Seinastu Tíðindini

Hendan síðan kann eisini síggjast í fullari stødd á live.faroechess.com

Tilmeldingarfreistin til Klaksvík Open er 18. juli.

Afturat kappingunum verða eisini fleiri talvtiltøk m.a. Fyrilestur, talvkafé, simultan-talv, úti-talv, fótbóltskapping o.a. Skráin fyri dagarnar sæst her: Skráin

Sí leinkju fyri tilmelding ella melda til hjá Finnbjørn Vang á snarbjorn@hotmail.com ella á tlf. 22 14 22.

Norm-møguleikar

Helgi Dam Ziska kann við einari góðari kapping ogna sær sín fyrsta GM-norm. Stórmeistaranormur sum ongin føroyingur hevur vunnið sær higartil. Tað kunnu Tapani Sammalvuo, Silas Lund, Carl Eli Nolsøe Samuelsen, Olaf Berg og Rógvi E. Nielsen eisini – kravið hjá teimum øllum eru 7 stig.

IM normur til Carl Eli og Olaf eru 5½ stig. Hjá Rógva eru tað 5 stig.

Luttakarlistin til Heini Olsen Memorial og Klaksvík Open sæst á hesari leinkjuni: Kappingarleinkja

Við talvkvøðu,
Talvsamband Føroya

 

IM John Rødgaard, úr Vestmanna Talvfelag, varð eins sannførandi á 2. plássi, meðan unglingin, úr Sandavági, Rógvi Egilstoft Nielsen, tryggjaði sær 3. plássið í harðari orrustu við Finnbjørn Vang, sum gjørdist nr. 4.

Brøðurnir, Heiðrikur og Rúni Tindskarð Jacobsen, vunnu greiðar sigrar um styrkisvirðislønirnar fyri telvarar upp til ávikavist 1300 og 1900 í rating. Sára Traber Olsen gjørdist somuleiðis tryggur vinnari í 1600 – ratingbólkinum. Ratingvirðislønirnar fóru harvið allar til Havnar Telvingarfelag á hesum sinni.

  

Í finalu-umfarinum varð ei heldur ongin ivi um, at sterkasti telvari Føroya í løtuni, altjóða meistarin, IM Helgi Dam Ziska, dróg sigurin til høldar. Tvey stig fremri enn kappingarneytarnir, tá seinasti leikur var fluttur við 8½ av 9 møguligum. Á 2. plássi vórðu Torkil Nielsen, John Rødgaard og Jógvan Joensen við 6½ stigi í part. 

 

Standings

Place Name                  Feder Rtg  Loc Score M-Buch. Buch. Progr.    1   Helgi Dam Ziska             2411     8.5      36.0  46.0   44.5  2-4  Torkil Nielsen              2035     6.5      38.0  50.0   30.5       John Rødgaard               2331     6.5      37.5  49.5   34.0       Jógvan Joensen              1784     6.5      32.5  42.5   27.0  5-6  Rógvi E. Nielsen            2065     5.5      36.5  48.5   28.5       Rúni T. Jacobsen            1453     5.5      27.5  35.5   20.5 7-10  Finnbjørn Vang              2050     5        37.5  49.5   31.0       John Joensen                1823     5        34.0  44.0   28.0       Margar Berg                 1705     5        30.0  38.0   22.0       Hjalti T. Jógvansson        1895     5        27.5  35.5   25.0 11-16 Herluf Hansen               2001     4        33.0  45.0   25.0       Høgni E. Nielsen            1943     4        32.5  42.5   23.0       Sára T. Olsen               1527     4        31.0  41.0   21.0       Heiðrikur T. Jacobsen       1744     4        30.5  38.5   22.0       Símun Skorastein            1447     4        29.0  37.0   16.0       Jón Magnus Joensen          1129     4        28.0  36.0   19.0  17   Elmar Fjallheim             1384     3        26.0  32.5   12.0 18-19 Borgar J. Stórá             1417     2        28.0  36.0   11.0       Eli W. Finnson              1158     2        27.0  33.5   10.0 

