Tíðindi

Bólkur A

Erik Thorn (2049) Sweden – Hjalti Toftum Jogvansson (1890) 0 – 1

Dominik Danielsson (1630) Sweden – Rogvi Egilstoft Nielsen (2115) 1 – 0

Bólkur B

Martin Haubro (2003) Denmark – Pætur Poulsen (1247) 1 – 0

Karl M Dahl (1228) – Philip Lindgren (2091) Sweden 0 – 1

Bólkur C

Daniel Ebeling (2074) Finland – Hogni Egilstoft Nielsen (1927) 1 – 0

Sjurdur Olsen (1419) – Dennis Liu (1782) Finland ½ – ½

Bólkur D

Jesper Sondergaard Thybo (1913) Denmark – Silas Eydsteinsson (1315) 1 – 0

Eli W. Finsson (1158) – Kunal Bhatnagar (1820) Sweden 0 – 1

Bólkur E

Heimir Pall Ragnarsson (1200) Iceland – Janus Skaale (1123) 0 – 1

Kamras Awat (1155) Sweden – Leif Reinert Fjallheim (1000) 1 – 0

Sí úrslit, stødur og talv her

Bólkur A

Hjalti Toftum Jogvansson (1890) – Kristoffer Madland (2060 2051) Norway 0 – 1

Rogvi Egilstoft Nielsen (2115) – Jaakko Oksa (2035) Finland 0 – 1

Bólkur B

Philip Lindgren (2091) Sweden – Pætur Poulsen (1247) 1 – 0

Karl M Dahl (1228) – Erlend Kyrkjebø (1957 1966) Norway 0 – 1

Bólkur C

Eivind Aartun (1246 1673) Norway – Hogni Egilstoft Nielsen (1927) 0 – 1

Peter Flermoen (2167 2169) Norway – Sjurdur Olsen (1419) 1 – 0

Bólkur D

Silas Eydsteinsson (1315) – Aryan Tari (2125 2097) Norway 0 – 1

Eero Valkama (1726) Finland – Eli W. Finsson (1158) 1 – 0

Bólkur E

Janus Skaale (1123) – Leif Reinert Fjallheim (1000) 1 – 0

Sí úrslit, stødur og talv her

Bólkur A

Dominik Danielsson (1630) Sweden – Hjalti Toftum Jogvansson (1890) 1 – 0

Rogvi Egilstoft Nielsen (2115) – Jon Kristian Haarr (2211 2215) Norway ½ – ½

Bólkur B

Pætur Poulsen (1247) – Erik Ronka (1984) Finland

Kristian Seegert (2154) Denmark – Karl M Dahl (1228) 1 – 0

Bólkur C

Hogni Egilstoft Nielsen (1927) – Peter Flermoen (2167 2169) Norway 0 – 1

Sjurdur Olsen (1419) – Dagur Kjartansson (1522) Iceland 1 – 0

Bólkur D

Silas Eydsteinsson (1315) – Lars Oskar Hauge (1971 1942) Norway 0 – 1

David Nordin (1292) Sweden – Eli W. Finsson (1158) 1 – 0

Bólkur E

Leif Reinert Fjallheim (1000) – Jani Eränne (1380) Finland 0 – 1

Niels Buster Krog Westh (1269) Denmark – Janus Skaale (1123) 1 – 0

Sí úrslit, stødur og talv her

Hjalti og Rógvi telvadu eitt langt og javnt talv. Eftir at tey flestu fólkini vórðu avbýtt, var ikki nógv at gera hjá nøkrum av teimum.

Karl M. fekk tíðliga býtismun móti Pæturi, og vann talvið.

Høgni kom væl frá byrjan, og hevdi ta einu løtuna tvær finnur meira. Hann yvirsá at mótstøðumaðurin kundi taka við bispinum á f7, frammanfyri konginum, og kom í stórar trupulleikar. Í rókaendatalvinum hevdi Høgni rók móti róki og tveimum samanhangandi finnum. Men íslendingurin spældi óneyvnt og loyvdi Høgna at offra rókin, so at hann kom at standa í patt. Eitt sindur heppi hálvt stig hjá Høgna.

Danin, ið Sjúrður telvaði móti, trýsti øgiligt, og fekk at enda báðar bisparnar frá Sjúrða, ið sostatt mátti lúta. 

