Tíðindi

Leygardagin, 24.01.2026 verður HT kvik telvað í Finsen í Tórshavn. Kappingin byrjar klokkan 11.00. Øll eru vælkomin at luttaka.

Les meira »

Nýggir bólkar eru gjørdir í 4. deild. Bólkurin, har kappast verður um at flyta upp í 3. deild, kemur at eita 4. deild. Meðan hin bólkurin kemur at eita 5. deild.

Les meira »

Leygardagin, 24. januar kl. 12.00, verður kviktalvkapping fyri børn telvað á Skúlanum á Giljanesi, í Sandavági. Øll er vælkomin at luttaka í kappingini.

Talan er um 2. kapping av 5, har luttakararnir kunnu samla stig saman til eina samlaða Grand Prix kapping. Kappingin er skipað í tveimum bólkum. 4. flokkur og yngri og 5. flokkur og eldri. Telvað verður 6. umfør við tíðini 10 min. + 5 sek.

Les meira »

Vágamenn vunnu í gjár toppdystin móti føroyameistarunum úr Havnar Telvingarfelag 3 – 1. Hóast kappingin bara er hálvrunnin, kann sigurin fara at gerast heilt avgerandi, tí toppliðini missa so lítið í øðrum dystum, at innanhýsis dystirnir millum Sandavág og Havnina fáa tí næstan støðu sum smærri finalur.

Dystirnir í fimta umfari í landskappingini í talvi vórðu avgreiddir í stórum felagsumfari í Vestmanna sunnudagin.

Tað plagar viðhvørt at vera sagt, at tað er mangur leikur í longum talvi. Tað mátti sannast um oddadystin í gjár. Á øllum borðum totaðust teir væl og leingi. Á ovaru borðunum vóru talvini um hundrað leikir til longdar í miðal, á aftaru borðunum heldur styttri, hitt stytsta lá um hálvthundrað leikir. Ein leikur er, tá báðir partar hava flutt eina ferð.

Á Sandavágsliðnum vóru báðir Egilstoft-brøðurnir við, sum væntandi var. Silas Eyðsteinsson var tó ikki tøkur, mestur lá fótbólturin í buktini. Veteranurin Torkil Nielsen loysti av og gekk undan sum gott fyridømi fyri sínar synir og bróðirsonin á triðja borði. 

Fleiri mundu hava væntað, at Helgi Dam Ziska fór at telva sín fyrsta dyst á havnarliðnum í vetur í hesum týðandi fimta umfari, men so var ikki. Líkt er til, at Helgi ikki ætlar at telva við í vetur. Tá eru møguleikarnir hjá Havnar Telvingarfelag at endurvinna FM-heitið nógv versnaðir í kappingini við sterku manningina hjá Sandavágs Talvfelag.

Um hinar deildirnar kann stutt sigast, at spenningur er í oddastríðnum, serliga í 2. deild og 3. deild. Kollafirðingar liggja til uppflyting í 1. deild, og vestmenningar standa í løtuni til uppflyting  í 2. deild, men enn eru ikki allar súður syftar, minni enn so.

Í 4. deild stendur á hjá summum at manna lið, tað kemur tí ofta fyri, at ungar, gávaðar manningar ongan dyst fáa, tí feløgini eru ikki ment at manna liðini, sum tey sjálvi hava meldað til kappingina.

1. deild – 5. umfar (18. januar)

