Talvsamband Føroya Faroechess
Seinasta leygardag varð fyrsta av fimm barna Grand Prix kappingum telvað í Finsen í Tórshavn. Telvað varð í tveimum aldursbólkum – 4. flokkur og yngri og 5. flokkur og eldri. Omanfyri 30 børn luttóku í kappingini, og stuttligt var at síggja, at fleiri gentur luttóku í kappingini hesa ferð.
Úrslit – 5. flokkur og eldri
Nóel Berglind og Baldur Bjarnason Jørgensen endaðu báðir við 5 út av 6 stigum, men Nóel hevði fleiri mótstøðustig og endaði tí á 1. plássi. Dávid Lützen endaði á 3. plássi við 4 stigum.
Úrslit – 4. flokkur og yngri
John Berg Danielsen vann allar sínar dystir og endaði á 1. plássi við 6 út av 6 stigum. Nummar 2 gjørdist Magnus Hjalti Joensen við 5 stigum, og nummar 3 varð Jógvan Samuelsen við 4,5 stigum.
Samlaða støðan í BGP 2026 – 4. flokkur og yngri:
Næsta barnakapping verður í Sandavági leygardagin 24. januar. Øll eru vælkomin at luttaka. Meira kann lesast um kappingina her: https://faroechess.com/?p=11288
