Talvsamband Føroya Faroechess

8. Grand Prix kapping verður telvað leygardagin. Kappingin er fyri øll, bæði roynd og óroynd. Kappingin er partur av Grand Prix kappingunum. Meira kann lesast um tær her: https://faroechess.com/?p=1602

Nú tvey umfør eru eftir í landskappingini í talvi stendur á jøvnum í oddanum í 1. deild millum føroyameistarnar úr Sandavágs Talvfelag og Havnar Telvingarfelag.   Vágamenn vóru tvey stig fremri fyri dystirnar í dag, men tann leiðslan er nú fokin. Klaksvíkingar megnaðu javnleik 2-2 móti sandavágsmonnum í Vágum í dag, og havnarmenn vunnu 4-0 á kollfirðingum.  

Fyrsta barnakapping í ár hevur verið á Giljanesi í dag. Barnakappingarnar eru serliga ætlaðar børnum, sum nýliga eru byrjaði at telva, ella ikki hava so nógvar royndir við at telva kappingar. Tí var gleðiligt at síggja, at hetta var fyrsta kapping hjá fleiri av teimum 42 børnunum, sum luttóku í kappingini. Næsta barnakapping verður í Kollafjarðar skúla 8. mars.

Næstu tíðina verður skipað fyri talvkappingum fyri børn í skúlaaldri og yngri. Kappingarnar eru serliga ætlaðar børnum, ið nýliga eru byrjaði at telva, ella ikki hava telvað so nógv við í kappingum. Einasta treyt fyri at luttaka er, at barnið dugir mannagongdina.

Føroyski hópurin kemur heimaftur úr NM-kappingini í Danmark við 13,5 stigum av 60 møguligum. Í mun til undanfarin ár og ikki minst kappingina í fjør – sum gav 20,5 stig og eitt heiðursmerki úr silvuri – er talan um óvanliga soltna úrtøku.

Dagurin í dag hilnaðist okkara telvarum eitt sindur betri enn í gjár. Meðan stigini í gjár vóru 3½ íalt, gjørdust tey í dag 5½, og tað vóru serliga teir yngru telvarirnir, ið fingu stig.

Okkara ungu telvarir hava í dag telvað tvey tey fyrstu umførini, av seks, í kappingini fyri norðurlendskan skúlaungdóm.

Hálv øld er nú liðin síðan menn komu saman at stovna eitt meginfelag fyri føroyska telving. Talvsamband Føroya var stovnað á fundi í Havn 14. februar í 1970. Talan er óivað um elsta sersamband innan kappingarítrótt í Føroyum.

Her er eitt yvirlit yvir allar FM vinnarar, bæði í einstaklingakappingum, umframt liðkappingum.

Árliga norðurlandameistarakappingin í talvi fyri børn og ung verður hildin um vikuskiftið. Danir eru vertir fyri kappingini hesa ferð, og telvað verður í Fredericia. Kappingin er skipað í fimm aldursbólkar við telvarum upp til 20 ár, og Norðurlondini hava tvey umboð í hvørjum bólki.