Silas var ikki blíður við svian Kunal, ið hevði føðingardag í dag. Silas hevdi finnu meira, og tá hann harafturat fekk eitt sterkt álop, valdi svin at leggja kongin. Enn eitt gott talv hjá Silasi!

Eli vardi væl og leingi móti íslendinginum, sjálvt um hann hevdi finnu minni. Í endatalvinum, har teir høvdu hvør sín riddara og finnir, varð frífinnan hjá íslendinginum nokk til at vinna við. 

Janus telvaði eitt langt og javnt talv ímóti íslendinginum Vignir. Janus hevdi tó eina veika isoleraða finnu, ið hann at enda misti, og tað varð henda finnan ið kom at avgera talvið. 

Leif misti tíðliga í talvinum mann, men hevði løtu seinni møguleika at vinna hann aftur, men tók ikki av. Í endatalvinum vann norðmaðurin uppá hendan mannin, ið hann hevði meira.

Bólkur A

Hjalti Toftum Jogvansson (1890) – Rogvi Egilstoft Nielsen (2115) ½ – ½

Bólkur B

Pætur Poulsen (1247) – Karl M Dahl (1228) 0 – 1

Bólkur C

Emil Sigurdarson (1616) Iceland – Hogni Egilstoft Nielsen (1927) ½ – ½

Sjurdur Olsen (1419) – Jens Albert Ramsdal (1945) Denmark 0 – 1

Bólkur D

Kunal Bhatnagar (1820) Sweden – Silas Eydsteinsson (1315) 0 – 1

Eli W. Finsson (1158) – Oliver Johannesson (1555) Iceland 0 – 1

Bólkur E

Leif Reinert Fjallheim (1000) – Endre Machlik (1215) Norway 0 – 1

Janus Skaale (1123) – Vignir Vatnar Stefansson (1225) Iceland 0 – 1

Sí úrslit, stødur og talv her

Hjalti hevði finnu meira, men í álopinum offraði hann finnuna aftur, samstundis sum at mótstøðumaðurin slapp at offra rókarnar fyri frúnna, og kom til at standa mikið betri. Hetta gjørdist at enda ov nógv fyri Hjalta, ið tapti talvið. Við eitt sindur neyvari telving frá Hjalta hevdi hann kunnað varðveitt finnuna og trýstið og hildið seg frá nullinum.

Rógvi offraði tvær finnur fyri gott spæl, men telvaði seinni óneyvt og hetta førdi til tap. Við eitt sindur neyvari telving hevdi talvið kunnað meira til hansara fyrimun.

Finnin, ið telvað móti Karl M., leikti sera trygt og væl heilt frá byrjan. Eftir áhaldandi trýst Karl M., fekk finnin frúgv fyri rók og riddara, og vann stutt eftir talvið.
Pætur misti mann fyri 4 finnur í miðspælinum, men mótstøðumaðurin hevdi ov góða støðu til at Pætur kláraði at standa ímóti trýstinum. Tó kundi Pætur við onkrum øðrum leikum kunna gjørt tað torførari hjá hinum at lopið á og fingið finnurnar hjá sær longri framm á borðið.
Sjúrdur telvaði væl og fekk tídliga mann, tá ið mótstøðumaðurin kom í trupulleikar við frúnni. Seinni fekk Sjúrður rók afturat, og vann lættliga. Eitt gott úrslit hjá Sjúrða, sum nú eisini er komin uppá stigatalvuna!

Høgni misti tíðliga í talvinum finnu. Sviin telvaði trygt og vann seinni talvið uppá meirfinnuna.
Bisparið hjá Silasi vísti seg at vera avgerandi í hansara talvi. Í stórari tíðarneyð telvaði hann tó sera neyvt og fekk tí einu finnuna inn til frúgv. Sera væl telvað av Silasi, ið nú liggur á einum deildum 2. plássi!
Janus helt høvdid kalt alt talvið og gjørdi sær dælt av feilunum hjá mótstøðumanninum. Tá ið Janus setti hann mát, hevdi hann 2 frýr í yvirtali! Janus liggur nú eisini á einum deildum 2. plássi.
Mótstøðumaðurin hjá Leif fekk eitt gott álop har hann offraði mann og fekk avgerandi fyrimun. Men eftir álopið telvaði Leif tó væl, men ov seint var.
Í 3. umfari møtast Rógvi og Hjalti, og Karl M. og Pætur, so tað vera nakrar føroyskar innanhýsis uppgerðir í morgin!

