Stroymt verður beinleiðis frá 10. og seinasta umfari í liðkappingini, ið verður telvað í morgin í skúlanum á Giljanesi, har allar deildir telva.
Byrjað verður kl. 12, og talvini í 1. deild kunnu síggjast beinleiðis á hesi síðuni: https://live.faroechess.com
Støður, úrslit vm. kunnu síggjast her: https://chess-results.com/tnr827379.aspx?lan=7
Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.
Talvsamband Føroya Faroechess