Seinastu Tíðindini

2387

1 – 0

18.2

Uruci, Endrit

2315

–

2291

1 – 0

18.3

Asllani, Muhamet

2216

–

2254

0 – 1

18.4

Saraci, Korab

2200

–

2281

0 – 1

Albania í síðsta umfari

Tað ber á brá at vera lagnunnar speisemi, at sama dag, sum Føroyar spæla EM-dyst móti Albania í fótbólti, er EM-dystur í talvi millum somu lond.

Føroyar hava tvær ferðir telvað móti Albania. Fyrri dysturin var á olympiaduni í Grikkalandi í 1988. Tá vunnu Føroyar óvæntað 2½-1½. 18 ára gamli Heini Olsen tryggjaði Føroyum sigurin á fjórða borði. Remis var á hinum borðunum. Á 1. borði telvaði John Rødgaard.

Annar dysturin var á talvolympiadu har eysturi í Kalmykia í 2010. Tá var úrslitið øvugt; Albania vann 2½-1½. Fremru borðini taptu – Helgi Dam Ziska og Olaf Berg – aftaru borðini fingu stigini; Carl Eli Samuelsen remis á 3. borði og Jóan Hendrik Andreasen vann á 4. borði.

Albania hevur verið favorittur í báðum undanfarnu dystunum, og tað eru teir aftur í morgin. Teir hava tríggjar altjóða meistarar á liðnum, og hava einstøk góð úrslit í hesari kappingini. Ein tepur 2½-1½ ósigur fyri sterka Kroatia man vera lutfalsliga besta úrslitið. Kosovo vunnu teir 3-1, men í dag vóru teir hepnir at vinna á Skotlandi. Skotar stóðu til at fáa fyrsta javnleikin í kappingini. Jonathan Grant sat á fjórða borði við púra upplagdari remisstøðu í endatalvinum, men á gátuføran hátt snávaði hann, og so vann Albania 2½-1½.

Føroyar hava bara Skotland aftanfyri seg, men vit og Albania eru javnir við fýra stigum hvør, og trý lið eru eitt stig fremri enn vit: Kosovo, Montenegro og Finnland.

Serbia ella Týskland

Alt bendir á, at antin Serbia ella Týskland fara at vinna EM. Londini, sum hava vunnið EM seinastu ferðirnar, eru ikki við. Tey eru Ukraina og Russland. Tey kríggjast nú á vígvøllinum ein óunniligari dyst enn á teimum 64 puntunum.

Hvørki Týskland og enn minni Serbia hava verið so frammarlaga sum nú. Jugoslavia var altíð í fremstu røð í talvi, men eftir at samveldið syndraðist eftir borgarakríggið á Balkan í 90-unum, stóðu serbar í fleiri ár í skugganum av Bosnia-Herzegovina og Kroatia – fyrstu árini gjørdi Bosnia bart við eitt nú OL-silvuri í 1994. Oddamenninir vóru Føroyavinirnir Predrag Nikolic og Ivan Sokolov.

Men nú eru serbarnir aftur í fremstu røð. Kríggið í Ukraina spælir tó ein týðandi leiklut í hesum serbiska framlopinum. Russiska innrásin hevur fingið fleiri russiskar stórtelvarar at flýggja og seta búgv í øðrum londum. Tveir av hesum muna væl á serbiska landsliðnum nú í EM. Aleksandr Predke og Alexej Sarana sótu á báðum fremru borðunum hjá Serbia í toppdysti móti Onglandi í dag. Og nýggjur á 1. borði hjá Onglandi er annar russiskur stórtelvari – Nikita Vitiugov.

Týskarar hava fingið eitt nýtt ættarlið av ungum telvarum fram. Oddamaðurin er Vincent Keymer úr Mainz. Ein annar er Rasmus Svane úr Lubeck. Hann er føddur í Danmark, pápin er dani og mamman týsk, eftir fyrstu árini í Danmark flutti familjan til Týsklands. Svane tryggjaði Týsklandi sigurin í dag á Fraklandi eftir at hini trý talvini endaðu jøvn.

Serbar vunnu 2½-1½ á Onglandi. Trý remis, men serbar vunnu á 4. borði. Hví Ongland brúkti eykamannin í hesum týðandi lykladysti er at undrast á, men tað kostaði teimum sigurin og møguleikan at vinna EM.

Norra og Ísland

Norra vann í dag flottan sigur á Hollandi. Magnus Carlsen avgjørdi dystin á 1. borði – hini trý endaðu jøvn. Noreg hevur nú togað seg fram millum fremstu tíggju londini í EM.

Og Ísland fekk í dag úrslitið, sum teir fara at dusa sær í eina góða løtu – 2½-1½ á Danmark. Hjørvar Steinn Grétarsson var stóra hetjan. Hann vann prestisjudystin á 1. borði móti sterkasta dananum, Jonas Buhl Bjerre. Á hinum borðunum var remis.