Bólkur A

Rógvi E. Nielsen – Kristoffer Madland Danmark (2060 – 2051) 0-1

Kim Raisanen Finnland (2091) – Hjalti T. Jógvansson 1-0

Bólkur B

Nokkvi Sverrisson Ísland (1787) – Pætur Poulsen 1-0

Karl M Dahl – Erik Ronka (1984) 0-1

Bólkur C

Eivind Aartun Norra (1673) – Sjúrður Olsen 0-1

Høgni E. Nielsen – Egor Norlin Svøríki (1991) 0-1

Bólkur D

Silas Eyðsteinsson – Eero Valkama Finnland 1726 1-0

Jesper Sondergaard Thybo Danmark (1913) – Eli W. Finsson 1-0

Bólkur E

Jani Eränne Finnland 1380 – Janus Skaale 0-1

Heimir Pall Ragnarsson Ísland (1200) – Leif Reinert Fjallheim

Úrslit, stødur og talv kunnu síggast her

Bólkur A

Rógvi telvaði móti svianum Erik Thorn. Talvið var øgiliga læst, har sviin tó hevði betri støðuna. Við framvegis nógvum fóllkum eftir, hevði Rógvi ikki nógvar puntar at flyta síni fólk á. Eftir at sviin hevði sett síni fólk til rættis, leyp hann á, og góðan støðan hjá honum var nokk til at vinna við.

Hjalti telvaði móti dananum Mads Hansen. Eftir at støðan var rímuliga læst í byrjanuni, opnaðist støðan nógv og fóru teir báðir í álop, í hvør sínari síðu.  Álopið hjá dananum var tó meira vandamikið, og fekk hann tí avgerandi fyrimun og vann talvið.

Bólkur B

Karl Martin telvaði móti dananum Martin Haubro, ið hevur knapt 800 fleiri ratingstig enn Karl Martin. Danin fór tíðliga í álop, og offraði riddara. Hann fekk tó aftur bæði í posa og sekk, tí hann endaði álopið við fáa báðar rókarnar hjá Karl Martini, fyri riddara og bisp. Hetta var ov sterkt fyri Karl Martin, ið tapti talvið.

Pætur telvaði móti finnanum Jani Ahvenjarvi, við styrkistalinum 2066. Finnin telvaði væl, men Pætur vardi eisini væl. Pætur slapp eftir miðspælið inn á 7. røð við sínum róki, men kom í trupulleikar av honum, tí bispaparið hjá finnanum, saman við einum róki á 2. røð, fangaðu rókin hjá Pæturi, og finnin fekk samstundis eitt sterkt álop. Stutt eftir tapti Pætur talvið.

Bólkur C

Sjúrður og Høgni møttust í fyrsta umfari. Sjúrður kom væl frá byrjanuni, men í miðspælinum sendi Høgni sína f-finnu heilt framm, og opnaði fyri støðuna frammanfyri konginum hjá Sjúrða. Sjúrður hevði mótspæl á frúgvasíðuni, men var tó ov seinur, tí álopið hjá Høgna var alt ov sterkt. Við einum frúgvaoffri fyri rók og riddara hevði Sjúður kunnað sloppið betri frá álopinum, og framvegis havt trýstið á frúgvasíðuni, men hesum endaðu teir ikki úti í.

Góð byrjan hjá Høgna, sum nú liggur á einum deildum 1. plássi, saman við 4 øðrum.

Bólkur D

Silas telvaði móti finnanum Dmitri Tumanov, ið hevur 500 fleiri ratingstig enn Silas. Finnin hevði betri støðu í miðspælinum, men Silas vardi væl. Eftir at teir høvdu býtt tað mesta av fólkinum av, høvdu teir einans finnir og ólíkafarvaðar bispar eftir. Møguliga hevði Silas ein vinnandi møguleika um hann hevdi farid longur fram vid konginum í endaspælinum, men hann kom tó ikki út í hesa støðu. Talvið endaði javnt, og var hetta eitt sera flott úrslit hjá Silasi.

