Seinastu Tíðindini

Andorra, sum er meistari í talvi fyri smátjóðir í Evropa, vann toppdystin móti Føroyum í triðja umfari í morgun suðuri á Kýprós. 

Í dystinum í fimta umfari, sum var seinnapartin, vunnu Føroyar stórsigur á Jersey. Fleiri lið eru nú um boðið at vinna kappingina. Heimaliðið Kýprós tykist vera eins gott boð upp á ein vinnara sum favorittarnir úr Føroyum, Andorra, Luksemburg og Monako. 

Spenningur verður helst til seinasta umfar leygardagin.

Toppdysturin suðuri í Larnaca í morgun millum Føroyar og Andorra. 18 ára gamli Elias Petersen úr Havnar Telvingarfelag, fremstur í myndini, fekk sín elddóp á landsliðnum.

Tað eydnaðist tíverri ikki at fáa nakað dystarstig í triðja lykladystinum hjá Føroyum á rað.

18 ára gamla stórtalentið hjá Andorra, Serni Ribera, spældi føroyameistaran Høgna Egilstoft Nielsen sannførandi niður á øðrum borði. Elias Petersen var fyri somu lagnu á fjórða borði. Einki stig við svarta fólkinum.

Glottin á liðnum var Luitjen Akselsson Apol. Eins og í gjár var støðan á borðinum eldfim, men tá er Luitjen ofta kringur og snúðin. Tað lukkaðist tí at vinna.

Hjá Helga Dam Ziska var aftur nær við og næstan. Mótstøðumaðurin, sum er spanióli, ættaður úr Barcelona, spanskur meistari í 2003, nú 53 ára gamal, stóð eitt sindur kroystur. Eins og í gjár fann Helgi ikki skarpastu leikirnar, tá ið á stóð, og tí svann tepri fyrimunurin út í remis.

Føroyar – Andorra 1½ – 2½

GM Helgi Dam Ziska 2543 – GM Oscar De La Riva 2439 ½ – ½

IM Høgni Egilstoft Nielsen 2385 – Serni Ribera 2300 0 – 1

Luitjen A. Apol 2288 – Daniel Gomez 2199 1 – 0

Elias Petersen 2004 – Esteve Mateu 2140 0 – 1

3. umfar (17. nov – fp)

Føroyar – Andorra 1½ – 2½

Kýprós – Jersey 4 – 0

Malta – Monako 1½ – 2½

Guernsey – Luksemburg 0 – 4

San Marino – Liktinstein 1½ – 2½

Stórsigur á Jersey

Í seinna umfarinum í dag seinnapartin gekst betur hjá Føroyum. Mótstøðan var eisini munandi minni. Luitjen fekk frí, vit høvdu báðar unglingarnar á liðnum.

Føroyar – Jersey 3½ – ½

GM Helgi Dam Ziska 2543 – Graham Mooney 1918 1 – 0

IM Høgni Egilstoft Nielsen 2385 – Mateusz Kolin 1826 1 – 0

Jón í Horni Nielsen 2084 – Krysztof Belzo 2075 ½ – ½

Elias Petersen 2004 – Paul Wojciechowski 1932 1 – 0

4. umfar (17. nov. – sp)

Føroyar – Jersey 3½ – ½

San Marino – Kýprós 0 – 4

Liktinstein – Monako 2 – 2

Andorra – Guernsey 4 – 0

Luksemburg – Malta 4 – 0

Hørð kapping

Okkurt bendir á, at kappingin millum fremru liðini í smálandakappingini fer at harðna. Kýprós bjóðar av. Liktinstein hevur eisini staðið seg væl, men mótstøðan hevur ikki verið tann mesta higartil.

Ein týðandi dystur hjá Føroyum verður í ovurmorgin móti Kýprós. Hann kann fara at vera heilt avgerandi fyri endaliga úrslitið í kappingini. Borðstigini kunnu eisini fáa stóran týdning, tí stendur á jøvnum í dystarstigum, telja borðstigini.