Havnin (A) – Sandavágur (A) 1 – 3

Luitjen Akselsson Apol – Rógvi Egilstoft ½ – ½

Martin Poulsen – Høgni Egilstoft Nielsen 0 – 1

Carl Eli Samuelsen – Jón í Horni Nielsen 0 – 1

Sjúrður Thorsteinsson – Torkil Nielsen ½ – ½

Havnin (B) – Klaksvík (A) 1 – 3

Elias Petersen – Ólavur Simonsen 0 – 1

Herluf Hansen – Heðin Gregersen ½ – ½

Petur G. Magnussen – Steintór Rasmussen ½ – ½

Flóvin M. Tummasarson – Terji Petersen 0 – 1

Klaksvík (B) – Sandavágur (B) 2 – 2

Haldur S. Johansen – Bernhard Augustinussen ½ – ½

Wille Olsen – Jón Atlason ½ – ½

Ingolf Gaard – Ingi Wiberg 0 – 1

Rani Nolsøe – Jónfinn Thomsen 1 – 0

Støðan í 1. deild

Sandavágur (A) 15 stig

Havnin (A) 12½ stig

Klaksvík (A) 9½ stig

Havnin (B) 9½ stig

Sandavágur B 7½ stig

Klaksvík (B) 6 stig

2. deild – 5. umfar

Klaksvík – Kollafjørður 1½ -2½

Einar Gregersen – Hans Kristian Simonsen 0 – 1

Rógvi H. Olsen – Árant Djurhuus 1 – 0

Rókur Davidsen – Rógvi Mørkøre ½ – ½

Símun Skorastein – Markus Jacoben 0 – 1

Toftir – Havnin (A) 2 – 2

Andrias Danielsen – Heiðrikur Jacobsen 0 – 1

Jens Chr. Hansen – Sigurð B. Justinussen ½ – ½

Jógvan I. Hansen – Øssur Joensen ½ – ½

Jón Magnus Joensen – Óli Joensen 1 – 0

Rókur – Havnin (B) 1 – 3

Martin Brekká – Lisa Xin 1 – 0

Brandur Ellingsgaard – Brestir Samuelsen 0 – 1

Jan Slættalíð – Eyðun L. Staksberg 0 – 1

Sigmundur Mørkøre – Herbert Holm Johannesen 0 – 1

Støðan

Kollafjørður 12 stig

Havnin (B) 11½ stig

Klaksvík 11½ stig

Toftir 11

Havnin (A) 7½ stig

Rókur 6½ stig

3. deild – 5. umfar

Vestmanna – Sandavágur 2½ – 1½

John Jacobsen – Hans Kári Hansen ½ – ½

Jón Mikkelsen – Hjalti Petersen ½ – ½

Hanus Ingi Hansen – Jamil Emil Jakobsen 1 – 0

Johan Vørmadal – Jamil Oskar Jakobsen ½ – ½

Gøta – Kollafjørður 2½ – 1½

Reinhold Isaksen –  Bernhard Thomsen 0 – 1

Petur Páll Mikkelsen – Karl M. Dahl 1 – 0

Jákup F. Joensen – Hanus Joensen ½ – ½

Hardi Hansen – Jóannis Petersen 1 – 0

Kongshavn – Klaksvík 3 – 1

Brandur Højgaard – Hanus á Lógv (y) 0 – 1

Eyðun Lamhauge – Bogi á Kósini 1 – 0

Rúni Jacobsen – Mannbjørn Anthoniussen 1 – 0

Mainhard Danielsen – Leif Anderssen 1 – 0

Støðan

Vestmanna 13 stig

Kollafjørður 12½

Sandavágur 10½

Kongshavn 10

Gøta 8½

Klaksvík 5½

4. deild (A) – 5. umfar

Gøta – Havnin ½ – 3½

Andrias Gøthe – Kaj Olsen 0 – 1

Jørgin Evald Solmunde – Finn Larsen ½ – ½

Jákup í Garði Heinesen – Ronny í Lon 0 – 1

Aron Mortanson – Bjørgvin Lenvig 0 – 1

Rókur – Sandavágur 1½ – 2½

David Lützen – Súni í Horni Nielsen  ½ – ½

Hákun Lützen – Jóanes Ortind 0 – 1

Jónas Lützen – Gutti Petersen 1 – 0

Annika Lützen – Jógvan S. Hattarstein 0 – 1

Strendur – Toftir 0 – 4

                      Sigurð Joensen 0 – 1

                      Harry Jacobsen 0 – 1

                      Andras Magnussen

                      Mortan Hansen

Støðan

Havnin 14½

Sandavágur 11½

Rókur 11

Toftir 10

Gøta 7½

Strendur 5½

4. deild (B) – 5. umfar

Sandavágur – Kollafjørður 3½ – ½

Hans Dánjal Joensen – Albin Kristiansen ½ – ½

Allan Nielsen – Nigro Hermansen 1 – 0

Sigvaldur Bláberg – Hendrik Hansen 1 – 0

Sámal á Vágalið – Josef Dam 1 – 0

