Talvsamband Føroya Faroechess
Føroyar taptu heili 4-0 fyri Íslandi í seinasta umfari í EM-kappingini í talvi á Kreta í dag. Hetta var ringasta úrslit í kappingini hjá føroyska liðnum. Tað ber í sær, at Føroyar enda nummar 36 av teimum 40 liðunum í kappingini. Føroyska liðið var styrkismett nummar 35. Les meira »
Seinastu Tíðindini
Helgi ikki við
Nú á middegi verður farið undir seinasta dystin í EM-kappingini í talvi á Kreta. Føroyar telva móti Íslandi. Ísland hevur tríggjar stórmeistarar á liðnum og ein altjóða meistara. Føroyski stórmeistarin, Helgi Dam Ziska, verður ikki við í dag. Helgi hevur staðið seg ógvuliga væl í kappingini, og er ósigraður á 1. borði. Sum skilst er tað eftir egnum ynski, at hann ikki telvar í dag. Hann var heldur ikki við í gjár, tá telvað var móti Kreta. Tá var sagt, at tað var fyri at geva Rógva Egilstoft Nielsen møguleikan at telva við hvíta fólkinum á øðrum borði. Fekk Rógvi remis, hevði hann ognað sær fyrsta IM-normin. Rógvi vann og hevur tí vissað sær sín fyrsta IM-norm. Les meira »
NM hópurin 2018 settur
Sunnudagin varð NM 2018 úttøkukappingin í talvi telvað í Klaksvík. NM fyri skúlaungdóm verður hildið í Finnlandi í februar mánaða. Við vóru 23 luttakarar, býtt yvir 5 aldursbólkar, har tveir teir fremstu telvarnir í hvørjum bólki sleppa at umboða Føroyar til NM.
Spenningurin helt sær til seinasta leik í fleiri av bólkunum. Les meira »
Rógvi fekk IM-normin
Rógvi Egilstoft Nielsen tryggjaði sær sín fyrsta IM-norm við at vinna sítt talv í EM-kappingini fyri landslið í dystinum móti Kreta í dag. Sjálvur dysturin endaði javnur 2-2. Úrslitið kom eitt sindur dátt við, tí okkara telvarar høvdu allir hægri styrkital enn mótstðumenninir. Høgni Egilstoft Nielsen og John Rødgård telvaðu remis, men John Arni Nilssen tapti á fjórða borði. Les meira »
IM-normar í luftini
Klokkan eitt í dag verður farið undir næstsíðsta dystarumfarið í EM-kappingini fyri landslið í talvi á Kreta. Føroyar telva móti vertsoyggini Kreta, sum er styrkismett nummar 39 av 40 liðum. Føroyar eru styrkismettar nummar 35.
Stórsigur í EM
Føroyar vunnu 3½-½ á Kosovo í sjeynda umfari í evropameistarakappingini í talvi fyri landslið á Kreta í dag. Helgi Dam Ziska, Høgni Egilstoft Nielsen og John Arni Nilssen vunnu, og Rógvi Egilstoft Nielsen telvaði javnt. Les meira »
Tepur ósigur
Føroyar taptu 2½-1½ fyri Moldova í sætta umfari í EM-kappingini í talvi á Kreta í dag. Hørð mótstøða var væntandi, tí Moldova er styrkismett væl omanfyri Føroyar, og hevði tríggjar stórmeistarar á liðnum í dag. Les meira »
Móti Moldova
Føroyar telva móti Moldova í sætta umfari í EM í talvi á Kreta í dag. Moldova er styrkismett nummar 24 av teimum 40 liðunum í kappingini. Føroyar eru styrkismettar nummar 35. Moldova mannar seg við tveimum stórmeistarum og tveimum altjóða meistarum móti okkum í dag. Les meira »
So vunnu vit
Føroyar vunnu í dag 2½-1½ á Montenegro í evropameistarakappingini í talvi á Kreta.
Sigurin var líka óvæntaður, sum hann var kærkomin. Montenegro er styrkismett ovari enn Føroyar, og á trimum borðum høvdu mótstøðumenninir væl hægri styrkitøl enn okkara telvarar. Les meira »
Móti Balkalondum
Klokkan eitt í dag verður farið undir fimta umfar í EM-kappingini í talvi á Kreta.
Í gjár telvaðu okkara menn móti Makedonia, eisini nevnt FYROM, í dag er Montenegro á skránni. Bæði vóru partur av gamla Jugoslavia, sum datt sundur um aldamótið. Talvsiðvenjan er ógvuliga sterk í Balkalondum. Jugoslavia var tiltikið talvland. Tað segðist, at ongastaðni í heiminum var talváhugin so stórur, og telvararnir so góðir, sum í Sovjetsamveldinum og Jugoslavia – og Íslandi.