Í morgin telva Føroyar móti San Marino. Vit eiga at vinna ruddiliga. Mikudagin eru aftur tvey umfør á skránni – morgundysturin verður móti Kýprós.

Núverandi oddaliðini, Kýprós og Liktinstein, telva sínamillum í morgin. Annar lykladystur er millum Monako og Luksemburg.

Støðan í smálandakappingini:

1. Kýprós 7 dystarstig (12½ borðstig)

2. Liktinstein 7 (9½)

3. Andorra 6 (12)

4. Føroyar 6 (11)

5. Luksemburg 5 (11½)

6. Monako 5 (8½)

7. Malta 2 (6½)

8. Jersey 1 (4)

9. San Marino 1 (3½)

10. Guernsey 0 (1)

5. umfar (týsdagin 18. november kl 13:00)

Føroyar – San Marino

Kýprós – Liktinstein

Monako – Luksemburg

Malta – Andorra

Guernsey – Jersey

Føroyar sigraðu í dag í týðandi dystinum móti Luksemburg í evropeisku smálandakappingini í talvi fyri landslið. 

Føroyar vunnu 2½ – 1½. Føroyar og Luksemburg eru eftir styrkitølunum bestu liðini í kappingini.

Í triðja umfari í morginári eiga Føroyar triðja lykladystin á rað. Tá verður telvað móti Andorra, sum er smálandameistari. Hesaferð eru teir styrkismettir nummar trý.

Hendan níggjunda smálandakappingin í talvi í Evropa fyri landslið fer fram í Larnaca suðuri á Kýprós.

Føroysku telvararnir hugsavna seg í dystinum móti Luksemburg sunnudagin. Fremst sæst Jón í Horni Nielsen. Síðani Luitjen Akselsson Apol, Høgni Egilstoft Nielsen og Helgi Dam Ziska.

Føroyar – Luksemburg 2½ – 1½

GM Helgi Dam Ziska 2543 – IM Michael Wiedenkeller 2388 ½ – ½

IM Høgni Egilstoft Nielsen 2389 – IM Fred Berend 2222 1 – 0

Luitjen Akselsson Apol 2318 – Philippe Linster 2224 1 – 0

Jón í Horni Nielsen 2104 – WGM Elvira Berend 2241 0 – 1

Høgni telvaði aftur trygt og sannførandi og vann annan dagin á rað. 

Luitjen vann eisini, men stóð eitt sindur kroystur við svarta fólkinum. Í fløktari og taktiskt løddari støðu undir tíðartrýsti snávaði Linster, Luitjen var tá bæði kringur og knappur, og sá straks, hvussu vinnast skuldi.

Helgi hevði munin við svarta fólkinum í jøvnum endatalvi, men var kanska ikki nóg neyvur, og so fjaraði av til remis. Mótstøðumaðurin er svii, svøríkismeistari í 1990, nú er hann besti telvari í Luksemburg, har hann í fleiri ár hevur búð og arbeitt.

Í toppdystunum eru unglingarnir hjá okkum á fjórða borði undir trýsti. Jón var ikki mentur at standa sterku Elviru úr Luksemburg kurl, og var til endans mátaður. Men tá var dysturin tíbetur longu vunnin. 

Úrslit í 2. umfari (sunnudagin 16. november)

Luksemburg – Føroyar 1½ – 2½

Andorra – Kýprós 1½ – 2½

Liktinstein – Malta 2½ – 1½

Monako – Guernsey 3½ – ½

Jersey – San Marino 2 – 2

Støðan eftir 2 umfør

Føroyar 4 stig (6)

Liktinstein 4 stig (5)

Kýprós 3 stig (4½)

Andorra 2 stig (5½)

Malta 2 stig (5)

Monako 2 stig (4)

Jersey 1 stig (3½)

Luksemburg 1 stig (3½)

San Marino 1 stig (2)

Guernsey 0 stig (1)

Fyri vunnan dyst fáast tvey stig, fyri javnleik eitt stig, og fyri taptan dyst er einki stig at fáa. Stendur á jøvnum í dystarstigum, telja borðstigini, sum síggjast í klombrum.

