Óbroytt í toppi og botni

Havnar Telvingarfelag hevur nú góðar møguleikar at endurvinna FM-heitið í talvi.  Havnarmenn vunnu í dag 3 – 1 á klaksvíkingum, og eru tí í roynd veru bara eitt stig frá at endurvinna FM-heitið. Avgerðin fellur, tá oddaliðini møtast í síðsta umfari um tvær vikur. Avgerðin um niðurflyting verður eisini at bíða til seinasta umfar. Botnliðini Kollafjørður og Havnin B telvaðu javnt sínamillum í dag, og í stigum stendur eisini á jøvnum teirra millum.

Les meira »

Útisetar telva 

Tað var tann tíð, at bróðurparturin av føroysku talvelituni fjølgaðist í Danmark. Føroyska talvfelagið í Keypmannahavn hevði tá jóladagar. So væl lá fyri, at teir spældu seg heilt upp í fremstu deildina, og har hildu teir sær í nøkur ár. Í dag er føroyska talvfelagið í Keypmannahavn sovnað. Flestu av telvarunum fóru eftir loknan lestur heim aftur, og teir, sum eftir vóru, leitaðu sær upp í donsk feløg. Í dag eru ikki so nógvir virknir føroyskir telvarar í Danmark sum um aldamótið, tá alt kókaði.

Les meira »

Luitjen aftur NM-silvur

19 ára gamli føroyameistarin í talvi, Luitjen Akselsson Apol, er millum fremstu unglingatelvarar í norðurlondum. Í NM-kappingini í Íslandi í februar endaði føroyameistarin nummar tvey í elsta flokkinum. Hann fekk fimm stig, telvað vóru seks umfør í øllum bólkum. Hann vann fýra talv, tvey endaðu jøvn.

Les meira »

Havnin økir

Føroyameistararnir úr Havnar Telvingarfelag styrktu um oddastøðuna í landskappingini í talvi í áttanda umfari í dag. Havnarmenn otaðu seg eitt stig longur undan vágamonnum, men enn eru ikki allar súður syftar. Tvey umfør eru eftir, og oddaliðini eiga ein avgerandi innanhýsis dyst eftir í seinasta umfari.

Les meira »

Vágamenn tátta í

Sandavágsmenn nærkast nú havnarmonnum í landskappingini í talvi. Munurin millum oddaliðini styttist við einum stigi í dag.  Vágamenn gjørdu bart í sjeynda umfari og vunnu 4-0 á B-liðnum hjá Havnini. Sama hál gjørdu klaksvíkingar móti kollfirðingum. FM-manningin hjá Havnar Telvingarfelag vann 3-1 á Klaksvík B.

Les meira »

Aðalfundur verður 26. februar 2025

Aðalfundurin hjá Talvsambandi Føroya verður mikudagin tann 26. februar 2025 kl. 19:00 í Skúlanum í Kollafirði. Uppskot til viðgerðar á aðalfundinum skulu vera skrivlig og skulu vera nevndini í hendi í seinasta lagi 14 dagar áðrenn aðalfundin, t.v.s. 13. februar 2024.

Les meira »