Íslendingar vóru ógvuliga treystir, tí allir stóðu heldur kroystir eitt skifti. Leingi var líkt til, at Jesper Thybo Søndergaard fór at vinna á 3. borði, men Gudmundur Kjartansson stríddist manniliga, og eftir 136 leikir endaði talvið loksins remis – og so hevði Ísland vunnið.

Nøkur úrslit í dag:

Týskland – Frakland 2½-1½

Serbia – Ongland 2½-1½

Rumenia – Kroatia 1½-2½

Armenia – Grikkaland 2-2

Norra – Holland 2½-1½

Svøríki – Ungarn ½-3½

Danmark – Ísland 1½-2½

Sveis -Finnland 2 – 2

Albania – Skotland 2½-1½

Topp 5

Serbia 13

Týskland 13

Ongland 11

Armenia 11

Kroatia 11

9 og síðsta umfar (20. november)

Týskland – Kroatia

Serbia – Grikkaland

Ongland – Armenia

Norra – Kekkia

Svøríki – Ísrael

Ísland – Turkaland

Danmark – Eysturríki

Finnland – Belgia

Føroyar – Albania

Dystirnir í morgin byrja klokkan 14 okkara tíð. Leinki til øll borðini sæst á heimasíðu Talvsambandsins – faroechess.com

Úrslit: NM úttøku-undankappingarnar

19. november 2023

Seinna NM úttøku-undankappingin var í Tofta Skúla í gjár. Tá skuldi avgerast, hvør ið sleppur við í finaluna, har ið kappast verður um NM luttøku. 2 í hvørjum aldursbólki sleppa at umboða Føroyar til Norðurlandameistaraskapið komandi ár. 8 sleppa við í finaluna í hvørjum bólki. Finalan verður í Sandavági um 2 vikur. Les meira »

2-2 móti Finnlandi

19. november 2023

Sigurin móti Finnlandi var í eygsjón, men tá ið avtornaði, endaði dysturin javnur. F.v.: John Rødgaard, Høgni Egilstoft Nielsen, Rógvi Egilstoft og Martin Poulsen.

Føroyar telvaðu í kvøld javnt móti Finnlandi í EM-kappingini fyri landslið í Montenegro.

Eitt fínt úrslit.

Men vit áttu av røttum at vunnið. John hevði ein av teimum døgunum, tá ið talvið allan vegin er í sunnari javnvág, og eingin vandi er á ferð. Eitt trygt remis, og so var botnurin lagdur.

Martin hevur telvað seg heitan, og nú koppaði hann sterkum mótstøðumanni við hvíta fólkinum á 2. borði. Í uppbýtinum til javnt endatalv var hvørgin heilt neyvur. Finnlendingurin fekk fyrst viðrák, men tvørrandi neyvleiki bar í sær, at alt kollveltist í einum viðbragdi. Brádliga hevði Martin bæði sett og matchbólt, og endin var, at hann setti mótstøðumannin skák og mát. Flott Martin – mótstøðumaðurin hevði útivið 100 ratingstig fleiri.

So vóru tað Egilstoft-brøðurnir. Høgni hevði eitt skifti greiðan fyrimun á 1. borði, og Rógvi stóð við javnari støðu á 3. borði. Neyðin hjá Høgna – og føroysku telvarunum sum heild – er tann, at hugsað verður so leingi um hvønn leikin, at tíðin verður ov knøpp upp undir evstamark. Tveir tímar eru til fjøruti leikir. Høgni hevði aftur í dag einans einar fimm minuttir í alt frá 25.- til 40. leik. Hevði Høgni verið neyvari og skarpari í hesum tíðarbili, hevði hann ivaleyst vunnið. Hann hevur greiðan fyrimun til 36 leik, men tá fer hann av kós og missir fyrimunin, og fær hann ikki aftur. Hesa avgerandi løtuna hevði hann í miðal hálvan minuttin til leikin. Í staðin endar talvið javnt eftir 51 leikir.

Nakað tað sama hendir Rógva. Hann hevur javna støðu í endatalvinum, men hevur ikki bindini til tolið verjuspæl, sum í hesum føri var neyðugt. Hann fer í staðin undir eitt ógrundað mótálop, og eftir fáum leikum er støðan tapt. Safety first! Tað veit síðumaðurin – John Rødgaard – afturímóti alt um.

7. umfar (18. november) – EM í Montenegro

Bo.

Finland

Rtg

–

Faroe Islands

Rtg

2 : 2

19.1

Sipila, Vilka

2429

–

2387

½ – ½

19.2

Sammalvuo, Tapani

2381

–

2291

0 – 1

19.3

Valkama, Eero

2310

–

2254

1 – 0

19.4

Wartiovaara, Oliver

2270

–

2281

½ – ½

Kosovo sunnudagin

Í næstsíðsta umfari sunnudagin møta Føroyar Kosovo. Teir eru styrkismettir eitt pláss aftari enn vit, men hava ligið eitt vet fremri alla kappingina.