Drúgvur mánadagur

Mánadagurin verður stríggin. Tveir dystir eru á skránni hjáøllum tíggju liðunum. Telvast skal tí allan dagin. Byrjað verður longu klokkan hálvgum átta mánamorgunin (føroyska tíð). Tá telva Føroyar og Andorra – vinnararnir seinastu ferðirnar.

Til ber at fylgja við leik fyri leik av Kýprós. Heimasíðan Lichess.org stroymir beinleiðis frá kappingini, ið verður nevnd 9th ESNA chess championship 2025.

3 umfar (týsmorgunin kl 7:30)

Føroyar – Andorra

San Marino – Liktinstein

Kýprós – Jersey

Malta – Monako

Guernsey – Luksemburg

4. umfar (týsdagin 13:30)

Jersey – Føroyar

Luksemburg – Malta

Liktinstein – Monako

Andorra – Guernsey

San Marino – Kýprós

Vinnarar í smálandakappingini 2009 – 2023

2009 Føroyar

2011 Luksemburg

2013 Føroyar

2015 Andorra

2017 Føroyar

2019 Andorra

2021 Føroyar

2023 Andorra

 

Føroyar fingu júst ta byrjanina, ið teir høvdu vónað, í smálandakappingini fyri landslið í talvi suðuri á Kýprós. Lagt var fyri við ruddiligum sigri móti Monako í fyrsta umfari í dag. 

Føroyar eru styrkismettar nummar eitt av teimum tíggju liðunum í kappingini. Monako er styrkismett nummar fýra. Monako hevur tveir stórmeistarar á liðnum, men bara annar telvaði í dag. Igor Efimov er gamal kenningur, men var ikki við í fyrsta umfari, tó at hann er við í kappingini. Nýggjur stórmeistari á 1. borði var í staðin Amir Bagheri, sum er irani, annar stórmeistarin úr Iran, men nú umboðar hann Monako.

Helgi telvaði remis móti Bagheri, men á hinum borðunum gjørdu allir okkara menn bart. Frálík byrjan.

Jón í Horni Nielsen, Luitjen Akselsson Apol og Høgni Egilstoft Nielsen vunnu allir í dag.  

Føroyar – Monako 3½ – ½

GM Helgi Dam Ziska 2543 – GM Amir Bagheri 2356 ½ – ½

IM Høgni Egilstoft Nielsen 2389 – Karl Johan Ribbegren 2121 1 – 0 

Luitjen Akselsson Apol 2318 – Aleksandr Berthaut 1985 1 – 0

Jón í Horni Nielsen 2104 – Patrice Verdier 1949

Úrslitini í 1. umfari:

Føroyar – Monako 3½ – ½

Kýprós – Luksemburg 2 – 2

San Marino – Andorra 0 – 4

Guernsey – Malta ½ – 3½

Jersey – Liktinstein 1½ – 2½

Lykladystir at byrja við

Tað er ikki yvir at dylja, at avgerandi dystirnir hjá Føroyum eru móti teimum liðum, sum eru styrkismett í hølunum á okkum. Tilvildin vil tað so, at lykladystirnir eru fyrst á skránni. Í dag var Monako mótstøðuliðið, í morgin Luksemburg og mánadagin Andorra.

Tey tíggju liðini í kappingini eru styrkismett í røðini niðanfyri. Miðalstyrkitalið er sett í klombrum. 

1. Føroyar (2339)

2. Luksemburg (2289)

3. Andorra (2267)

4. Monako (2198)

5. Kýprós (2167)

6. Malta (2095)

7. Liktinstein (2065)

8. Jersey (1938)

9. Guernsey (1883)

10. San Marino (1864)

Kappingarført føroyskt lið

Hóast Talvsamband Føroya hevur treytað sær, at tveir unglingar fáa innivist á føroyska landsliðnum í hesari kappingini, eru vit kortini styrkismettir at vinna. Orsøkin er tann, at vit hava tríggjar av bestu telvarunum í landinum við suðuri á Kýprós.