Eli telvaði móti dananum Martin Percivaldi, hvørs ratingtal er 1803, mótvegis Eli’sa 1158. Danin telvaði væl frá byrjan av, og fekk tíðliga eina finnu. Hann hevði gott spæl og pressaði Eli nógv, og fekk seinni enn eina finnu. Eli fekk tó tí einu finnuna aftur, men tá var ov seint, og danin slapp heilt framm við síni finnu, og vann talvið.

Bólkur E

Eftir fyrstu náttina stríddust Leif og Janus við búkilsku og febur, so teir vóru ikki optimalt fyri áðrenn 1. umfar. Tó stríddust teir mannliga og tóktust ikki at vera tarnaðir av hesum.

Janus Skaale hevdi hvítt móti Kamras Awat úr Svøríki, ið hevði gott 30 meira í rating enn Janus. Janus telvaði væl og sikkurt frá byrjan av, men eftir frúgvaavbýtið í miðspælinum fekk Janus eina heldur keðiliga tví-finnu. Hetta útnyttaði svenskarin tó ikki, og støðan útjavnaðist aftur. Støðan á borðinum var jøvn, teir høvdu einans kong og finnir eftir, men stutt eftir hetta telvaði svenskarin óneyvt, og kundi Janus við einum kongaleiki fingið avgerandi fyrimun. Janus sá ikki leikin, og stutt eftir endaði talvið javnt, sum samanumtikið nokk var tað rætta úrslitið.
Eitt flott úrslit og góð byrjan hjá Janusi!

Leif telvaði móti svianum Jedrzej Szumniak, hvørs ratingtal er gott 350 hægri enn Leif’sa. Leif misti ein mann í miðspælinum, men telvaði tó gott eftir hetta. Hetta var kortini ikki nóg mikið og sterki sviin koyrdi sikkurt sigurin heim.

Fyrireikarnir arbeiða við at fáa talvini løgd á heimasíðuna, og vónandi er hetta komið í rættlag seinni í kvøld.

Føroysku unglingarnir ið skulu luttaka í NM fyri skúlaungdóm í vikuskiftinum, eru komnir fram í øllum góðum.
Liðleiðari er Ingolf Gaard og eisini eru 3 talváhugaðir pápar við.

Telvararnir skulu í eldin í morginárini kl. 11.00.
Ikki er greitt enn, hvussu paringin sær út, men tað verður helst uppdaterað á heimasíðuni hjá norsku fyrireikarunum:
http://www.sjakkselskapet.no/nordisk-for-ungdom-2011

Luttakararnir úr Føroyum eru:

Bólkur A: Rógvi E. Nielsen 2115/2134 og Hjalti T. Jógvansson 1895/1890

Bólkur B: Pætur Poulsen 1247 og Karl M. Dahl 1228

Bólkur C: Høgni E. Nielsen 1943/1927 og Sjúrður Olsen 1419

Bólkur D: Silas Eyðsteinsson 1315 og Eli W. Finnson 1158

Bólkur E: Janus Skaale 1123 og Leif R. Fjallheim 1000

Skráin fyri dagarnar:

1. umfar fríggjadagur  18. kl. 11.00 – 16.00
2. umfar fríggjadagur  18. kl. 17.30 – 22.30
3. umfar leygardagur   19. kl. 09.00 – 14.00
4. umfar leygardagur   19. kl. 15.30 – 20.30
5. umfar sunnudagur    20. kl. 09.00 – 14.00
6. umfar sunnudagur    20. kl. 15.30 – 20.30

Sum sagt, varð kappingin býtt sundur í 2 bólkar, Rilton-Elo, ið er fyri telvarar við einum rating-tali minni enn 2200, og Rilton-cup, ið er fyri telvarar við einum rating-tali omanfyri 2200, (undantøk verða tikin).

Av tí, at eg hevði eitt Elo tal á 2116, mátti eg spyrja fyrireikararnar, um eg kundi telva við í Rilton-cup, og tað fekk eg játta næstan beinanvegin. At býta eina kapping sundur í 2 bólkar, hevur bæði fyrimunir og vansar. Men í hesum føri, haldi eg tað er sera skilagott av tí, at málið hjá fyrireikarinum er, at menna ungar svenskar telvarar. At seta eitt mark á 2200, fyri at luttaka í tí betru kappingini ger, at luttakarnir allatíðina fáa sterkar telvarar, tað gevur venjing.

