Talvsamband Føroya Faroechess
Fylgjast kann við beinleiðis í FM 2022 í kviktalvi.
Viðmerkjarir verða eisini.
Byrjað verður kl. 13.30
Seinastu Tíðindini
Beinleiðis frá FM snar 2022
Umdystur er ímillum Helga D. Ziska og Rógva Egilstoft.
Fygljast kann við her
https://lichess.org/broadcast/fm-snar-2022/umdystur-1/FKySLo1y
“Teir telva títt, teir telva dátt”!
Soleiðis verður kvøðið í Skrímslu.
Og um vikuskiftið verður telvað av øllum lívsins kreftum, tá kappast verður um føroyameistaraheitið í bæði snartalvi og kviktalvi.
Telvað verður í Hólmahúsinum á Eiði leygardagin og sunnudagin 12. og 13. november.
HT vann barnaliðkappingina í Klaksvík 5/11
Leygardagin 5. november varð barnaliðkapping í kviktalvi telvað á Skúlatrøð í Klaksvík. 8 lið vóru við hesaferð í mun til 6 til seinastu kapping. Tey telvaðu í 2 ymiskum aldursbólkar. 4 flokk og yngri og 5 flokk og eldri. Í yngra bólkinum varð telvað einaferð ímóti hvørjum øðrum, og í eldra vóru dubultumfør telvað.
Og tað var Havnar Telvingarfelag sum stóð seg best í báðum aldursbólkunum, og vunnu gull í eldra, og gull og silvur í yngra bólkinum. Les meira »
Sandavágur í stórum stíli
Sandavágs Talvfelag er flúgvandi í føroysku landskappingini.
Í triðja umfari í dag vunnu vágamenn stórsigur 3½-½ á klaksvíkingum. Brøðurnir Rógvi og Høgni vunnu báðir á ovaru borðunum, og hava fult stigatal eftir trý umfør. Silas Eyðsteinsson vann eisini á triðja borði. Tann einasti, sum hóraði undan á klaksvíksliðnum, var Wille Olsen, sum telvaði javnt móti tí unga Jón í Horni Nielsen.
Sandavágsmenn á odda
Landskappingin í talvi er byrjað. Tvey umfør eru avgreidd, og í morgin er triðja umfar á skránni.
Í 1. deild er gongdin tann vanliga. Vágamenn leypa avstað. Føroyameistararnir úr Havnar Telvingarfelag eru sær sjálvum líkir seinir í byrjanarspurtinum, og liggja longu eina hálva bátslongd aftanfyri Sandavág. Og uppflytararnir – Kollafjarðar Talvfelag – hava sum væntandi var ilt við at standa seg móti hinum.
Innbjóðing til FM-Snar og FM-Kvik
Hólmahúsið (fótbóltshúsið) á Eiði verður karmur um FM-Snar og FM-Kvik dagarnar 12. og 13. november.
Byrjað verður leygardagin kl. 13.30, tá FM-Snar verður telvað. Sunnudagin kl. 13.30 verður FM-Kvik telvað. Øll eru vælkomin at luttaka í kappingunum, bæði roynd og óroynd. Tað er ikki krav at luttikið verður í báðum kappingunum.
Innbjóðing til Barnatalvkapping fyri lið í Klaksvík 5/11
Leygardagin tann 5. november verður barnatalvkapping fyri lið aftur á skránni, hesaferð á Skúlatrøð í Klaksvík. Kappingin byrjar kl. 10:00.
4 børn telva á hvørjum liði, og kunnu liðini gott hava útskiftarar. 5 umfør verða telvað. Talan er um kvik-talv, har ið børnini brúka klokku og fáa 10 minuttir í part til talvið, umframt, at fyri hvønn leiktan leik verða 5 sekund lagt afturat klokkuni.
Tiltakið er serliga eitt gott høvi hjá nýbyrjarum at royna seg, at læra at brúka klokku og at koma at kenna talvumhvørvið og aðrar ungar talvspírar. Les meira »
Grand Prix 2022/2023 – samlaða støðan
Innbjóðing til ST-Open
Sandavágs Talvfelag bjóðar til GP 2, ST Open, vikuskiftið 28.-30. oktober 2022
Stað:
Hølum felagsins (Virkishúsið við Ánna, í Sandavági)