Rógvi Egilstoft, ið stóð seg so væl í EM-stevnuni í Georgia herfyri, hevði uttan iva styrkt landsliðið, men nú sleppa evnagóðu unglingarnir Jón í Horni Nielsen og Elias Petersen av álvara at royna seg. 

Tað kemur sjálvsagt væl við, at stórmeistarin Helgi Dam Ziska er við aftur á landsliðnum. Hann og føroyameistarin Høgni Egilstoft Nielsen muna rímiligt væl á fremru borðunum. Og hóast Luitjen Akselsson Apol framvegis er unglingi – 19 ára gamal – verður hann roknaður upp í okkara allarbestu.

Hesir fimm eru á føroyska landsliðnum í smálandakappingini á Kýprós:

1. GM Helgi Dam Ziska  2543

2. IM Høgni Egilstoft Nielsen 2389

3. Luitjen Akselsson Apol 2318

4. Jón í Horni Nielsen 2104

5. Elias Petersen 2100

Vágamenn varðveittu leiðsluna í landskappingini í talvi eftir toppdystin í triðja umfari í dag. Við teprum sigri í Klaksvík staðfestu vágamenn oddastøðu sína. Men føroyameistararnir úr Havnar Telvingarfelag eru bara eitt stig frá oddaliðnum.

Sandavágs Talvfelag er framvegis á odda í landskappingini.

Oddaliðini fyri dagsins umfar møttust í Klaksvík í triðja umfari sunnudagin. Við sigrum á ovaru borðunum var triði sigurin á rað veruleiki hjá Sandavágs Talvfelag. Føroyameistarin Høgni Egilstoft Nielsen hevur fult stigatal higartil í kappingini.

1. deild (3. umfar) 

Klaksvík (A) – Sandavágur (A) 1½ – 2½

Ólavur Simonsen – Høgni Egilstoft Nielsen 0 – 1

Rani Baldursson – Jón í Horni Nielsen 0 – 1

Heðin Gregersen – Silas Eyðsteinsson ½ – ½

Terji Petersen – Torkil Nielsen 1 – 0

Hjá Havnini (A) gongur sum vant striltið at fáa teir bestu við. Í dag fullu Luitjen Akselsson Apol og Herluf Hansen eisini frá. Kortini eydnaðist teimum at fáa eitt nøktandi úrslit.

Havnin (A) – Sandavágur (B) 3 – 1

Carl Eli Samuelsen – Bernhard Augustinussen ½ – ½

Sjúrður Thorsteinsson – Jón Atlason ½ – ½

Elias Petersen – Ingi Wiberg 1 – 0

Suni Merkistein – Jónfinn Thomsen 1 – 0

Knotur eru í ungu manningini hjá Havnar Telvingarfelag á B-liðnum. 3-1 móti royndu og sterku manningini hjá Klaksvík (B), mundi fáur helst væntað. Flóvin, sum í vetur er komin úr Klaksvík til Havnar at telva, vann á triðja sinni í eitt koyr, og hevur tí fingið eina flúgvandi byrjan. 

Havnin (B) – Klaksvík (B) 3 – 1

Heiðrikur Jacobsen – Haldur S. Johansen 0 – 1

Petur G. Magnussen – Wille Olsen 1 – 0

Flóvin M. Tummasarson – Ingolf Gaard 1 – 0

Margar Berg – Tummas M. Sólsker 1 – 0

Støðan í 1. deild

Sandavágur (A) 8½ stig

Havnin (A) 7½

Klaksvík (A) 6½

Havnin (B) 6½

Sandavágur (B) 3½

Klaksvík (B) 3½

Kollfirðingar á odda

Í 2. deild halda kollfirðingar tørn í oddanum. Mesta kappingin er frá klaksvíkingum, ið kortini ikki kunnu flyta upp, tí teir eru yvirumboðaðir í fremstu deildini sum er. 

Eitt veruligt ættarliðsskifti sæst nú hjá Kollafjarðar Talvfelag, tí nýggja manningin er ung. Eingin er eftir av teimum gomlu – sjálvt Hans Kristian Simonsen, sum var tann stóra vónin hjá felagnum um aldaskiftið, tykist hava slept endanum.

