Í dag rak Hans Kristian út í eitt Egilstoft ódnarveður, sum hann onki fekk gjørt við. Í eini javnari støðu, sum uppstóð við tí sokallaðu Reti byrjanini, lat Høgni í allari stillheit sína a finnu standa í blonkum deyða, meðan hann byrjaði ein sannan finnu storm á tí alt avgerandi miðjuni í talvinum. Hans Kristian beit á og tók a finnuna við frúnni. Gaman í fekk hann eina finnu, og tað var jú legendariski Bobby Fischer, sum á sinni segði: a pawn is a pawn!
Les meira »
Aftur í dag vann Høgni eitt fínt talv. Tað var við hvíta fólkinum móti Elias, sum hevur fjórðhægsta styrkistalið í kappingini og sum áðrenn kappingina kundi roknast sum ein vandamikil outsidari. Men í dag var eingin ivi. Elias valdi ein Karokann í dag og alt gekk leingi eftir ætlan. Jøvn støða, nógvar avbýtingar og útlit fyri javnleiki. Men brádliga vann Høgni sær meiri pláss á borðinum og Elias var trýstur aftur í defensivin. Báðir høvdu rók og bispapar. Men fólkið hjá Høgna stór aktivari. Aftaná nógv dammarí aftur og fram var spurningurin, um Høgni fór at megna at bróta ígjøgnum verjumúrarnar hjá Eliasi. Tað eydnaðist Høgna at undirminera finnustøðuna frúgvamegin og fáa eina vandamikla frífinnu á c linjuni. Júst tað finnuna offraði Høgni fyri at fáa sín kong inn í støðuna Elias og tað endaði við, at hann fekk tvær frífinnur, eina á e linjuni og eina á g linjuni …
Les meira »
Ja, so kenna vit Høgna aftur. Petur Gardar flytur 1. e4. Høgni svarar 1… a6! og vit hava eitt langt kamptalv fyri framman, sum ikki skal enda við javnleiki. Høgni endaði við tí tiltikna bispaparinum, og frá tá av var tað næstan sum at síggja endatalvs teknikkin hjá sjálvum Capabalnca. Við einføldum snildum fekk Høgni lirka finnustøðuna hjá Petur upp og tá avtornaði hevði hann tvær finnur meira og Petur valdi at leggja kong. Við sigrinum í dag hevur høgni sligið sína favoritstøðu púra fasta. Trý stig eftir trý umfør og 100 prosent skora. Tað er nú givið, at Høgni fer eftir teimum øllum!
Les meira »
Steypakappingin verður telvað leygardagin 26. apríl í Skúlaheiminum í Marknagili. Umframt kappingina er endamálið at draga samanum farna kappingarárið 2024/25 – og við Gallaveitsluni – ikki minst, at øll sum vara av telvingini fáa eina hugnaliga løtu saman.
Les meira »
Í dag vann Luitjen HT unglinga uppgerðina í stórum stíli. Enn tá við tí svarta fólkinum. Teir báðir byrjaðu við eini London líknandi byrjan, sum Elias handfór skeivt tíðliga í talvinum. Og tá hann fór í longuborg og hartil lat kongastøðuna upp við finnuleikinum á c3, var Luitjen í sínum rætta álops elementi. Við taktiskum snildum kombineraði hann seg inn í hvítu støðuna hjá Eliasi, sum til seinast var nóg stórur til at lata Luitjen seta seg skák og mát.
Les meira »
Tað fyrsta markanta úrslitið í ársins FM kapping kom longu í 1. umfari. Ungi havnarmaðurin Elias Petersen fekk ein góðan skalp í dag, tá hann útspældi Hans Kristian í miðspælinum. Fyrst fekk hann eina finnu og seinni fangaði hann riddaran hjá Hans Kristiani, sum brádliga ongir puntar hevði at flyta til. Talvið byrjaði við tí ensku byrjanini og teir telvaðu symetriskt nakað inn í byrjunarspælið. Men tá Hans Kristian heldur optimistiskt smekkaði finnuna út á e4 og at síggja til fekk eitt gott tak á miðjuni, kundi Elias við eini taktiskari snildu simpulthen taka finnuna. Tá riddarin eisini reyk, var støðan tapt og Hans Kristian gavst.
Les meira »
Klokkan tvey í dag vórðu fyrstu leikirnir fluttir í FM-kappingini í talvi 2025. Favorittarnir eru Høgni Egilstoft Nielsen og Luitjen Akselsson Apol. Ilt er at ímynda sær nakran annan í meistarabólkinum, sum kann standa hesum báðum kurl. Í alt 56 telvarar eru við í FM-stevnuni á Skúlatrøð í Klaksvík. Til ber at fylgja við á netinum leik fyri leik á øllum borðum. Telvað verður í sjey dagar til langa fríggjadag, tá kappingin endar.
Les meira »
Stroymt verður beinleiðis frá FM 2025, ið byrjar í dag kl. 14.00. Leinkjur finnast á https://live.faroechess.com
Les meira »
Fyrsta umfar verður telvað í dag klokkan 14:00 uppi á Skúlatrøð Kappingin hevur tilsamans 44 luttakarar. Í Landsliðsbólkinum luttaka átta telvarar við Høgna Egilstoft sum rating favoritti við einum styrkistali uppá 2374.
Les meira »
Talvsamband Føroya skipar í døgunum 5. til 6. apríl fyri talvlegu fyri børn og ung. Legan verður í Kollafirði. Vant verður í skúlanum og gist verður í skótahúsinum. Á skránni er venjing, hugni og felagsskapur, matur, spæl og gisting. Vant verður í ymsum styrkibólkum. Venjarar á hesi legu eru Luitjen Akselsson Apol, Haldur Suni Johansen og Árant Djurhuus.
Les meira »
Talvsamband Føroya Faroechess