Talvsamband Føroya Faroechess
Sunnudagin 9. januar verður 5. umfar í liðkappingini telvað í 1.-3. deild. Í 4. deild verður 4. umfar telvað. Les meira »
Tíðindi
Úrslit frá NM úttøkukappingini
Í gjár vóru finalurnar í NM úttøkukappingunum leiktar í Klaksvík.
Tveir teir bestu telvarirnir í hvørjum vunnu sær pláss at telva í NM fyri børn og ung, ið verður telvað í Svøríki í februar 2022.
Finala í NM-úttøkukappingini
Finalan til Norðurlandameistaraskapið í talvi fyri børn og ung verður leygardagin 11. desember kl. 11.00 í Skúlanum á Skúlatrøð í Klaksvík. Telvað verða 7 umfør við tíðini 10 min. + 5 sek. hvønn leik. Tillagingar kunnu verða gjørdar.
Kappast verður í fimm aldursbólkum, og tvey tey bestu sleppa við til NM fyri børn og ung, sum verður í Svøríki í februar 2022.
Føroyar vunnu smálandakappingina
Føroyska talvlandsliðið vann ruddiliga kappingina millum smátjóðir í Evropa, sum Malta hevur hýst seinastu vikuna.
Í níggjunda og seinasta umfari í dag gjørdu føroyingar bart og vunnu 4-0 á Guernsey. Helgi Dam Ziska, John Rødgaard, Luitjen Akselsson Apol og Jón í Horni Nielsen vunnu allir.
Dysturin millum fremstu kappingarneytarnar endaði við 3-1 sigri til Andorra móti Kýprós. Tað bar í sær, at Føroyar endaðu trý stig fremri enn Andorra. Endin var, at Monako fekk eisini Kýprós aftur, og otaði seg fram á triðja plássið.
Sigurin komin undir land
Føroyar standa á gáttini at vinna smálandakappingina í talvi fyri smátjóðir í Evropa. Nú restar heilt lítið í.
Í áttanda umfari í dag telvaðu Føroyar og Kýprós javnt 2-2. Allir telvaðu remis uttan stórvegis hóvasták.
Líkt er til, at føroyingar hava kent seg so tryggar longu fyri dystin, at teir fóru ikki heilhugaðir eftir sigrinum. Besta dømið um tað man vera, at stórmeistarin Helgi Dam Ziska helt frí. Teir eldru sýndu teimum yngstu tað álit, at lata bæði Luitjen og Jón telva í dag, tó at teir høvdu mótstøðumenn við hægri styrkitali yvirav sær á aftaru borðunum.
Vunnu 4-0
Tað endaði 4-0 til Føroyar, tá toppur og botnur møttust í sjeynda umfari í smálandakappingini í talvi á Malta.
Føroyar telvaðu í dag móti einum kvinnuliði, sum loysir av San Marino, ið gav avboð til kappingina. Hesar, ið rópa seg ESNA Woman, eru ikki mentar at standa seg í kappingini, og tí var eingin bilsin, at allar fýra taptu fyri oddaliðnum.
Helgi Dam Ziska tók sær ein frídag í dag. Høgni Egilstoft Nielsen, John Rødgaard, Luitjen Akselsson Apol og Jón í Horni Nielsen vunnu allir. Hetta man vera fyrsta ferðin, at tveir tannáringar eru á føroyska talvlandsliðnum í senn. Luitjen og Jón eru ávikavist 15 og 16 ára gamlir.