Verri gongst hinum felagnum í Norðstreymoy – felagsliðnum Róki. Og gamla stórfelagið av Toftum – við tveimum fyrrverandi føroyameistarum á liðnum – ger seg heldur ikki galdandi.

2. deild (3. umfar)

Kollafjørður – Havnin (A) 3 – 1

Árant Djurhuus – Arnbjørn Dalsgarð 1 – 0

Rógvi Mørkøre – Poul Poulsen 1 – 0

Markus Jacobsen – Jóhan E. Hansen 0 – 1

Ingi Højsted – Sveinur Mortensen 1 – 0

Toftir – Havnin (B) 2½ – 1½

Andrias Danielsen – Jaspur Gaard 1 – 0

Bogi Ziska – Brestir Samuelsen 1 – 0

Jens Chr. Hansen – Eyðun L. Staksberg ½ – ½

Jógvan Ingvard Hansen – Herbert Holm Johannesen 0 – 1

Klaksvík – Rókur 3 – 1

Finnbjørn Vang – Benni Poulsen 1 – 0

Einar Gregersen – Mortan Mørkøre 1 – 0

Rógvi H. Olsen – Brandur Ellingsgaard 1 – 0

Rókur Davidsen – Fróði Zachariassen 0 – 1

Støðan í 2. deild

Kollafjørður 8½

Klaksvík 8

Havnin (B) 6½

Toftir 6

Rókur 4

Havnin (A) 3

Eisini kollfirðingar

Kollfirðingar eru eisini fremstir í 3. deild. Liðið er eitt bland av nýggjum og góðum gomlum. Kendu nøvnini á liðnum í dag vóru veteranarnir Hanus Joensen og Bernhard Thomsen. Hinir eru yngri; Karl M. Dahl og Virgar Fagraklett.

Teir í Runavíkar Kommunu vunnu á Eystur Kommunu. 3-1 sigurin hjá Kongshavnar Talvfelag kann vera tekin um, at teir ætla sær at bjóða kollfirðingum av. Í dag mannaðu Brandur Højgaard, Eyðun Lamhauge, Rúni Jacobsen og Henrik Weihe Joensen liðið hjá Kongshavnar Talvfelag.

Dysturin millum Vestmanna og Klaksvík var útsettur.

3. deild (3. umfar)

Kollafjørður – Sandavágur 2 – 2

Gøta – Kongshavn 1 – 3

Vestmanna – Klaksvík (útsettur)

Støðan

Kollafjørður 9½

Kongshavn 6

Sandavágur 6

Vestmanna 5 (ein dyst færri)

Gøta 4

Klaksvík 1½ (ein dyst færri)

Javnt í toppinum

Spenningur er í báðum bólkunum í 4. deild. Í løtuni er Rókur fremst í øðrum, í hinum stendur á jøvnum millum suðuroyingar og sandavágsmenn.

4. deild (A-bólkur)

Havnin – Sandavágur 2½ – 1½

Rókur – Toftir 2½ – 1½

Gøta – Strendur 1 – 3

Støðan

Rókur 8½

Havnin 8

Sandavágur 6½

Gøta 4½

Toftir 4½

Strendur 4

4. deild (B-bólkur)

Havnin – Suðuroy 2 – 2

Kongshavn – Kollafjørður 3 – 1

Rókur – Sandavágur 1½ – 2½

Støðan

Sandavágur 9½

Suðuroy 9½

Havnin 7

Rókur 5½

Kongshavn 4½

Kollafjørður 1

Drúgvur jólasteðgur

Nú verður ein longri steðgur í landskappingini í talvi.

Landsliðið fer í vikuni til Kýpros at vera við í kappingini fyri smátjóðir í Evropa. Kappingin verður frá 15. november til 22. november. Seinni í november verður kvikkapping og FM-kappingin í snartalvi.

Í desember verður mestsum lagt stilt. Liðkappingin verður ikki fyrr enn eftir nýggjár. Dystirnir í fjórða umfari verða 4. januar.

