Talvsamband Føroya Faroechess
Sunnudagin 26. mars verður kvik-talvkapping fyri børn á Miðnámi í Vestmanna. Hettar er seinasta barnakapping av hesum slag hettar kappingarárið. Kappingin byrjar kl. 14 og 5 umfør verða telvað við tíðini 10 minuttir + 5 sekund per leik. Les meira »
Tíðindi
Innbjóðing til Samskip Kvik – GP finalan
Leygardagin 25. mars verður Grand Prix finalan telvað í skúlanum við Løkin í Runavík. Kongshavnar Talvfelag er vertur, og ber endaliga kappingin navnið Samskip Kvik. Samskip sponsorerar kappingina, og tí eru vinningarnir í GP finaluni serliga tiltrekkjandi í ár. Les meira »
Vágamenn vunnu dramatiska FM-finalu
Tað var spenningur og drama við lít, tá ið vágamenn og havnarmenn í dag telvaðu um meistaraheitið, fyrst í regluligum dysti, og síðani í umdysti, skipaður sum kviktalv við munandi minni leiktíð.
Fyrst vunnu havnarmenn 3-1. Tað gav teimum umdystin. Nú vóru teir rímiligt favorittar eftir frálíka sigurin á ósigraða oddaliðnum, men í umdystinum tók alt eina bráða vend. Vágamenn vóru neyvari og kringari og kaldari, tá ið á stóð.
Sandavágur vann FM fyri lið
Eftir at hava vunnið allar dystirnar í liðkappingini, taptu sandavágsmenn 10. og seinasta umfar 1-3 fyri HT.
Henda gjørdi, at bæði liðini endaðu jøvn, og tískil mátti umdystur til, fyri at finna vinnararnar.
Umdystin vann ST 3-1. Í umdystinum vórðu telvaði kviktalv (10 min. hvør + 5 sek. pr. leik).
Meira um hetta seinni.
Niðanfyri eru nakrar myndir frá endaumfarinum, ið varð telvað á Skúlatrøð í Klaksvík.
FM í liðkappingini verður avgjørt við umdysti.
Umdysturin verður leiktur soleiðis:
1. Liðini telva 1 kviktalv. Lutakastið gav HT hvítt á 1. borði. Um tað framvegis stendur á jøvnum:
2. Liðini telva 1 snartalv. Nýtt lutakast um farvurnar. Um tað framvegis stendur á jøvnum:
3. 1. borðini (Rógvi og Helgi) telva 2 snartalv. Nýtt lutakast um farvurnar. Um tað framvegis stendur á jøvnum:
4. 1 armageddon talv (annar telvarin skal vinna talvið). Nýtt lutakast um farvurnar.
og her við viðmerkjarum:
Sandavágur ella Havnin?
Leygarmorgunin 18. mars endar landskappingin í talvi við stórum felagsumfari á Skúlatrøð í Klaksvík.
Mesti spenningurin er í 1. deild. Sandavágs Talvfelag hevur verið einaráðandi í vetur og vunnið allar níggju dystirnar. Men kortini er eingin avgerð fallin enn. Føroyameistarnir úr Havnar Telvingarfelag eru tvey stig aftanfyri.
Beinleiðis frá seinasta umfarinum í liðkappingini
Klaksvíkar Talvfelag er vertur fyri 10. og seinasta umfarinum í liðkappingini 2022/23, ið verður telvað á Skúlatrøð í Klaksvík, í morgin kl. 10.
112 telvarar telva í 4. deildum, deilt yvir 28 lið. Í 1. deild eru 6 lið, í 2. deild eisini 6 lið, somuleiðis 6 lið í 3. deild og 10 lið eru í 4. deild. Les meira »
Innbjóðing til TT Kvik
9’inda og næstsíðsta GP-kapping í hesum kappingarári verður telvað í talvhølunum hjá Tofta Talvfelagi sunnudagin 19.03. Øll eru vælkomin at luttaka í kappingini. Les meira »
Aðalfundurin útsettur vegna veður
Aðalfundurin hjá Talvsambandi Føroya, sum skuldi vera í kvøld 15.03 kl. 18:00 er útsettur. Hann sigur frá nógvum kava aftur í kvøld.
Nýggjur fundur verður lýstur seinni.
Talvsamband Føroya
Úrslit og myndir frá GT Barna Open
Kviktalvkappingin fyri børn GT Barna Open var í Gøtu í farna vikuskifti. 5 umfør vóru telvaði við tíðini 10 min + 5 sekund per leik. 40 børn luttóku! Les meira »