Heim / Tíðindi / Seinastu Tíðindini (síða 32)

Seinastu Tíðindini

Talvfinala beinleiðis á netinum

26. marts 2022

Talvsamband Føroya hevur rættiliga spent seg út til endabrestin í landskappingini í talvi í dag. 
 
Leikirnir á øllum borðum í teimum trimum dystunum í 1. deild verða allir varpaðir út á netið. Eisini síggjast tey fýra borðini í FM-finaluni millum Havnina og Sandavág í mynd, og í triðja lagi fara telvarar at viðmerkja gongdina í FM-finaludystinum.

Les meira »

Talvfinala leygardagin

25. marts 2022

Eins og undanfarin ár stendur dysturin um FM-heitið í talvi fyri feløg aftur í ár millum havnarmenn og sandavágsmenn. Seinastu tólv árini hava hesi feløgini verið tey einastu, sum hava vunnið. Ofta er kappingin avgjørd á seinasta leikdegi í einum innanhýsis finaludysti.
 
Seinasta umfar í landskappingini í vetur verður nú leygardagin. Tá bresta oddaliðini saman í røttum finaludysti. Havnarmenn hava otað seg eitt stig framum vágamenn, men undir øllum umstøðum verður tað liðið føroyameistari, sum vinnur dystin. Endar dysturin javnur, er Havnin føroyameistari.
 
Endabresturin verður skipaður sum stórt felagsumfar í skúlanum við Løgmannabreyt í Hoyvík. Allir dystir í øllum fýra deildum verða undir somu lon. Byrjað verður klokkan 11 fyrrapartin.

Les meira »

Seinasta umfar í liðkappingini, leygardagin 26. mars kl. 11

22. marts 2022

FM endabresturin í liðkappingini 2021/22 verður í skúlanum við Løgmannabreyt, leygardagin 26. mars. Byrjað verður kl. 11.00.

Havnar Telvingarfelag bjóðar kaffi og kakur meðan telvað verður. Eftir seinasta leik bjóðar felagið lættari ábit og Anfinn Brekkstein, varaborgarstjóri, handar heiðursmerki.

Les meira »

ST kvik sunnudagin

16. marts 2022

Sunnudagin 20. mars kl. 14 skipar Sandavágs Talvfelag talvkapping.

Kappingin er partur av GP-kappingunum, sum eru fyri øll, bæði roynd og óroynd.

Les meira »

Havnarmenn á odda

14. marts 2022

Við einum knúsandi 4-0 sigri á klaksvíkingum løgdu havnarmenn seg einsamallar á odda í landskappingini í talvi. 

Havnar Telvingarfelag er nú eitt stig fremri enn Sandavágs Talvfelag fyri seinasta umfar, sum verður um tvær vikur. Tá hittast oddaliðini í einum finaludysti um FM-heitið.

Les meira »

Rókur Open 2022

28. februar 2022

Komandi vikuskiftið 4.-6. mars 2022 verður Rókur-Open telvað í skúlanum við Streymin. Øll eru vælkomin at luttaka í kappingini.

Les meira »

Borð um borð í toppinum

28. februar 2022

Olaf Berg (vm) og Carl Eli Samuelsen (hm) mannaðu fremru borðini hjá Havnini móti Vestmanna í dag. Havnarmenn vunnu 3½-½, og hava nú fingið vágamenn aftur.
 
Tað stendur aftur á jøvnum millum havnarmenn og sandavágsmenn í FM-kappingini í talvi. Bæði liðini vunnu ruddiliga í áttanda og triðisíðsta umfari í dag. Havnarmenn vunnu eitt hálvt stig í innanhýsis kappingini, og tað ber í sær, at bæði liðini hava 24½ stig hvørt eftir dystirnar í dag.
 
Vágamenn høvdu kanska heldur torførari mótstøðu, men vunnu 3-1 á besta liðnum hjá klaksvíkingum. Vágamenn vunnu við hvíta fólkinum á øðrum og fjórða borði. Á fyrsta borði endaði javnt millum Rógva Egilstoft og Ólav Simonsen. Á øðrum borði vann Høgni Egilstoft Nielsen á Rana Nolsøe. Føroyameistarin hevur vunnið øll átta talvini í vetur.
 
Havnarmenn fingu gott úrslit í Vestmanna, hóast hvørki Helgi Dam Ziska ella Martin Poulsen – báðir sterkastu telvararnir í Havn – vóru við. Á ovaru borðunum vunnu havnarmenn sannførandi, men á aftaru borðunum mátti arbeiðast harðari. Sjúrður stóð eitt sindur kroystur móti Martin Brekká, men loftaði sær javnleikinum, og á fjórða borði gav Alfred Olsen unga Luitjeni dygga mótstøðu, men Luitjen vann kringur torføra endatalvið.
 
