Seinastu Tíðindini

Martin Poulsen og Olaf Berg (høgrumegin – her á talv-OL 2018) vóru við aftur á havnarliðnum í toppdysti móti Klaksvík í dag.

Ringa veðrið darvaði eisini landskappingini í talvi í dag. Fleiri dystir vóru útsettir. 

Men oddaliðið, Havnar Telvingarfelag, vann týðandi útidystin móti Klaksvíkar Talvfelag 3-1, og hevur tí tryggjað sær leiðsluna áðrenn fyrra toppdystin móti Sandavágs Talvfelag eftir nýggjár.  

Martin Poulsen og Olaf Berg telvaðu í dag sínar fyrstu dystir á meistaraliðnum í hesum kappingarárinum. Teir loystu av Luitjen Akselsson Apol og Carl Eli Samuelsen. Á fjórða borði var Sjúrður Thorsteinsson komin fyri Hjalta Toftum Jógvansson. FM-liðið hjá Havnini hevur bæði dygd og breidd. 

Dysturin millum Sandavág og B-liðið hjá klaksvíkingum er útsettur til mikukvøldið.

4 umfar (24 november)

Klaksvík – Havnin 1 – 3

Ólavur Simonsen – Helgi Dam Ziska 0 – 1

Rani Baldursson – Martin Poulsen 0 – 1

Heðin Gregersen – Olaf Berg ½ – ½

Terji Petersen – Sjúrður Thorsteinsson ½ – ½

Í Kollafirði stóð dysturin millum aftastu liðini. Her eydnaðist B-liðnum hjá Havnini at vinna og yvirhálað uppflytarnar úr Kollafirði.

Kollafjørður – Havnin B 1 – 3

Árant Djurhuus – Herluf Hansen ½ – ½

Rógvi Mørkøre – Elias Petersen 0 – 1

Karl M. Dahl – Suni Merkistein 0 – 1

Markus Jacobsen – Óli Joensen ½ – ½

Støðan 1 deild

Havnin (A) 13½ stig

Sandavágur 9

Klaksvík 8½

Havnin (B) 5

Klaksvík (B) 4½

Kollafjørður 3½

Her hava Sandavágur og Klaksvík B ein dyst færri. Útsetti dysturin í dag verður telvaður mikukvøldið.

2 deild

Bara ein dystur hevur verið í dag. 

4 umfar

Havnin – Kongshavn 2½ – 1½

Hinir dystirnir í fjórða umfari eru:

Toftir – Klaksvík

Sandavágur – Havnin B.

Ikki er greitt, nær teir verða telvaðir.

Liðini í 2 deild eru ógvuliga jøvn.

Støðan í 2 deild

Sandavágur 7 stig

Havnin 7

Klaksvík 7

Kongshavn 6½

Havnin B 6½

Toftir 6

Rókur fremst í 3 deild

4 umfar

Gøta – Rókur 1½ – 2½

Kollafjørður – Havnin 2½ – 1½

Dysturin Sandavágur-Vestmanna er útsettur.

Okkurt bendir á, at Rókur, sum í løtuni er fýra stig á odda, longu hevur lagt seg á uppflytingarkós.

4 deild

Líkt er til, at bara ein dystur hevur verið í fjórðu deild í dag. Hann var millum Havnina og Rók og endaði javnur 2- 2. Fýra dystir vórðu útsettir.

Allir útsettu dystirnir skulu avgreiðast áðrenn farið verður undir fimta umfar eftir nýggjár.

Stórmeistarin Helgi Dam Ziska var við aftur á havnarliðnum sunnudagin.

Sunnudagin var Vestmanna Talvfelag vertur fyri stórum felagsumfari í landskappingini í talvi. Allir dystir í triðja umfari í øllum deildum vórðu telvaðir í Vestmanna.

Toppliðini vóru nú betur mannað enn í fyrstu umførunum. Helgi Dam Ziska sat á 1 borði hjá Havnar Telvingarfelag, og Rógvi Egilstoft var komin heim úr Spania at telva við sandavágsmonnum.

Vágamenn høvdu lykladyst móti klaksvíkingum, og vunnu 2½ – 1½. Havnarmenn høvdu minni mótstøðu móti uppflytarunum úr Kollafirði, og gjørdu bart á øllum borðum. Ungi kollfirðingurin Markus Jacobsen, sum óvæntað vann í báðum fyrstu dystunum, noyddist hesaferð at lúta.

