Tíðindi

Vegna vánalig koyrilíkindi eru dystirnir millum Kollafjørð 3 – Vestmanna 2 og dysturin millum Runavík 2 – Sandavág 3 útsettir.

Nú verður farið undir endaspurtin í landskappingini í talvi millum feløg. 
Fyri dystirnar í níggjunda og næstsíðsta umfari í morgin sunnudagin stendur á jøvnum í fremstu deildini millum oddaliðini Havnar Telvingarfelag og føroyameistarnar úr Sandavágs Talvfelag. Bæði liðini hava 24 stig. Klaksvíkar Talvfelag hevur á triðja plássi 18½ stig. 

Barnakappingarnar eru serliga ætlaðar børnum, sum nýliga eru byrjaði at telva, ella ikki hava so nógvar royndir við at telva kappingar. Einasta treyt fyri at luttaka er, at barnið dugir mannagongdina. 
Les meira »

8. Grand Prix kapping verður telvað leygardagin. Kappingin er fyri øll, bæði roynd og óroynd.

Kappingin er partur av Grand Prix kappingunum. Meira kann lesast um tær her: https://faroechess.com/?p=1602

Les meira »

Fyrsta barnakapping í ár hevur verið á Giljanesi í dag. Barnakappingarnar eru serliga ætlaðar børnum, sum nýliga eru byrjaði at telva, ella ikki hava so nógvar royndir við at telva kappingar. Tí var gleðiligt at síggja, at hetta var fyrsta kapping hjá fleiri av teimum 42 børnunum, sum luttóku í kappingini.

Næsta barnakapping verður í Kollafjarðar skúla 8. mars. Les meira »

Næstu tíðina verður skipað fyri talvkappingum fyri børn í skúlaaldri og yngri. Kappingarnar eru serliga ætlaðar børnum, ið nýliga eru byrjaði at telva, ella ikki hava telvað so nógv við í kappingum. Einasta treyt fyri at luttaka er, at barnið dugir mannagongdina. Les meira »

Føroyski hópurin kemur heimaftur úr NM-kappingini í Danmark við 13,5 stigum av 60 møguligum. Í mun til undanfarin ár og ikki minst kappingina í fjør – sum gav 20,5 stig og eitt heiðursmerki úr silvuri – er talan um óvanliga soltna úrtøku.

Dagurin í dag hilnaðist okkara telvarum eitt sindur betri enn í gjár. Meðan stigini í gjár vóru 3½ íalt, gjørdust tey í dag 5½, og tað vóru serliga teir yngru telvarirnir, ið fingu stig.