Innbjóðing: Liðkapping fyri børn og ung á Giljanesi

Leygardagin 8. november verður likapping fyri børn og telvað í skúlanum á Giljanesi í Sandavági. Byrjað verður klokkan 10.00.

4 børn telva á hvørjum liði, og kunnu liðini hava upp til 2 útskiftarar við. 5 umfør verða telvað. Talan er um kvik-talv, har ið børnini brúka klokku. Tíðin er 10 minuttir í part til talvið, harafturat verða 5 sekund løgd afturat fyri hvønn leik.

Tiltakið er eitt gott høvi hjá minni royndum og nýliga byrjaðum telvarum at royna seg. Telvararnir læra at brúka klokkuna, koma at kenna talvumhvørvið og møta øðrum ungum talvspírum.
Kappingin er býtt upp í tveir aldursbólkar: 4. flokkur og yngri og 5. flokkur og eldri. 3 tey bestu liðini í hvørjum aldursbólki vinna heiðursmerkir.

Tað verða tríggjar kappingar av hesum slag í 2025. Fyrsta kapping var hildin á Eiði 25. oktober. 3. kappingin verður í Runavík tann 23. november. Kappingarnar eru ikki knýttar saman. T.v.s. at tað er ikki neyðugt at luttaka í øllum kappingunum.

Øll eru vælkomin at melda lið til: skúlar, talvfeløg og onnur áhugað. Skrivið til kappingarleiðaran á kappingarleidarin@faroechess.com. Tit upplýsa navn á liðinum, nøvn á telvarunum, bygd/bý/skúla/talvfelag og aldursbólk. Freistin at melda til er fríggjadagin 7. november kl. 15.00.

Sandavágs Talvfelag og Talvsamband Føroya