Vit hava vunnið á Kosovo bæði í EM 2015 og EM 2017, men fyritreytirnar eru eitt sindur øðrvísi nú. Helgi Dam Ziska vann á 1. borði báðar ferðirnar á Nderim Saraci, sum framvegis er teirra oddamaður, í øðrum lagi tykist Kosovo heldur styrknað síðani 2017.

Men ein javnan og spennandi dyst vænta vit at fáa ímóti teimum.

Spennandi dystir

EM-kappingin fyri landslið í talvi er rættiliga spennandi. Nú Russland ikki er við, eru nógvir um boðið at vinna. Eingin beinleiðis favorittur er. Í løtuni stendur á jøvnum millum Týskland, Ongland og Serbia, men fleiri eru beint í hølunum á teimum.

Toppdysturin millum Týskland og Ongland endaði 2-2. Remis á øllum borðum, tó at telvað varð væl og leingi.

Magnus Carlsen mundi tapt. Norra og Danmark brustu saman. 19 ára gamla danska stórtalentið Jonas Buhl Bjerre hevði heimsins besta á knøunum, men á næstan mozartskan hátt reistist Carlsen úr øskuni og fekk strítt seg til eitt harðvunnið remis. Og so vann Norra dystin tepurt.

Úrslit í 7. umfari:

Týskland – Ongland 2-2

Rumenia – Serbia 1½-21

Ungarn – Armenia 1½-2½

Kekkia – Frakland 1-3

Kroatia – Holland 2-2

Danmark – Norra 1½-2½

Svøríki – Turkaland 2½-1½

Ísland – Skotland 3½-½

Topp 5

Týskland 11

Ongland 11

Serbia 11

Frakland 10

Armenia 10

Botn 5

34. Finnland 4

35. Kosovo 4

36. Føroyar 3

37. Albania 2

38. Skotland 0

Dystir í 8 umfari (sunnudagin 19.11)

Týskland – Frakland

Ongland – Serbia

Norra – Holland

Svøríki – Ungarn

Danmark – Ísland

Finnland – Sveis

Føroyar – Kosovo

Móti Finnlandi í dag

18. november 2023

Trý umfør eru nú eftir í EM-kappingini í talvi fyri landslið í Montenegro. Telvað verður í Budva við Adriatarahavið. Montenegro er komið undan Jugoslavia, sum hevði so sterka talvsiðvenju. Seks milliónir fólk búgva í Montenegro, og meginparturin dugir at telva.

Í sjeynda og triðsíðsta umfari í stóru EM-stevnuni í Montenegro telva Føroyar móti Finnlandi.

Finnlendingar eru styrkismettir ovari enn vit, og hava hægri ratingtøl á øllum borðum. Fyritreytirnar eru tí tær somu sum í at kalla hvørjum dysti; vit eru the underdog.

Hvørgin av bestu telvarunum eru við. Tomi Nyback er ikki við á finska liðnum, og Helgi Dam Ziska er ikki við á føroyska liðnum í hesari kappingini. Teir eru at kalla javnsterkir.

Hetta er vist onnur ferðin, at vit møta Finnlandi á fýra borðum. Vit møttu teimum á olympiaduni í sveisiska býnum Luzern í 1982. Tá fingu vit bara eitt hálvt stig. Luitjen Apol telvaði tá remis á 1. borði móti Veio Maki.

Annars hava vit nakrar ferðir telvað móti Finnlandi í 8-landakappingunum (víðkaðar norðurlandameistarakappingar) yvir seks borð. Vit hava tapt teir dystirnar, men í fyrstu 8- landakappingini í Oslo í 1983 vann Súni Ziska á 1. borði á fleirfalda finska meistaranum Kaarle Ojanen.

Stóra navnið í finskari telving er Heikki Westerinen. Hann hevur telvað í Føroyum, men nú hann táttar í tey 80 árini, er hann dragnaður til nummar 50 í Finnlandi, og sæst tí ikki longur á finska landsliðnum.

Hesir telva í dag:

Bo.

Finland

Rtg

–

Faroe Islands

Rtg

19.1

Sipila, Vilka

2429

–

2387

19.2

Sammalvuo, Tapani

2381

–

2291

19.3

Valkama, Eero

2310

–

2254

19.4

Wartiovaara, Oliver

2270

–

2281

Tvey remis í gjár

Í sætta umfari í gjár telvaðu okkara menn móti ungdómslandsliðnum hjá Montenegro. Høgni og Martin telvaðu remis á ovaru borðunum, men Rógvi og John taptu á aftaru borðunum. Mótstøðumenninir høvdu hægri styrkitøl á øllum borðum.

Føroyar eru í løtuni nummar 37 av 38 liðum. Vit hava Skotland aftanfyri okkum. Vit eru styrkismettir nummar 36, men Kosovo, sum er styrkismett nummar 37, stendur seg væl.

Bo.

Faroe Islands

Rtg

–

Montenegro Youth

Rtg

1 : 3

18.1

2387

–

Tomic, Aleksandar

2411

½ – ½

18.2

2291

–

Sukovic, Andrej

2382

½ – ½

18.3

2254

–

Pecurica, Milos

2342

0 – 1

18.4