Nú til “mína kapping”. Eftir at hava tapt fyrsta umfar, ímóti IM Johan Furhoff (við einari góðari støðu), var mótstøðumaðurin næsta dagin, FM Rauan Sagit (2406). Eg royndi at fyrireika meg áðrenn talvið, men tað var lættari sagt enn gjørt, eg fann útav, at hann spældi 1.c5 eftir mín fyrsta leik, ið er 1.e4, men so fann eg ikki meira. Av tí, at eg einki talv fann, har mótstøðumaðurin hjá honum, hevur flutt c3 næsta leik. Tað skuldi verði jaligt fyri meg, at hann ikki hevði telvað byrjanina so nógv. Vónirnar vóru góðar fyri at fáa eitt gott talv, og møguliga fáa úrtøku burtur úr, um heilt væl spældi av.

3 umfar tapti eg ímóti einum IM’ara, við einum ratingtalið uppá 2314. Í 4 umfarið tapti eg aftur, og hesa ferð hevði mótustøðumaðurin eitt ratingtal uppá 2232. Tað sum var eitt sindur serstakt við teimum 4 fyrstu umførinum, var at eg hevði vinnandi ella betur støður øllum talvinum. Hóast tað fekk eg bara eitt stig. Í 5 umfarið fekk eg tann telvaran, ið hevði minst rating í kappingini, 1895. Hann vann eg so, men tað talvið kundi fari báðar vegir. Í 6 og 7 umfarið endaði tað við tveimum javnleikum, ímóti tveimum 2200 telvarum. Í næstsíðsta umfarið var mótstøðumaðurin Erik Bolmqvist, ið hevur 2449  í Elo. Erik hevði havt eina sera ringa kapping, so tá ið eg bjóðaði javnt, við eini betur støðu, eftur bara 14 leikir, tók hann av. Síðsta umfarð vann eg, ímóti einum 2200 telvara,  og kom so uppá 4½ stig, ið gevur eina rating framgongd uppá 25 stig.

Eg havi roynt, at viðmerkja talvið frá tí næsta umfarinum eftir besta førimuni. Talvið er ímóti Sagit.

Nielsen,Rógvi Egilstoft (2116) – Rauan,Sagit (2406) [B22]

Rilton-cup 2010/2011 (2)  27.12.2010

1.e4 c5 2.c3 Rif6 Sum sagt, visti eg ikki, hvat hann fór at gera, men 2…Rif6 er tað ið er mest spælt, so eg bleiv ikki kløkkur. 3.e5 Rid5 4. d4 cxd4 5.cxd4 d6 6. Bc4 Tað vanliga er at spæla Rif3 áðrenn Bc4 kemur, men Bc4 kann væl spælast. Rib6 7. Bb5+ Ric6 8. Rif3 Bd7

Svartur hevur nú eina hóttan við Rixe5, ið ger at svartur javnar út, t.d. 9.0-0 Rixe5 10.Rixe5 dxe5 (10…Bxb5 gongur ikki, av tí at svartur hevur eitt gott aftursvar, við at leika 11.Rixf7 Kxf7 12.Fh5+ Og Bispurin hongur á b5) 11.Bxd7+ Fxd7 12.dxe5 Fxd1 er jøvn støða. 9.Ric3 fyri at dekka bispin. 9…e6 10.0-0 d5 11.Bf4

Eg brúkti nógv tíð til henda leikin 11.Bf4, tað komst av, at eg visti ikki, hvar bispurin skuldi. Eg var nokkso vísur í, at eg skuldi flyta bispin, men hvar? Eg visti væl, at Fritz ikki hevði 11.Bf4 til sín besta leik, men við talvborði er einkin Fritz. Valið fall á 11.Bf4, og tað komst av tí, at eg helt at støðan var nokkso lík einum varinati í fronskum, har svartur roynur at fáa f6 ígjøgnum, og síðani Bd6. 11…a6?! í mínum høvdið, er hatta ein burturspiltur leikur, av tí at eg vil gjarna, flyta bispin aftur á d3. Betur var at flyta 11…Be7, ella 11…Rc8. 12.Bd3 Be7 13.Rc1 Rc8 14.Bb1?

