Havnar Telvingarfelag hevur nú góðar møguleikar at endurvinna FM-heitið í talvi. Havnarmenn vunnu í dag 3 – 1 á klaksvíkingum, og eru tí í roynd veru bara eitt stig frá at endurvinna FM-heitið. Avgerðin fellur, tá oddaliðini møtast í síðsta umfari um tvær vikur. Avgerðin um niðurflyting verður eisini at bíða til seinasta umfar. Botnliðini Kollafjørður og Havnin B telvaðu javnt sínamillum í dag, og í stigum stendur eisini á jøvnum teirra millum.
Les meira »
Tað var tann tíð, at bróðurparturin av føroysku talvelituni fjølgaðist í Danmark. Føroyska talvfelagið í Keypmannahavn hevði tá jóladagar. So væl lá fyri, at teir spældu seg heilt upp í fremstu deildina, og har hildu teir sær í nøkur ár. Í dag er føroyska talvfelagið í Keypmannahavn sovnað. Flestu av telvarunum fóru eftir loknan lestur heim aftur, og teir, sum eftir vóru, leitaðu sær upp í donsk feløg. Í dag eru ikki so nógvir virknir føroyskir telvarar í Danmark sum um aldamótið, tá alt kókaði.
Les meira »
19 ára gamli føroyameistarin í talvi, Luitjen Akselsson Apol, er millum fremstu unglingatelvarar í norðurlondum. Í NM-kappingini í Íslandi í februar endaði føroyameistarin nummar tvey í elsta flokkinum. Hann fekk fimm stig, telvað vóru seks umfør í øllum bólkum. Hann vann fýra talv, tvey endaðu jøvn.
Les meira »
Sunnudagin, 2. mars kl. 14.00, verður GP8 – HT Snar 2025 telvað í hølunum hjá Havnar Telvingarfelag.
Les meira »
Leygardagin, 1. mars kl. 11.00, verður 3. Barna Grand Prix kvikkappingin fyri børn telvað á Miðnám í Vestmanna.
Les meira »
Føroyameistararnir úr Havnar Telvingarfelag styrktu um oddastøðuna í landskappingini í talvi í áttanda umfari í dag. Havnarmenn otaðu seg eitt stig longur undan vágamonnum, men enn eru ikki allar súður syftar. Tvey umfør eru eftir, og oddaliðini eiga ein avgerandi innanhýsis dyst eftir í seinasta umfari.
Les meira »
Komandi leygardag, 22. februar kl. 10.00, verður kviktalvkapping fyri børn telvað í skúlanum í Kollafirði. Øll er vælkomin at luttaka í kappingini.
Les meira »
Sandavágsmenn nærkast nú havnarmonnum í landskappingini í talvi. Munurin millum oddaliðini styttist við einum stigi í dag. Vágamenn gjørdu bart í sjeynda umfari og vunnu 4-0 á B-liðnum hjá Havnini. Sama hál gjørdu klaksvíkingar móti kollfirðingum. FM-manningin hjá Havnar Telvingarfelag vann 3-1 á Klaksvík B.
Les meira »
Leygardagin 8. februar verður liðkapping fyri børn telvað á Eiði. Byrjað verður klokkan 14.00.
Les meira »
Aðalfundurin hjá Talvsambandi Føroya verður mikudagin tann 26. februar 2025 kl. 19:00 í Skúlanum í Kollafirði. Uppskot til viðgerðar á aðalfundinum skulu vera skrivlig og skulu vera nevndini í hendi í seinasta lagi 14 dagar áðrenn aðalfundin, t.v.s. 13. februar 2024.
Les meira »
Talvsamband Føroya Faroechess