| Round 7 on 2021/12/02 at 15:00 | ||||||||||||
| Bo. | 4 |
|
Rtg | – | 10 |
|
Rtg | 0 : 4 | ||||
| 1.1 |
|
1302 | – | FM |
|
2386 | 0 – 1 | |||||
| 1.2 |
|
1696 | – | IM |
|
2317 | 0 – 1 | |||||
| 1.3 | WIM |
|
1752 | – |
|
2111 | 0 – 1 | |||||
| 1.4 | WFM |
|
1566 | – |
|
1876 | 0 – 1 | |||||
Hini úrslitini í dag:
Monako – Kýprós 2-2
Jersey – Andorra 1½-2½
Guernsey – Malta 1-3
Luksemburg – Liktinstein 3½-½
Støðan í smálandakappingini fyri næstsíðsta umfar 3/12:
| Rk. | Team | 1 | 2 | 3 | 4 | 5 | 6 | 7 | 8 | 9 | 10 | TB1 | TB2 | TB3 | TB4 | |
| 1 |
|
Faroe Islands | * | 2½ | 2½ | 4 | 3½ | 3 | 3½ | 4 | 14 | 23,0 | 0 | 272,5 | ||
| 2 |
|
Cyprus | * | 2 | 2½ | 2½ | 2 | 3½ | 3½ | 4 | 12 | 20,0 | 0 | 201,0 | ||
| 3 |
|
Monaco | 1½ | 2 | * | 3 | 2½ | 3½ | 3 | 4 | 11 | 19,5 | 0 | 222,3 | ||
| 4 |
|
Andorra | 1½ | * | 2 | 2 | 4 | 3 | 2½ | 4 | 10 | 19,0 | 0 | 189,3 | ||
| 5 |
|
Luxembourg | 0 | 1½ | 1 | 2 | * | 4 | 3½ | 4 | 7 | 16,0 | 0 | 184,8 | ||
| 6 |
|
Malta | ½ | 1½ | 1½ | 2 | * | 3 | 2 | 3½ | 6 | 14,0 | 0 | 166,8 | ||
| 7 |
|
Guernsey | 2 | ½ | 0 | 0 | 1 | * | 3 | 3 | 5 | 9,5 | 0 | 111,8 | ||
| 8 |
|
Liechtenstein | 1 | ½ | 1 | ½ | 2 | 1 | * | 3½ | 3 | 9,5 | 0 | 108,0 | ||
| 9 |
|
Jersey | ½ | ½ | 1 | 1½ | 0 | 1 | * | 2 | 1 | 6,5 | 0 | 85,0 | ||
| 10 |
|
ESNA Women | 0 | 0 | 0 | 0 | ½ | ½ | 2 | * | 1 | 3,0 | 0 | 24,8 |
Aftur toppdystur
Kýprós hevur tikið øll á bóli. Teir hava ikki verið so frammarlaga í hesum kappingum sum nú, og spenningurin er tí stórur til oddabrakið millum Føroyar og Kýprós í morgin fríggjadagin.
Føroyar hava fult stigatal, 14 dystarstig (tvey stig fyri vunnan dyst og eitt fyri javnleik). Kýprós hevur 12 stig fyri fimm sigrar og tveir javnleikir – móti Monako í dag og Guernsey fyrr í kappingini. Føroyar hava 23 borðstig, Kýprós 20.
Vinna Føroyar á Kýprós, hava føroyingar samstundis vunnið kappingina, sama hvussu úrslitini laga seg í síðsta umfari leygardagin.
Føroyar fara uttan iva at manna seg við sínum fýra fremstu telvarum – Helgi, Høgni, John og Luitjen. Allir hava hægri styrkital enn mótstøðumenninir. Men havast skal í huga, at kýprarnir hava avrikað munandi betri, enn styrkitølini kundu bent á. Tríggir av teimum fremstu fýra hjá Kýprós eru ósigraðir í kappingini.
Niðanfyri síggjast hagtølini fyri bæði oddaliðini undan endaligu finaluni, sum byrjar klokkan 15:00 í morgin fríggjadagin.