Hendan leikin skuldi eg havt bíða eitt sindur við, betur var 14.Fe2, fyri at svartur ikki skal sleppa at spæla 14…Ric4 og møguliga skal eg eisini spæla a3, áðrenn eg flyti bispin aftur. Eg gloymdi møguliga at hyggja eftur støðuni, gjørdi bara eftur tí vanliga planinum. Eg vil helst ikki missa tann hvíta bispin, í peikar ímóti konginum, tá svartur einaferð er lopin um borg. Men fyri ikki at missa hann, má eg flyta hann fleiri ferðir næstu leikirnar. 14…Ric4 15.b3 Ria3 16.Bd3 Rib4. Hann ger alt fyri at fáa bispin. 17.Be2 og eg geri alt fyri ikki at missa hann. 17…b5?!

Eftir talvið segði hann, at honum ikki dámdi handa leikin, hann váðar for nógv, Riddarin á a3 sleppur ikki vekk aftur. 18.Fd2 0-0 19.Fb2 tað er eitt sindur trongt hjá mær, men tað gongur. 19…Fa5 20.Bd2 Rfe8 21.Rfd1

Báðir hava ringt við at koma víðari, hann hevur læst sítt fólk fast á frúgva-síðuni, og eg havi ikki so gott pláss, at flyta mítt fólk á. 21…Bf8 22.h4! Her byrjar álopið, tað sær ikki út av nógvum, men tað er akkurát tað, ið er so gott við tí. Sagit segði aftaná talvið, at hann hugsaði ikki so nógv um kongin, av tí at hann stóð so tryggur, og tað ger hann nokk eisini, men onkur feilur frá hansara síðu, ger at støðan verður hattislig. 22…Riac2 eg kann ikki taka hann, tí eftir 23.Rxc2 Rixc2 24.Fxc2 b4, hevur svartur klárt betur støðu. 23.h5 h6 Tíðin byrjaði at ganga undan hjá okkum báðum, men eg hevði eina ætlan, so teir næstu leikirnir vóru fluttir skjótt. 24.g4 Rc6 25.g5 Rec8 26.gxh6 gxh6

Hendan støðan er grundin til, at eg gav 22.h4 eitt !. Næstan burtur úr ongum kemur eitt álop, eg má viðurkenna, at eg sjálvur bleiv eitt sindur kløkkur. 27.Kh1 fyri at fáa rókin ella rókarnar við í álop. Kh8 28. Rg1 Eg havi flutt, og hann átti leik, eg royndi at síggja, hvussu eg kundi vinna aftan á Fa3. Eg helt, at tað var okkurt, men tað gekk ikki so nógv tíð, frá eg hevði flutt, til hann flutti aftur. 28…Fa3

Tá hann hevði flutt 28…Fa3, visti eg ikki, hvat eg skuldi gera. Eg kundi sjálvandi bara taka, og síðandi “dobla” rókarnar á g-linjuni, men Rxc2 var eisini ein møguleiki, eg hugsaði 29.Rxc2 Rixc2 30.Fxc2 b4 31.Rig5 við einum góðum álopi, men eg sá einki avgerðandi. Tíðin gongur, 3 minuttir eftur á klokkuni til 12 leikir, og vit fingu ikki 30 sekund eyka eftir hvønn leik, so ein avgerð mátti takast. 29.Rxc2! Rixc2 Hann gjørdi skjótt av. 30.Fxc2 Tíðin hjá honum byrjaði eisini at ganga undan, og tað hjálpti mær nógv. 30…Rxc3??

Tað var einki at gera, men av tí, at eg var í tíðarneyð, og hevði ikki klárað at roknað alt út, so hevði 30…b4 verið munandi betur, eg sat og roknaði uppá 31.Rig5, sum hevði verið ein nóg góður leikur til at vinna talvið, men besti leikur hjá mær eftur 30…b4 er 31.Bg5!!