Cross Table

No  Name                  Feder Rtg   1    2    3    4    5    6    7    8    9    1.  Helgi Dam Ziska             2411 10:W  6:W  4:W  2:W  7:W  5:W  9:W 13:W  3:D 2.  John Rødgaard               2331 11:W  7:W  9:W  1:L  5:D  4:W  3:D 10:D  8:W 3.  Rógvi E. Nielsen            2065 12:W  8:W  5:D  4:L  6:L 15:W  2:D  9:W  1:D 4.  Finnbjørn Vang              2050 13:W 19:W  1:L  3:W  9:W  2:L  6:W  5:L 10:L 5.  Torkil Nielsen              2035 14:D 10:W  3:D  8:W  2:D  1:L 12:W  4:W 19:W 6.  Herluf Hansen               2001 15:W  1:L 13:W  9:L  3:W 11:W  4:L  8:L 14:L 7.  Høgni E. Nielsen            1943 16:W  2:L 12:W 11:W  1:L 10:L  8:L 18:L   :W 8.  Hjalti T. Jógvansson        1895 17:W  3:L 18:W  5:L 11:L 16:W  7:W  6:W  2:L 9.  John Joensen                1823 18:W 14:W  2:L  6:W  4:L 12:W  1:L  3:L 13:W 10. Jógvan Joensen              1784  1:L  5:L 16:W 15:W 13:W  7:W 11:W  2:D  4:W 11. Heiðrikur T. Jacobsen       1744  2:L 15:W 19:W  7:L  8:W  6:L 10:L 16:W 12:L 12. Margar Berg                 1705  3:L 17:W  7:L 18:W 14:W  9:L  5:L   :W 11:W 13. Sára T. Olsen               1527  4:L 16:W  6:L 17:W 10:L 19:W   :W  1:L  9:L 14. Rúni T. Jacobsen            1453  5:D  9:L 15:L 19:W 12:L   :W 16:W 17:W  6:W 15. Símun Skorastein            1447  6:L 11:L 14:W 10:L   :W  3:L 17:W 19:L 18:W 16. Borgar J. Stórá             1417  7:L 13:L 10:L   :W 18:W  8:L 14:L 11:L 17:L 17. Elmar Fjallheim             1384  8:L 12:L   :W 13:L 19:L 18:W 15:L 14:L 16:W 18. Eli W. Finnson              1158  9:L   :W  8:L 12:L 16:L 17:L 19:L  7:W 15:L 19. Jón Magnus Joensen          1129   :W  4:L 11:L 14:L 17:W 13:L 18:W 15:W  5:L 

 

HJARTALIGA TILLUKKU ! 

Somuleiðis vil Talvsamband Føroya nýta høvið, at ynskja Helga og hansara nærmastu hjartaliga tillukku við framúrskarandi studentsprógvinum, sum vísti seg at vera hitt besta í Føroyum 2010 !

 

 

 

 

Finalan er 10. og seinasta kappingin hetta kappingarárið. Kappingin er skipað soleiðis, at til tess at vinna Grand Prix og ratingvirðislønir, er neyðugt at hava luttikið í minst 5 kappingum, finalan íroknað. Endaliga úrslitið verður sostatt uppgjørt eftir 5 teim bestu úrslitunum, hóast telvað er í fleiri enn 5 kappingum samanlagt.

Undirtøkan hevur – aftur hesuferð – verið sera góð fyri Grand Prix telvingini.

Martin Poulsen og Olaf Berg vunnu kappingina í ávikavíst 2007 og 2008.

Helgi Dam Ziska vann Grand Prix í 2009 og liggur í oddinum, undan seinasta umfarinum 2010, og hevur harvið møguleikan at endurtaka sigurin frá í fjør. Men John Rødgaard gevur Helga ein skarpan gang og tískil er lagt upp til sera spennandi Grand Prix endabrest. 

Undan finaluna, er topp-4 støðan hendan:

Í finaluumfarinum verður ikki bert telvað um endaligar plaseringar í samlaðu kappingini. Kappingin er opin fyri øllum talváhugaðum, eisini teim sum ikki – ella bara partvís – hava luttikið higartil. Virðislønir verða eisini latnar sum til eina vanliga Grand Prix kapping.