Í triðja dystinum gjørdi B-manningin hjá Klaksvíkar Talvfelag bart og vant úr B-manning Havnar Telvingarfelags, sum kortini liggur fremri í kappingini.
 
1.deild, 8. umfar
8. Umfar tann 2022/02/27 kl. 14:00
Bo. 6   Sandavágs Talvfelag 1 Rtg – 2   Klaksvíkar Talvfelag 1 Rtg 3 : 1
1.1 FM
 
 Egilstoft, Rogvi
2361 –  
 
 Simonsen, Olavur
2217 ½ – ½
1.2 FM
 
 Nielsen, Hogni Egilstoft
2384 –  
 
 Nolsoe, Rani
2055 1 – 0
1.3  
 
 Eydsteinsson, Silas
2046 –  
 
 Petersen, Terji
2030 ½ – ½
1.4  
 
 Nielsen, Torkil
2168 –  
 
 Hansen Eliasen, Bogi
1841 1 – 0
Bo. 1   Vestmanna Talvfelag 1 Rtg – 3   Havnar Telvingarfelag 1 Rtg ½ :3½
2.1  
 
 Andreasen, Jakup A.R.
1999 – FM
 
 Berg, Olaf
2199 0 – 1
2.2  
 
 Hojgaard, Samson
1969 – FM
 
 Samuelsen, Carl Eli Nolsoe
2181 0 – 1
2.3  
 
 Brekka, Martin
2059 –  
 
 Thorsteinsson, Sjurdur
2128 ½ – ½
2.4  
 
 Olsen, Alfred A.
1806 –  
 
 Apol, Luitjen Akselsson
2126 0 – 1
Bo. 5   Klaksvíkar Talvfelag 2 Rtg – 4   Havnar Telvingarfelag 2 Rtg 3½: ½
3.1  
 
 Baldursson, Rani
1990 –  
 
 Mortensen, Rogvi
2018 ½ – ½
3.2  
 
 Rasmussen, Steintor
1994 –  
 
 Berg, Margar M.
1975 1 – 0
3.3  
 
 Gaard, Ingolf
1912 –  
 
 Jacobsen, Heidrikur T.
1864 1 – 0
3.4  
 
 Skaale, Janus
1862 –  
 
 Joensen, Oli
1785 1 – 0


Støðan í 1.deild eftir áttanda umfar

Rk. Lið 1a 1b 2a 2b 3a 3b 4a 4b 5a 5b 6a 6b  TB1   TB2 
1 Sandavágs Talvfelag 1  *   *  2½   2½ 3 2½ 4 4   3½ 2½ 24,5 16
2 Havnar Telvingarfelag 1 1½    *   *  3½   2½ 2½ 3½ 3½ 4 3½ 24,5 14
3 Klaksvíkar Talvfelag 1 1½ 1 ½    *   *  2   3 3 3½ 2½ 17,0 9
4 Havnar Telvingarfelag 2 1½ 0 1½ 1½ 2    *   *  3 ½ 3   13,0 5
5 Klaksvíkar Talvfelag 2 0   ½ ½ 1 1 1 3½  *   *  2½   10,0 4
6 Vestmanna Talvfelag 1 ½ 1½ 0 ½ ½ 1½ 1   1½    *   *  7,0 0


Føroyameistarin, Høgni Egilstoft Nielsen, Sandavágs Talvfelag, hevur fult stigatal eftir átta umfør. Í dag vann hann á Rana Nolsøe.


Endaspurturin
 
Tvey umfør eru nú eftir í landskappingini í talvi. Skráin í 1. deild er henda:
 
9. umfar (13. mars)
Klaksvík B – Sandavágur
Havnin A – Klaksvík A 
Havnin B – Vestmanna
 
10. umfar (26. mars)
Sandavágur – Havnin
Klaksvík A – Havnin B
Vestmanna – Klaksvík B

Eiði karmur um FM í talvi

27. februar 2022

Fyri fyrstu ferð í talvsøgu Føroya skal Eiði hýsa FM í talvi fyri einstaklingar, sum aftur í ár verður telvað um páskini. Kappingin verður telvað í Mentanarhøllini á Eiði í døgunum frá 9. apríl – 15. apríl, og tað er Talvfelagið Rókur, sum skipar fyri kappingini saman við Talvsambandi Føroya.

Les meira »

webmaster@faroechess.com
Talvsamband Føroya 2024