Og í dystinum millum B-liðini hjá Havnini og Klaksvík, vóru klaksvíkingar við yvirlutan.

1 deild (3 umfar)

Havnin (A) – Kollafjørður 4 – 0

Helgi Dam Ziska – Árant Djurhuus 1 – 0

Luitjen Akselsson Apol – Rógvi Mørkøre 1 – 0

Carl Eli Samuelsen – Karl M. Dahl 1 – 0

Hjalti Toftum Jógvansson – Markus Jacobsen 1 – 0

Klaksvík (A) – Sandavágur 1½ – 2½

Ólavur Simonsen – Rógvi Egilstoft ½ – ½

Eyðun Nolsøe – Høgni Egilstoft Nielsen 0 – 1

Heðin Gregersen – Silas Eyðsteinsson 1 – 0

Terji Petersen – Jón í Horni Nielsen 0 – 1

Havnin (B) – Klaksvík (B)  1½ – 2½

Elias Petersen – Wille Olsen 0 – 1

Øssur Joensen – Ingolf Gaard ½ – ½

Óli Joensen – Tummas M. Sólsker 0 – 1

Poul Poulsen – Bogi H. Eliasen 1 – 0

Støðan í 1 deild

Havnin (A)  10½ stig

Sandavágur 9

Klaksvík (A)  7½

Klaksvík (B) 4½

Kollafjørður 2½

Havnin (B) 2

Spenningur í 2 deild

Í 2 deild gongur ógvuliga javnt á. Sandavágur, sum duttu úr fremstu deildini seinasta kappingarár, liggja væl fyri í uppflytingarstríðnum, tí harðastu kappingarneytarnir, Klaksvík og Havnin, sleppa ikki upp.

Toftamenn liggja á bakhjóli, men taptu hesaferð fyri argafíggindunum úr Runavík. Jens Chr. Hansen var ikki við hjá toftamonnum henda dagin.

2 deild (3 umfar)

Havnin – Sandavágur 1 – 3

Kongshavn – Toftir 2½ – 1½

Klaksvík – Havnin B 2 – 2

Støðan í 2 deild

Sandavágur 7

Klaksvík 7

Havnin 6½

Toftir 6

Kongshavn 5

Havnin B 4½

Sundalagsmenn fremstir

Talvfelagið Rókur hevur lagt seg á odda í 3 deild. Í hølunum á teimum eru gomlu 1 deildarfeløgini úr Vestmanna og Gøtu.

3 deild (3 umfar)

Gøta – Kollafjørður 3 – 1

Rókur – Sandavágur 3½ – ½

Vestmanna – Havnin 3 – 1

Støðan í 3 deild

Rókur 10 stig

Vestmanna 7½

Gøta 7

Kollafjørður 5

Havnin 4

Sandavágur 2½

4 deild (2 umfar)

Sandavágur B. – Strendur B. 3 – 1

Suðuroy – Strendur A. 2 – 2

Klaksvík – Havnin 4 – 0

Rókur B. – Toftir 3 – 1

Sandavágur – Gøta 2½ – 1½

Støðan í 4 deild

Klaksvík 6½

Strendur 6

Suðuroy 5

Sandavágur B. 5

Sandavágur A. 4½

Gøta 4

Toftir 2

Havnin 1

Strendur B. 1

Telvað verður aftur í landskappingini annað vikuskiftið. Tá er fjórða umfar fyri. Í 1 deild verður telvað soleiðis: 

Klaksvík A – Havnin A

Sandavágur – Klaksvík B

Kollafjørður – Havnin B.

FM í kvik- og snartalvi

Árliga FM-stevnan í snar- og kviktalvi verður nú um vikuskiftið. Telvað verður í Talvhúsinum á Toftum.

Byrjað verður leygardagin kl. 13.30. Tá er FM-Snar áskránni. Tiðin til alt talvið verður 3 min. + 2 sek/leik. Ellivu umfør eru í alt. 

Sunnudagin kl. 13.30 verður FM-Kvik telvað. Tiðin til alt talvið verður 10 min. + 5 sek/leik. Telvað verða 9 umfør. 

Øll eru vælkomin at luttaka í kappingunum, bæði roynd og óroynd. Tað er ikki krav at luttikið verður í báðum kappingunum.

Og virðislønir vera sum vant latnar fremstu telvarunum.