Telvað verða 9. umfør, har umhugsunartíðin er 15. minuttir í part til talvið. Luttøkugjaldið er kr. 100. 

Vinarliga boðið frá luttøku til Finnbjørn Vang, í seinasta lagi hósdagin 1. juli: snarbjorn@hotmail.com ella á tlf. 22 14 22.

TALVSAMBAND FØROYA 

 

 

 

 

 

I yngra bólkinum, 4. flokkur og yngri, vann Havnin FM við 12 stigum, meðan Sandavágur og Klaksvík vunnu silvur og bronsu við ávikavíst 8½ og 4½ stigi.

 
Liðið úr Havnini var mannað við: Eli W. Finnsson, Áron R. Fjallheim, Leif R. Fjallheim, Kaj Olsen og Gilla Brend. U-10 føroyameistarin, Eli W. Finnsson, vann á 1. borði, øll talvini í innleiðandi umførunum og í finaluni.

Í eldra bólkinum, 5. flokk og eldri, hildu sera royndu unglingarnir úr Havnini fast um innleiðandi sigrarnar og vunnu FM-Gull við 11 stigum, meðan Sandavágur vann silvur við 8½ stigi og Klaksvík bronsuna við 4½ stigi.

 

Eldra FM-liðið var mannað við fyrrverandi og núverandi unglingaføroyameistarunum, Heiðriki Tindskarð Jacobsen og Sáru Traber Olsen, umframt Rúna Tindskarð Jacobsen og Johan Hentze.

Telvað varð somuleiðis um heiðursmerkir í opnum kappingum.

 

Sandavágur gjørdist greiður vinnari í kappingini fyri 4. flokk og yngri, meðan Kollafjørður og Havnin gjørdist ávikavíst nr. 2 og 3.

 

Í eldra opna bólkinum vunnu lið úr Kollafirði heiðursmerkini. 

 

 

Samanumtikið var undirtøkan og ikki minst telvingin, sera hugalig og fløvandi. Ørgrynna av talentum sum, um viljin er til staðar, røkka hægstu tindar. 

 

Við støði í innleiðandi úrslitunum, eru liðini, sum telvað um FM-heitið hesi (stigatal):

4. flokkur og yngri: Havnin (42), Kollafjørður (38½), Klaksvík (33½). 

5. flokkur og eldri: Havnin (36½), Sandavágur (32½), Klaksvík (31).

Heiðursmerki verða latin liðunum í hvørjum aldursbólki, umframt ognarsteyp til vinnandi FM liðini.

Í opnu kappingini telva hesi liðini:

4. flokkur og yngri: Sandavágur (19), Viðareiði (14½), Havnin2 (11), Kollafjørður3 (7½), Kollafjørður2 (6)

5. flokkur og eldri: Kollafjørður1 (21½), Kollafjørður2 (14), Kollafjørður3 (10), Kollafjørður4 (½)

Í opnu bólkunum verða heiðursmerki latin trimum teim bestu liðunum í hvørjum aldursbólki. Lið, sum ikki vinna heiðursmerki, verða somuleiðis heiðraði við minnisluti.

Tilmelding

Seinasta freist at melda luttøku er mikudagin 16. juni, á middegi, á telefon 794722/319472 ella á teldupost-adressu: jogvan@kallnet.fo.

Upplýsið navn á liði (skúli/felag) og aldursbólk. 

Lið, sum ikki hava luttikið innleiðandi, eru vælkomin at luttaka í opnu kappingunum í finalu-umfarinum.

Sí nærri um FM-kappingina: HER 

TALVSAMBAND FØROYA

Myndir: Sanna Djurhuus

 

 

Familjumaður, ein son, góða útbúgving og arbeiði. Sera væl dámdur av næmingum, telvarum – ja, øllum, sum á ein hvønn hátt gjørdust partur av talvinum, har hvør leikur ikki var ein spurningur um at flyta, men ein spurningur um rætta innihaldið.