Kongshavn – Suðuroy 0 – 4

                           Alvin Joensen 0 – 1

                           Fríði S. Olsen 0 – 1

                           Ingi Ellingsgaard 0 – 1

                           Jóhann Rói Mortensen 0 – 1

Rókur – Havnin 0 – 4

                Djóni Jakobsen 0 – 1

                Baldur B. Jørgensen 0 – 1

                Andrew M. Xin 0 – 1

                Sámal I. Nesá 0 – 1

Støðan

Sandavágur 15 stig

Havnin 15 stig

Suðuroy 14½

Rókur 9½

Kongshavn 4½

Kollafjørður 1½

Telvað verður aftur í liðkappingini 25. januar. Dystirnir í tíggjunda og seinasta umfari vera 26. mars.

Leygardagin, 17. januar kl. 12.00, verður kviktalvkapping fyri børn telvað í Finsen í Tórshavn. Øll er vælkomin at luttaka í kappingini.

Les meira »

Tað er trongt í oddanum í væl mannaðu talvkappingini Janus Open á Eiði, nú seks umfør eru avgreidd.

Eitt hálvt stig skilir teir fremstu tíggju telvararnar í røðini. Tvørámaðurin í Havnar Telvingarfelag, Sjúrður Thorsteinsson, er saman við tveimum íslendingum á odda, nú tvey umfør eru eftir. Sjúrður hevur vunnið á bæði Rógva Egilstoft og Martin Poulsen, og spælt javnt móti Luitjen Akselsson Apol. 

Les meira »

Les meira »

Fylgjast kann við beinleiðis á:

https://live.faroechess.com/

Oddaliðini í landskappingini í talvi vunnu stórsigrar í 4. umfari í dag. FM-liðið hjá Havnar Telvingarfelag vann óvæntað heili 4-0 á Klaksvíkar Talvfelag. Oddaliðið hjá Sandavágs Talvfelag vann í sínum lagi eisini ruddiliga, eitt hálvt stig er nú á muni millum oddaliðini. Nú er lagt upp til rættiligt toppbrak í fimta umfari millum Sandavág og Havnina.

1. deild (4. umfar)

Klaksvík (A) – Havnin (A) 0 – 4

Rani Baldursson (2056)  – Luitjen Akselsson Apol (2305) 0 – 1

Heðin Gregersen (1977) – Rógvi W. Rasmussen (2159) 0 – 1

Steintór Rasmussen (1989) – Sjúrður Thorsteinsson (2132) 0 – 1

Finnbjørn Vang (1958) – Elias Petersen (2109) 0 – 1

Sjálvt um allir á havnarliðnum høvdu favorittleiklutin grundað á styrkitølini, var ikki væntandi, at tað fór at sláa út á øllum fýra borðum. 4-0 er óhoyrt úrslit millum søguligu kappingarneytarnar.

Hvørki av liðunum var fullmannað í Skákinum á Akursmørk í Klaksvík í dag. Hjá klaksvíkingum var saknur í Ólavi Simonsen og Terja Petersen, hjá Havnini var eingin Helgi Dam Ziska, Martin Poulsen ella Carl Eli Samuelsen at síggja. 

Afturímóti gjørdi útisetin Rógvi W. Rasmussen (FM-vinnari 1996) eitt sera væleydnað comaback í barndómsfelagnum. 

Sandavágur (A) – Klaksvík (B) 3½ – 1½

Rógvi Egilstoft (2304) – Haldur S. Johansen (2000) 1 – 0

Høgni Egilstoft Nielsen (2389) – Ingolf Gaard (1948) 1 – 0

Jón í Horni Nielsen (2104) – Tummas M.Sólsker (1930) 1 – 0

Silas Eyðsteinsson (2061) – Rani Nolsøe (1903) ½ – ½

Oddaliðið úr Vágum sást nú aftur við sterkastu manning. Rógvi Egilstoft er komin heim úr Spania at taka nakrar dystir, og tað ger mun. Rógvi noyddist tó at kýta seg av øllum alvi í dag fyri at knógva Halduri. Tað hálva stigið, ið klaksvíkingar fingu, syrgdi í staðin Rani Nolsøe fyri. Hart kroystur, men við rygginum móti múrinum, stríddi hann seg til remis.