Vágamenn eru fremstir í landskappingini í talvi, nú tvey umfør eru farin. Føroyameistarnir úr Havnar Telvingarfelag hava havt minni góða byrjan, og eru í løtuni á triðja plássi.  Kollfirðingar hava tikið leiðsluna í bæði 2. deild og 3. deild, og í 4. deild er liðið úr Suðuroy á odda í sínum bólki.

Sandavágs Talvfelag hevur tvey lið í fremstu deildini. A-liðið er á odda.

Sunnudagin vórðu dystirnir í øðrum umfari í landskappingini í talvi spældir.

1. deild – 2. umfar:

Sandavágur (A) – Havnin (B) 2½ – 1½

Rógvi Egilstoft – Herluf Hansen ½ – ½

Høgni Egilstoft Nielsen – Petur G. Magnussen 1 – 0

Jón í Horni Nielsen – Flóvin Matras Tummasarson 0 – 1

Silas Eyðsteinsson – Margar Berg 1 – 0

Rógvi Egilstoft, sum búleikast í Spania, var heima og tí kærkomin styrkur sunnudagin. Her var helst størri sigur enn so væntandi, men unga havnarliðnum eydnaðist at fáa hálvtannað stig. Nýggi maðurin á liðnum – klaksvíkingurin Flóvin Matras Tummasarson – vann annan dystin á rað, og hevur tí fingið eina flúgvandi byrjan saman við havnarmonnum. Herluf Hansen telvaði klókt og skilagott og spekti soleiðis Rógva, sum telvaði so væl í EM, til eitt friðarligt remis. Føroyameistarin Høgni Egilstoft – 1. borð á EM-landsliðnum, men 2. borð hjá Sandavágs Talvfelag – hevur vunnið í báðum dystum higartil.

Klaksvík (B) – Havnin (A) 1½ – 2½

Steintór Rasmussen – Luitjen A. Apol 0 – 1

Finnbjørn Vang – Carl Eli Samuelsen 0 – 1

Wille Olsen – Sjúrður Thorsteinsson 1 – 0

Tummas M. Sólsker – Elias Petersen ½ – ½

Tepur sigur til FM-liðið hjá Havnini. Nú vóru bæði Carl Eli og Sjúrður við aftur, men framvegis eingin Helgi Dam Ziska. Hetta kundi verið tiltrongd venjing uppundir smálandakappingina, sum byrjar um fáar vikur, tí stórmeistarin hevur einki kappingartalv havt í meira enn eitt hálvt ár. Elias Petersen og Jón í Horni Nielsen, sum báðir fara við til smálandakappingina á Kýprós, hava fingið trilvandi byrjan í landskappingini.

Sandavágur (2) – Klaksvík (A) 2 – 2

Torkil Nielsen – Ólavur Simonsen 0 – 1

Bernhard Augustinussen – Rani Baldursson ½ – ½

Jón Atlason – Heðin Gregersen 1 – 0

Ingi Wiberg – Terji Petersen ½ – ½ 

Her vóru klaksvíkingar vælsaktans favorittar, men munurin á fleiri av liðunum er helst ikki størri enn eitt vist. Javnleikurin vísir, at roknast kann við harðari kapping millum tey trý B-liðini, sum helst fara at stríðast sínamillum um at lívbjarga sær í deildini.

Útsettur dystur í 1. umfari

Sandavágur (A) – Sandavágur (B) 3½ – ½

Høgni Egilstoft Nielsen – Bernhard Augustinussen 1 – 0

Jón í Horni Nielsen – Jón Atlason ½ – ½

Silas Eyðsteinsson – Ingi Wiberg 1 – 0

Torkil Nielsen – Gutti Petersen 1 – 0

Her fekk A-liðið hjá vágamonnum júst ta byrjanina, ið teir høvdu vónað.