 

Nøgdsemi, gleði og tankar og visiónir um, hvussu endaspælið varð telvað á frægasta hátt og visiónir um, hvussu føroysk telving kundi mennast enn meiri.

Men ikki minst hevði hann prógvað, at hann var ein hin sterkasti telvarin í Føroysku talvsøguni.
Tíðin gekk undan. Ekki.Vónloysi. Telvarar reistust frá borðunum.
Tíðin fór.
Klokkan varð steðgað.
Ein ófatilig tragedia, at eitt vunnið talv soleiðis varð kolldømt. Lagnan og lívsins órannsakiligi veruleiki tók yvir.
Vit heilsaðu og søgdu tær farvæl sólskinsdagin norðuri í Klaksvík, har prestur við vælvaldum orðum lýsti lívsleiðina, las upp yrking frá Steintóri Rasmussen og heilsan frá Klaksvíkar Talvfelag, næmingar heilsaðu og har Eyðun Nolsøe sang “Ljós”, umframt kórsang. Mannfjøldin var stór.
Ein vøkur og fløvandi løta, tá sorgin var næst.

 

 

 

   

 

.

Tveir mánaðir eftir at Heini varð borin í heim, tóku menn seg saman at stovna Talvsamband Føroya. Onki visti man um hetta samanfall tá. Telvað hevði verið í langar tíðir í Føroyum, men nú skuldi koma skil á. Og tað kom tað. Í dag, afturlítandi, hóma vit ein samanhang – eina nýggja byrjan.

Passiónin og nærlagni, har tað hevði týdning at kenna bakrundina, lesa og studera talv, kom rættiliga til sjóndar við Heina, sum flutti av Eiði til Klaksvíkar 10 ára gamalur.

 

Klaksvíkar Talvfelag, við eldsálini Peturi Hans á odda, kom av álvara á vinnarakós við nærlagna unglinginum, sum uttan iva var

viðvirkandi til fyrsta FM-heitið fyri lið hjá Klaksvíkinum í 1988 

       

 

 Ein inspirator av aðrari verð, sum umframt hansara egnu 5 FM heiti fyri eintaklingar, til miklan stoltleika, fyri Klaksvíkina, eisini fekk vinmennirnar Steintór, Eyðun og Rana at trúgva uppá egnan mátt og megi, til tess at náa FM-tindarnar. Kapasitetur, sum ger mun.

   

 

 

 

 

 Sera, sera stoltur var hann, tá tað eyðnaðist Føroyum at gerast besta smátjóðin í talvi í Evropa 2009. Gull. Umframt John, var hann umgirdur av unglingum, Helga, Rógva og Hjalta. Stundum stóð nógv á hjá teim yngru, men hansara positiva lyndi fekk teir at fokusera og ikki minst at trúgva uppá at tað ber til. Tað bar til. Og Heini ressaðist av álvara.

       

 

 Løtan er til stórar visiónir.

 

Detaljurnar vóru Heina næstar. Óansæð um talvið var vunnið ella tapt, so varð hvør leikur endavendur fleiri ferðir. Passiónin var eyðsýnd.

 

Eitt talv er ikki eitt talv, men á einhvønn hátt eitt listaverk. Tí vitugur sum hann var, var ein søga handan – nærum – einhvønn leik og einhvørja støðu.

 

Seinasta dømi um alstóru vitanina innan telvingina bleiv staðfest í Reykjavik Open 2010, har telvarar ógvaðust við vitanina hjá Heina, sum hevði æruna av sigri í spurnarkapping innan talv, við 29½ av 30 møguligum.

 

Gunnar Bjørnsson, talvforseti Íslands, heilsar Føroyum við samkenslu og sum varð kunngjørd íslendska talvumhvørvinum: “Deepest condolence from me and the Iceland chess society to Faroe chessplayers and his family”.

 

 

     

 

 Tað er ikki bert í nærumhvørvinum at skelkurin er stórur. Heini er væl kendur í altjóða talvheiminum, har telvað hevur verið í ótal av altjóða kappingum. Ikki minst hevur OL-luttøkan í 1988, 1992, 1996, 2000, 2002, 2008 verið til miklan sóma fyri Føroyar: 69 talv: 23 sigrar, 27 javnleikir og 19 tap – ein skora uppá heili 53%.

