Tíðindi

 

Bæði oddaliðini vunnu stórsigrar í sjeynda umfari í fremstu deildini í landskappingini í talvi sunnudagin.

 

Føroyameistarnir úr Sandavágs Talvfelag vundu úr B-manningini hjá Havnar Telvingarfelag, og otaðu seg eitt hálvt stig framum A-liðið hjá havnarmonnum. Sandavágur hevur nú 21½ stig, Havnin 21. Fimm stig eru aftur til Klaksvík á triðja plássi, ið sostatt má metast at vera gliðið úr FM-stríðnum.

 

 

Vágamenn gjørdu bart á Finsen. Tá tríggir tímar vóru farnir, sást framvegis ikki, hvønn veg tað bar í dystinum millum Havnina B og Sandavág. Tað bylgdist aftur og fram á øllum fýra borðum. Men væl líður eftir hjá sandavágsmonnum. Eitt lítið kvink her, eitt annað har, stigvíst verður akkumulerað, teir kýta seg nærlagdir, tíðin er knøpp hjá summum, tað ríður um snarið, kann fara báðar vegir, flutt verður í skundi, bæði á hesum og hasum borðinum gjálvar, lítið er út at geva, men tá ið krútroykurin hevur lagt seg, hava allir vunnið.  4-0 til føroyameistarnar móti liðnum, sum leingi hevur verið á triðja plássi í kappingini.

 

A-liðið hjá Havnini vann 3½-½ á Klaksvík B. Obligatoriska mannfallið hjá havnarmonnum – í dag høvdu Olaf Berg, Carl Eli Samuelsen og Sjúrður Thorsteinsson forfall – gav Hjalta Toftum Jógvanson møguleikan á fjórða borði. Hann loysti uppgávuna upp á stás. Helgi Dam Ziska og Martin Poulsen vunnu á fremru borðunum, men á triðja borði endaði javnt millum Luitjen Akselsson Apol og Ingolf Gaard.

 

Spenningur er nú í botnstríðnum millum Vestmanna og Klaksvík B. Vestmenningar eru farnir at rakna við, og hava nú fingið Klaksvík B aftur. Eftir góða dystin móti oddaliðnum úr Sandavági í sætta umfari, fingu klaksvíkingar harða mótstøðu í dag. Eitt nú vann Jákup á Rógvi á Ólavi Simonsen á 1. borði, men dystin vunnu klaksvíkingar kortini tepurt.

 

Samanumtikið er at siga, at stórur spenningur valdar bæði í toppi og botni í fremstu deildini, nú trý umfør eru eftir.

 

 

7. Umfar tann 2022/02/06 kl. 14:00
Bo.	4	Havnar Telvingarfelag 2	Rtg	–	6	Sandavágs Talvfelag 1	Rtg	0 : 4
1.1		Mortensen, Rogvi	2018	–	FM	Egilstoft, Rogvi	2361	0 – 1
1.2		Hansen, Herluf	1985	–	FM	Nielsen, Hogni Egilstoft	2384	0 – 1
1.3		Berg, Margar M.	1975	–		Eydsteinsson, Silas	2046	0 – 1
1.4		Merkistein, Suni	1901	–		Nielsen, Torkil	2168	0 – 1
Bo.	3	Havnar Telvingarfelag 1	Rtg	–	5	Klaksvíkar Talvfelag 2	Rtg	3½: ½
2.1	GM	Ziska, Helgi Dam	2539	–		Baldursson, Rani	1990	1 – 0
2.2	FM	Poulsen, Martin	2302	–		Johansen, Haldur Suni	1985	1 – 0
2.3		Apol, Luitjen Akselsson	2126	–		Gaard, Ingolf	1912	½ – ½
2.4		Jogvansson, Hjalti Toftum	1988	–		Kalso, Steffan	1567	1 – 0
Bo.	2	Klaksvíkar Talvfelag 1	Rtg	–	1	Vestmanna Talvfelag 1	Rtg	2½:1½
3.1		Simonsen, Olavur	2217	–		Andreasen, Jakup A.R.	1999	0 – 1
3.2		Nolsoe, Rani	2055	–		Hojgaard, Samson	1969	1 – 0
3.3		Petersen, Terji	2030	–		Brekka, Martin	2059	1 – 0
3.4		Skorastein, Simun	1637	–		Olsen, Alfred A.	1806	½ – ½

Støðan í 1. deild eftir 7. umfør

Rk.

Lið

1a

1b

2a

2b

3a

3b

4a

4b

5a

5b

6a

6b

TB1

TB2

1

Sandavágs Talvfelag 1

*

*

2½

2½

2½

4

4

3½

2½

21,5

14

2

Havnar Telvingarfelag 1

1½

*

*

3½

2½

2½

3½

3½

4

21,0

12

3

Klaksvíkar Talvfelag 1

1½

½

*

*

2

3

3

3½

2½

16,0

9

4

Havnar Telvingarfelag 2

1½

0

1½

1½

2

*

*

3

3

12,5

5

5

Klaksvíkar Talvfelag 2

0

½

½

1

1

1

*

*

2½

6,5

2

6

Vestmanna Talvfelag 1

½

1½

0

½

1½

1

1½

*

*

6,5

0

Skráin fyri írestandi umførini í fremstu deildini er henda:

 

Sandavágur – Klaksvík

Vestmanna – Havnin

Klaksvík B. – Havnin B.

 

Sandavágsmenn koppaðu oddaliðnum úr Havn í toppdystinum í fimta umfari í landskappingini í talvi í dag.

 

Nú stendur á jøvnum millum vágamenn og havnarmenn í fremstu deildini. Bæði liðini hava 15 stig hvør, og eru fýra stig undan triðja liðnum í røðini. 

 

Kanska fáa vit aftur eina beinleiðis FM-finalu, tá oddaliðini hittast aftur í seinasta umfari 26.mars.

 

Havnarmenn flongdu klaksvíkingar í toppdysti í talvi í gjárkvøldið.

 

Tveir av dystunum í fremstu deildini í fjórða umfari í landskappingini í talvi, sum upprunaliga varð útsett vegna koronu, vórðu spældir í gjár.  

 

Oddaliðið hjá Havnini styrkti sína støðu við stórsigri á Klaksvíkar Talvfelag. Havnarmenn vunnu 3½-½. Klaksvíkingar kendu ivaleyst sviðan av, at moldovski stórmeistarin, Vladimir Hamitevici, ikki var við. 

Nú altjóða talvsamgongan FIDE um nýggjársleitið dagførdi styrkitølini hjá telvarum um allan heim, sæst, at Føroyar nú tátta í tann ovasta triðingin av londum í øllum heiminum.