Støðan í 1. deild

1. Sandavágur (A) 6 stig

2. Klaksvík (A) 5

3. Havnin (A) 4½

4. Havnin (B) 3½

5. Sandavágur (B) 2½

6. Klaksvík (B) 2½

Kollfirðingar góða byrjan

Kollfirðingar, sum vóru júst ov stuttir í 1. deild í fjør, eru fremstir, men munurin er ikki stórur eftir fyrstu umførini. Sunnudagin var fyrrverandi føroyameistarin Hans Kristian Simonsen á 1. borði og vann.

Sundalagsmenn vunnu á toftamonnum. Bergur Magnussen sást aftur við talvborðið. Hann vann saman við Sámal Christiansen, Gunnar Joensen og Fróða Zachariassen. Einasti á toftaliðnum, sum vann, var Bogi Ziska.

2.deild – umfar

Havnin (A) – Klaksvík 1 – 3

Rókur – Toftir 2½ – 1½

Havnin (B) – Kollafjørður 2 – 2

Støðan í 2. deild

1. Kollafjørður 5½ stig

2. Havnin (B) 5

3. Klaksvík 5

4. Toftir 3½

5. Rókur 3

6. Havnin (A) 2

Nógvir um boðið

Hugsast kann, at fleiri liggja framvið í 3. deild. Vestmanna og Gøta hava sterka siðvenju í talvi, og munnu tí stremba eftir at vinna seg upp úr deildini. 

Vestmenningar eru í løtuni á øðrum plássi. Á liðnum sóust bæði Samson Højgaard og Jón Mikkelsen, men teir taptu fyri runavíkingum, sum í sínum lagi høvdu roynda og góða manning sunnudagin – Eyðun Lamhauge, Rúni Jacobsen, Meinhard Danielsen og Henrik W. Joensen. 

Gøtumenn við veteranunum Jákupi F. Joensen og Petur Páll Mikkelsen vunnu á Sandavági, men fremstir eru kortini kollfirðingar. Karl Marius Dahl, sum í fjør royndist væl í 1. deild, eigur at muna væl í 3. deild, men á 1. borði situr Ingi Højsted, fyrrverandi fótbóltsspælari í B36 og á landsliðnum. Hoyvíkingurin hevur tikið seg væl fram, síðani hann byrjaði at telva fyri nøkrum árum síðani, og hesin framburðurin stendur støðugt við.

3. deild – 2. umfar

Sandavágur – Gøta 1½ – 2½

Kongshavn – Vestmanna 2½ – 1½

Klaksvík – Kollafjørður 0 – 4

Støðan í 3. deild

1. Kollafjørður 7½

2. Vestmanna 5

3. Sandavágur 4

4. Gøta 3

5. Kongshavn 3

6. Klaksvík 1½

Suðuroyingar á odda

Liðini í 4. deild eru skift sundur í tveir bólkar. Her er vert at geva gætur, at felagið í Suðuroy er á odda í sínum bólki. Eyðun Nolsøe sat sunnudagin á 1. borði, íslendingurin David Gudnason á øðrum borði, maður av balkanskum uppruna var á 3. borði, so hetta sær mikið spennandi út.

4. deild (A) – 2. umfar

Strendur – Rókur 0 – 4

Toftir – Havnin 1½ – 2½

Sandavágur – Gøta (útsettur)

4. deild (B) – 2. umfar

Suðuroy – Rókur 3 – 1

Sandavágur – Kongshavn 3½ – ½

Kollafjørður – Havnin 0 – 4

Støðan í 4. deild (A-bólkurin)

1. Rókur 6 stig

2. Havnin 5½

3. Toftir 3

4. Sandavágur 2½

5. Gøta 2

6. Strendur 1

Støðan í 4. deild (B-bólkurin)

1. Suðuroy 7 stig

2. Sandavágur 6½

3. Havnin 5½

4. Rókur 4

5. Kongshavn 1½

6. Kollafjørður 0

Triðja umfar

Triðja umfar verður annað vikuskiftið. Tá verður telvað soleiðis í 1. deild:

1. deild – 3. umfar (9. november)

Klaksvík (A) – Sandavágur (A)

Havnin (A) – Sandavágur (B)

Havnin (B) – Klaksvík (B)