| Bo. | Name | Rtg | FED | FideID | 1 | 2 | 3 | 4 | 5 | 6 | 7 | 8 | 9 | Pts. | Games | RtgAvg | n | w | we | w-we | K | rtg+/- | |
| 1 | GM | Ziska Helgi Dam | 2541 | FAI | 7200595 | ½ | 1 | 1 | 1 | ½ | 1 | 5,0 | 6 | 2244 | 6 | 5 | 4,88 | 0,12 | 10 | 1,2 | |||
| 2 | FM | Nielsen Høgni Egilstoft | 2386 | FAI | 7200404 | 1 | 1 | 1 | 1 | 1 | ½ | 1 | 6,5 | 7 | 2059 | 7 | 6,5 | 5,22 | 1,28 | 10 | 12,8 | ||
| 3 | IM | Rødgaard John | 2317 | FAI | 7200013 | ½ | 1 | 1 | ½ | 1 | 4,0 | 5 | 2045 | 5 | 4 | 3,83 | 0,17 | 20 | 3,4 | ||||
| 4 | Apol Luitjen Akselsson | 2111 | FAI | 7202466 | ½ | 1 | 1 | 1 | 1 | ½ | 1 | 6,0 | 7 | 1963 | 7 | 6 | 4,79 | 1,21 | 40 | 48,4 | |||
| 5 | Nielsen Jón í Horni | 1876 | FAI | 7202105 | 0 | ½ | 1 | 1,5 | 3 | 1508 | 2 | 1 | 1,25 | -0,25 | 40 | -10,0 | |||||||
|
|
|||||||||||||||||||||||
| Bo. | Name | Rtg | FED | FideID | 1 | 2 | 3 | 4 | 5 | 6 | 7 | 8 | 9 | Pts. | Games | RtgAvg | n | w | we | w-we | K | rtg+/- | |
| 1 | CM | Michaelides Konstantinos | 2292 | CYP | 5901871 | ½ | 1 | 1 | ½ | ½ | 1 | ½ | 5,0 | 7 | 2118 | 7 | 5 | 4,86 | 0,14 | 20 | 2,8 | ||
| 2 | CM | Damianou Ioannis | 2130 | CYP | 5902355 | 1 | ½ | 1 | 0 | 1 | ½ | 4,0 | 6 | 2053 | 6 | 4 | 3,46 | 0,54 | 40 | 21,6 | |||
| 3 | Isaakidis Alexandros | 2147 | CYP | 5903076 | 1 | 1 | 1 | ½ | 1 | ½ | 5,0 | 6 | 2005 | 6 | 5 | 4,02 | 0,98 | 20 | 19,6 | ||||
| 4 | FM | Klerides Paris | 2075 | CYP | 5900158 | 1 | 1 | ½ | 1 | 1 | ½ | 5,0 | 6 | 1920 | 6 | 5 | 3,99 | 1,01 | 20 | 20,2 | |||
| 5 | Florentiades Michalis | 1996 | CYP | 5900379 | 0 | ½ | ½ | 1,0 | 3 | 1590 | 2 | 0,5 | 1,29 | -0,79 | 20 | -15,8 | |||||||
Føroyar vunnu
Føroyska talvlandsliðið vann í kvøld 2½-1½ á Monako í týðandi toppdysti í smálandakappingini í talvi suðuri á Malta.
Føroyski stórmeistarin Helgi Dam Ziska tryggjaði sigurin við sigri á 1. borði móti stórmeistarnum Amir Bagheri. Á hinum trimum borðunum endaði javnt.
Finaludystur hjá Føroyum
Avgerandi dysturin í smálandakappingini fyri landslið í talvi suðuri á Malta verður seinnapartin millum Føroyar og Monako.
Hesi liðini hava sum tey einastu vunnið allar fimm dystirnar í kappingini.
Fyrrapartin vunnu Føroyar 3½-½ á Malta í fimta umfari. Høgni Egilstoft Nielsen, John Rødgaard og Luitjen Akselsson Apol vunnu, og Helgi Dam Ziska telvaði remis á 1. borði.
Føroyar á odda
Føroyska talvlandsliðið hevur nú lagt seg á odda í smálandakappingini fyri landslið í talvi suðuri á Malta.
Monako er tó beint í hølunum á Føroyum. Monako hevur eisini vunnið allar sínar dystir og hevur 13 borðstig eins og Føroyar. Føroyska leiðslan er tí sera tepur og grundað á ytstu fínteljingina.
Vunnu 3-1 á Liktinstein
Føroyska talvlandsliðið vann eisini dystin í triðja umfari í smálandakappingini í talvi á Malta seinnapartin. Dysturin móti Liktinstein endaði 3-1 til Føroyar.
Helgi Dam Ziska, Høgni Egilstoft Nielsen og Luitjen Akselsson Apol vunnu á fyrstu trimum borðunum. Jón í Horni Nielsen tapti á fjórða borði í sínum fyrsta landsdysti. John Rødgaard hevði frí.