Innbjóðing til Barnatalvkapping fyri lið í Klaksvík

Sunnudagin 16. oktober er barnatalvkapping fyri lið á skránni. Kappingin verður á Skúlatrøð í Klaksvík og byrjar kl. 13:00.

4 børn telva á hvørjum liði, og kunnu liðini hava 2 útskiftarar við. 5 umfør verða telvað. Talan er um kvik-talv, har ið børnini brúka klokku og fáa 10 minuttir í part til talvið, umframt, at fyri hvønn leiktan leik verða 5 sekund lagt afturat klokkuni. 

Tiltakið er serliga eitt gott høvi hjá nýbyrjarum at royna seg, at læra at brúka klokku og at koma at kenna talvumhvørvið og aðrar ungar talvspírar.

Kappingin er býtt upp í tveir aldursbólkar: 4. flokkur og yngri og 5. flokkur og eldri. Top 3 lið í hvørjum aldursbólki vinna medaljur, og er hettar samstundis ein út av tveimum undankappingum til eina finalu. Hin undankappingin verður 22. oktober og finalan tann 5. november. Samanumtikið, úr báðum undankappingunum, koma 6 tey bestu liðini í hvørjum aldursbólki at kappast um heitið Føroyameistarar í barna-kvik-talvi fyri lið 2022.

Øll eru vælkomin til at melda lið; skúlar, talvfeløg og onnur áhugað, við at skriva til kappingarleiðaran á kappingarleidarin@faroechess.com. Freistin er hósdagin, 13. oktober. 

Talvsamband Føroya