Talvsamband Føroya Faroechess

Eftir at tilmælið um frástøðu bleiv broytt frá tveimum metrum niður í ein metur, verður nú mett ráðiligt, at síðsta umfar í liðkappingini kann verða telvað. Umfarið verður telvað 23. mai kl. 14:00.

Síðani Coronavirusið byrjaði at herja, hevur nógv telving verið á netinum. Talvsamband Føroya hevur skipað fyri kappingum á heimasíðuni chess.com. Nógvar kappingar verða eisini í mai mánaði. Øll eru vælkomin at luttaka.

Grand Prix kappingin 2019/20 er av. Luttøkan í teimum 10 kappingunum hevur samanumtikið verið góð. Í miðal hava 30 luttakarar verið til hvørja kapping. Samanlagt hava heili 125 telvarar luttikið í teimum ymisku kappingunum, sum uttan iva er met.

Bjóðað verður til Norðurlendska liðkapping, ið íslendska talvsambandið fyriskipar.Innbjóðingin er til øll talvfeløg í Føroyum.

Síðstu tíðina hava nakrar barnakappingar verið telvaðar á netinum. Nú verður hetta skipað undir TSF. Telvað verður á heimasíðuni chess.com.

Fyrsta royndin við at hava talvkapping á netinum gekk sera væl. Heili 76 luttakarar luttóku í kappingini. Tí er avgjørt, at GP-Finalan eisini verður telvað á netinum. Kappingin verður chess.com leygardagin kl. 17:00. Øll eru vælkomin at luttaka.

Tá ein hurð fer aftur, fer ein onnur upp. Síðstu tíðina hevur ikki verið møguligt at fyriskipa tiltøk, sum samla nógv fólk. Tí hevur heldur eingin almenn talvkapping verið. Men tað gingu ikki nógvir dagar, áðrenn talvkappingar blivu fyriskiparar á netinum. Nú verður so ein roynd gjørd at fyriskipa eina “ordiliga” talvkapping á netinum.

Eftir at heilsumyndugleikarnir eru komnir við tilráðingunum um, at vit skulu taka coronavirusið í álvara og avlýsa óneyðug almenn tiltøk, hevur Talvsamband Føroya avgjørt, at eingin telving verður næstu tíðina.