Talvsamband Føroya Faroechess
Talvið hjá John Rødgaard móti Togo
Tíðindi
Viðmerkt talv John R. Georgia
Talvið hjá John Rødgaard móti Georgia
Talv OL – 5. umfar
Viðmerkt talv HDZ Georgia
Talvið hjá Helga móti Georgia.
Talv OL – 4. umfar
Talv OL – Triðja umfar
Frásøgn + myndir 3. umfar trýst her
Talv OL – annað umfar
Dysturin móti Togo gjørdist væl lættari enn væntað. Føroyska liðið var snøgt sagt nógv betri og hølvaði
Togo av 0 – 4 !
Tað var ongantíð ivi um úrslitið, til tað var Togo alt ov veikt lið.
John Rødgaard vann heilt skjótt eitt lætt talv, meðan hinir fylgdu eftir so hvørt, tíðin gekk.
Hjá Togo var talan um fyrsta landsdyst nakrantíð, og tað sást týðuliga.
Byrjanin hevur sjáldan – um nakrantíð – verið betri, men komandi umførini kann væntast sterkari mótstøða.
Inntil víðari kunnu vit so bert fegnast um góðu gongdina og vónandi eru útlit fyri einum tí besta úrslitinum
nakrantíð. Tó skal nevnast beinanvegin, at danska orðatakið "højt at flyve, dybt at falde" eisini er galdandi
fyri talv, og eingin skal kanna sær bitan, áðrenn hann er svølgdur.{jcomments on}
Talv OL – Annað umfar
Togo menninir hava eingi ratingtøl og landið er nýggjur limur í FIDE, so tað er ikki lætt at fyrireika seg.
Afrikansku londini hava oftani ikki somu møguleikar sum onnur at fyrireika telvararnar,
og eisini verða kappingarnar ikki skrásettar hjá FIDE, ti hettar kostar.
Tí kann tað henda seg,at Togo er nógv sterkari enn væntað – nakað sum Sudan -, men hóast tað eiga Føroyar at vinna dystin.
2. umfar byrjar kl. 13 føroyska tíð, og fylgjast kann við Live á internetinum via heimasíðuna hjá fyrireikarunum.
Føroyska liðið 2. umfar:
IM John Arni Nilssen
IM John Rødgaard
Jóan Hendrik Andreasen
Rógvi Egilstoft Nielsen
{jcomments on}
1. umfar: Føroyar 2½ – Sudan 1½
Sudan liðið var væl fyrireikað, og telvaðu teir skjótt og hegnisliga fyrstu leikirnar. Serliga mótstøðumaðurin hjá Jóan Hendrik var í hopla við hvíta fólkinum, og eftir ein lítlan óneyvleika frá svørtum vendist ikki aftur.
Á hinum borðunum sá heldur ikki alt ov gott út, men tíbetur fekk John Rødgaard sigur til høldar rímuliga skjótt og fekk rættað kósina.
John Arni vann ein rók fyri riddara og finnu á øðrum borði, men hetta gav ikki meira enn javnleik, ið kanska enntá var meira enn uppiborið.
Á fyrsta borði fekk Helgi við hvíta fólkinum ikki ta allarbestu byrjanina, men tíbetur dugdi svartur ikki at gagnnýta fyrimunin, og sum frá leið koppaði talvið á hin bógvin, og Helgi vann tá sannførandi.
Ein 2½ – 1½ kravsigur móti veikari mótstøðu, men Sudan telvaðu væl betur enn væntað, og kundi úrslitið lættliga verðið annaðleiðis. Tað er nú heldur ikki oftari enn so, ta føroyska talvlandsliðið leggur frá landi við einum sigri, so samanumtikið verður svøvnurin søtur !
John Rødgaard hevur viðmerkt sítt talv frá 1. umfari, og tad kann lesast við at trýsta á her: viðmerkt talv frá 1. umfari.
Fleiri myndir kunnu síggjast á myndasavninum: trýst her.
Talv OL – Fyrsta umfar
Á undanfarnum Olymypiadum hava Føroyar oftani møtt onkrum top-10 landi í fyrsta umfari, men hesa ferð er liðið at meta sum stórfavorittur.
Við einari miðalrating uppá 2364, er hetta sterkasta føroyska talvlandsliðið nakrantíð.
Sammett við favorittarnar er tað tó lítið av miklum, Rusland er nr. 1 við miðaltalinum 2769, Ukraine 2730 og Armenia 2724.
Av norðanlondum er Svøríki styrkismett nr. 34 (2555), Danmark 39 (2527), Ísland 51 (2490) og Finland 52 (2487).
Á heimasíðuni hjá Talvsambandi Føroya www.faroechess.com verða fleiri myndir lagdar út, og eisini fara telvararnir skiftandi at viðmerkja okkurt talv.
Úrslit, paringar og støður eru at finna á www.chessolympiadistanbul.com
Føroyska liðið móti Sudan:
IM Helgi D. Ziska 2469 IM John A. Nilssen 2372 IM John Rødgaard 2354 Jóan H. Andreasen 2260