 

Og heimsins besti telvari nakrantíð, Garry Kasparov, hevði ivaleyst undan telvingini kannað eftir og staðfest, hvar ein ikki skal fara í hólmgongu, tá hann telvdi fjøltalv ímóti føroyska landsliðnum. Heini telvdi tryggan javnleik, har heimsmeistarin staðfesti, at fyrireikingin var optimal hjá Heina. Onki at koma eftir. Remis.

 

 

 

 

 

 

 

 

 Vit standa øll í brattlendi og langt er á mál, men mín inniliga vón skal verða, at vit hvør í sínum lagi, styðja hvønn annan uppá slætt. Tí tá komið er uppá slætt, fáa vit útsýnið aftur. Vit síggja allar detaljurnar, leikirnar, menniskja og telvaran, Heina Olsen.

 

Góða Nikolina, Høgni, Poul Andrias, Rógvi, Wille, foreldur og familja.

 

Telvarar drýpa høvur í djúpari sorg, sakni og virðing um Heina og tann stóra týdning hann hevur havt fyri føroyska telving.

 

       

 

 

Eins nívandi sorgin og saknurin er, eins varandi verður minnið um Heina Olsen.

 

Jógvan Joensen

forseti

Talvsamand Føroya

   

 

 

 

 

 

 

 

 

 

     

 

Finalan flutt

FM FINALAN 2010 í liðkappingini fyri skúlaungdóm, verður telvað í Kollafjarðar skúla, ….dagin X. juni, kl. 14.00.

Kappingin er skipað í tveimum aldursbólkum: 4 fl. og yngri og 5. fl. og eldri, har fýra telvarar manna liðini, umframt evt. í mesta lagi 2 skiftisleikarar.

Innleiðandi kappingar hava verið í Klaksvík og Kollafirði. 

Við støði í innleiðandi úrslitunum, eru liðini, sum telvað um FM-heitið hesi (stigatal):

4. flokkur og yngri: Havnin (42), Kollafjørður (38½), Klaksvík (33½). 

5. flokkur og eldri: Havnin (36½), Sandavágur (32½), Klaksvík (31).

Heiðursmerki verða latin liðunum í hvørjum aldursbólki, umframt ognarsteyp til vinnandi FM liðini.

Í opnu kappingini telva hesi liðini:

4. flokkur og yngri: Sandavágur (19), Viðareiði (14½), Havnin2 (11), Kollafjørður3 (7½), Kollafjørður2 (6)

5. flokkur og eldri: Kollafjørður1 (21½), Kollafjørður2 (14), Kollafjørður3 (10), Kollafjørður4 (½)

Í opnu bólkunum verða heiðursmerki latin trimum teim bestu liðunum í hvørjum aldursbólki. Lið, sum ikki vinna heiðursmerki, verða somuleiðis heiðraði við minnisluti.

Tilmelding

Seinasta freist at melda luttøku er …..dagin x. juni, á middegi, á telefon 794722/319472 ella á teldupost-adressu: jogvan@kallnet.fo.

Upplýsið navn á liði (skúli/felag) og aldursbólk. 

Lið, sum ikki hava luttikið innleiðandi, eru vælkomin at luttaka í opnu kappingunum í finalu-umfarinum.

Sí nærri um FM-kappingina: HER 

TALVSAMBAND FØROYA

 

Vegna serligu umstøðurnar, verður FM FINALAN 2010 í liðkappingini fyri skúlaungdóm, sum lýst varð, at verða telva komandi sunnudag í Kollafjarðar skúla, útsett.

 

Steypakapping/Talvgalla 2010, sum ásett var at verða 22. mai við Gjógv, er fyribils útsett. Sama er galdandi fyri Grand Prix finaluna.

Nærri kunning kemur seinni.

FM finalan í liðkappingini fyri ung verður telvað 30. mai í Kollafirði.

Vegna nevndina

Jógvan Joensen, forseti