Hann kann ikki taka bispin, 31…hxg5 32.Rixg5 og hann kann ikki dekka mátið. Men hann hevur tveir aðrar møguleikar 31…Bg7 ella f5. Vit taka fyrst Bg7, tað flytur hann fyri at verja Bf6+, men 32.Bf6, nú hevur hann nógvar møguleikar, men alt tapur, t.d. 32…Rxc3 33.Rxg7 Rxc2 34.Rg5 Kh7 35.Bd3#. Næsti møguleiki hjá honum er 31…f5, men tað gongur heldur ikki, 32.exf6 Rxc3 33.Fg6! og nú klárar svartur ikki at berjast meira, ætlanin er f7 og Bf6 mát, ið ikki kann dekkast. Aftur til talvið. 31.Bxc3 b4 32.Fd2 Eg hevði um ein minutt eftur, og eg visti, at eg hevði vinnandi støðu, men hvussu, tað visti eg ikki, so tað stóð nógv á. 32…bxc3 33.Ff4! Einasti leikurin í vinnur.

33…Bg7 Eg hevði lítla tíð eftur, bert eini 50 sekund, men mótstøðumaðurin hevði bara nøkur fá sekund eftur. 34.Fxf7 Rg8 34…Ff8 gongur ikki, 35.Fxd7 c7 36.Rih4 hóttir gaffil á g6. 35.Rih5 Be8

Hann hevði eitt sekund eftur á klokkuni, men sjálvt her sá eg ikki, hvussu eg kundi vinna. 36.Rig6+ Hann flutti 36.Kh7, men kláraði ikki at trýsta á klokkuni, áðrenn tíðin fór, men støðan er hóast alt vunnin hjá mær, 37.Fxe6 c2 38. Bd3 c1=F 39.Rie7+ Kh8 40.Fxg8#. 1-0

Eitt sera gott talv fyri meg, har eg var rættuliga heppin, alt riggjaði væl. Tá eg flutti teir seinastu leikirnar visti eg ikki, hvat fór at henda, og visti ikki hvar eg endaði, so spenningur var til tað síðsta, og tað eru tey bestu stigini.

Um áhugi er, so eru hini talvini at finna inná, http://www.rilton.se/1011/gameviewer.html

Eftir trý umfør, lógu Høgni E. Nielsen 1943 ST og Hjalti T. Jógvansson 1895 HT á odda við 3 stigum.Tummas M. Sólsker 1857 KTF var nr. 3 við 2½ stigi og heili 9 telvarir høvdu 2 stig.

Høgni vann toppdystin móti Hjalta í 4. umfari og hevði nokk við javnleiki í seinasta umfari til at vinna kappingina.

Við hvíta fólkinum móti beiggjanum – Rógvi E. Nielsen 2134 ST – telvaði Høgni trygt og væl. Javneleikurin kom høldar og Høgni gjørdist uppiborin vinnari av
Kjølur Open 2011.

Hjalti T. Jógvansson HT og Finnbjørn Vang KTF gjørdust javnir á 2. plássi, meðan Rógvi M. Olsen TT, Dánjal J. Jacobsen HT og Karl M. Dahl fingu ratingvirðislønir.

Høgni E. Nielsen 1943 ST. Tryggur vinnari við 4½ stigum í Kjølur Open 2011.

Hjalti T. Jógvansson 1895 varð nr. 2 og Finnbjørn Vang 2050 nr. 3. Hjalti vísti góðar taktir til NM við sigrum á Finnbjørn og Herluf 2014.

Rógvi 1647 vann Ratingvirðisløn 1, Dánjal J. 1388 vann Rvl 2 og Karl M. 1228 vann Rvl 3.

Silas telvaði fleiri góð talv og burdi enntá havt vunnið á Tummas M. – spennandi verður til NM.

Jákup F. Joensen GT og Helgi Joensen TT. Hesir hava drúgvar royndir, ið koma sera væl, tá telvað verður móti ungdóminum.

Janus og Hans Jákup úr KTF. Spennandi unglingar, ið fáa sær alsamt fleiri royndir.

 Ósáskúlin í Klaksvík, altíð klárur til eina talvkapping. Klaksvíkar Kommuna og skúlin eiga rós fyri tað.

7. umfar í liðkappingini verður telvað 13. februar. Orsøkin er NM fyri skúlaungdóm, sum verður telvað vikuskiftið 18 – 20 februar.