundalagsmenn eru framvegis á odda í 3 deild, men gøtumenn, sum fingu góðan sigur í dag, eru í hølunum á teimum. Og vestmenningar kunnu við stórsigri í útsetta dystinum í dag leggja seg upp á síðuna á oddaliðnum.

Í 4 deild er líkt til, at klaksvíkingar eru stinnastir. Endurstovnaða felagið á Strondum heldur tørn, verri stendur til við royndini við einum talvfelag í Suðuroynni, tí nú er tað rárasta hending, at suðuroyingar eru fullmannaðir til dystirnar.

3 deild (7 umfar)

Rókur – Havnin 2½ – 1½

Gøta – Sandavágur 3 – 1

Vestmanna – Kollafjørður (útsettur)

Støðan í 3 deild

Rókur 18 stig

Gøta 17½

Vestmanna 14

Kollafjørður 12½

Sandavágur 10½

Havnin 7½

4 deild (6 umfar)

Sandavágur B. – Klaksvík 2½ – 1½

Rókur – Suðuroy 3 – 1

Sandavágur A. – Strendur B. 3 – 1

Gøta – Strendur B 0 – 4

Toftir – Havnin 1½ – 2½

Støðan í 4 deild

Klaksvík 19 stig

Sandavágur B. 15½

Strendur 15

Sandavágur A. 13½

Rókur 13

Suðuroy 11

Gøta 11

Havnin 8

Strendur B. 7

Toftir 7

Nú er steðgur í landskappingini í tvær vikur. Dystirnir í áttanda umfari verða 23 februar. Í 1 deild verður tá telvað soleiðis:

1 deild (8 umfar 23 februar)

Kollafjørður – Havnin 

Sandavágur – Klaksvík

Klaksvík B. – Havnin B.

Aðalfundurin hjá Talvsambandi Føroya verður mikudagin tann 26. februar 2025 kl. 19:00 í Skúlanum í Kollafirði.

Uppskot til viðgerðar á aðalfundinum skulu vera skrivlig og skulu vera nevndini í hendi í seinasta lagi 14 dagar áðrenn aðalfundin, t.v.s. 13. februar 2024. Les meira »