Sandavágur (B) – Havnin (B) 2 – 2

Torkil Nielsen (2030) – Herluf Hansen (1974) ½ – ½

Bernhard Augustinussen (1937) – Suni Merkistein (1971) ½ – ½

Jón Atlason (1932) – Petur G. Magnussen (1921) ½ – ½

Ingi Wiberg (1899) – Flóvin M. Tummasarson (1903) ½ – ½

B-liðini hjá Sandavági og Havnini høvdu styrkt seg nakað til innanhýsis dystin teirra millum á Giljanesi í dag. Her var úrslitið, at tað endaði remis á øllum borðum.

Støðan í 1. deild

Sandavágur (A)  12 stig

Havnin (A) 11½

Havnin (B) 8½

Sandavágur (B) 7½

Klaksvík (A) 6½

Klaksvík (B) 4

Spenningur í 2. deild

Í næstbestu deildini gongur javnt á bæði í toppi og botni. Og stutt er millum fremru og aftaru liðini. 

Ikki færri enn tríggir fyrrverandi føroyameistarar sóust kring borðini í dystinum millum Kollafjørð og Toftir. Merkisvert at eingin av teimum trimum – Hans Kristian, Bogi og Jens Christian – var mentur at vinna í dag.

Klaksvíkingar hava tepru leiðsluna, men telvaðu javnt í dag móti blaðungu manningini hjá Havnini B. 

2. deild (4. umfar)

Havnin (B) – Klaksvík 2 – 2

Lisa Xin (1727) – Einar Gregersen (1913) 0 – 1

Brestir Samuelsen (1699) – Rógvi H. Olsen (1837) ½ – ½

Eyðun L. Staksberg (1691) – Rókur Davidsen (1828) ½ – ½

Herbert Holm Johannesen (1647) – Jónas Sólsker (1699) 1 – 0

Kollafjørður – Toftir 1 – 3

Hans Kristian Simonsen (2117) – Andrias Danielsen (1966) 0 – 1

Árant Djurhuus (1920) – Bogi Ziska (2148) ½ – ½

Markus Jacobsen (1781) – Jens Chr. Hansen (2102) ½ – ½

Ingi Højsted (1809) – Andreas Andreasen (1854) 0 – 1

Havnin (A) – Rókur 2½ – 1½

Arnbjørn Dalsgarð (1874) – Martin Brekká (2051) 1 – 0

Øssur Joensen (1853) – Kim Durhuus (1752) ½ – ½

Eli W. Finnsson (1829) – Gunnar Joensen (1804) 1 – 0

Óli Joensen (1816) – Fróði Zachariassen 0 – 1

Støðan í 2. deild

Klaksvík 10 stig

Kollafjørður 9½

Toftir 9

Havnin (B) 8½

Rókur 5½

Havnin (A) 5½

Ófullfíggjað

Vit fara lættliga um dystir og støðu í 3. – og 4. deild í dag, tí her eru ikki øll úrslit fingin til vega enn. 

3. deild (4. umfar)

Kollafjørður – Vestmanna 1½ – 2½

Sandavágur – Kongshavn 3 – 1

Klaksvík – Gøta 

4. deild (bólkur A) (4. umfar)

Sandavágur – Strendur 2½ – 1½

Havnin – Rókur 3 – 1

Toftir – Gøta

4. deild (bólkur B) (4. umfar)

Suðuroy – Sandavágur 1½ – 2½

Kollafjørður – Rókur 0 – 4

Havnin – Kongshavn 4 – 0 (uttan dyst)

Støðan

Sandavágur 11½ stig

Havnin 11

Suðuroy 10½ 

Fimta umfar

Dystirnir í fimta umfari verða um tvær vikur. Stóri dysturin tá stendur millum oddaliðini bæði í 1. deild, sum møtast í Havn.

5. umfar (18. januar) – 1. deild

Havnin (A) – Sandavágur (A)

Havnin (B) – Klaksvík (A) Klaksvík (B) – Sandavágur (B)