Jøvn byrjan

Tað gongur javnt á millum A-liðini hjá teimum trimum stóru talvfeløgunum í fremstu deildini í føroysku landskappingini. 

 

Havnarmenn hava lagt seg á odda eftir fyrstu tvey umførini, men stutt er millum Havnina, Sandavág og Klaksvík.

 

Ikki fyrr enn oddaliðini hittast í innanhýsis dysti, fæst ein ábending um, hvussu jøvn liðini eru.

 

Helgi Dam Ziska og Havnar Telvingarfelag hava lagt seg á odda í landskappingini.

 

 

Havnin og Sandavágur gjørdu aftur bart í øðrum umfari sunnudagin. Bæði vunnu stórsigrar; bara eitt hálvt stig var mist. Afturímóti noyddist A-liðið hjá klaksvíkingum at lata sær lynda javnleik móti øðrum liði hjá vágamonnum. Óvæntaða borðúrslitið var, at Jónfinn Thomsen – sum miðskeiðis í 70-unum var stóra vónin hjá Gøtu Talvfelag – koppaði Terja Petersen. Klaksvíkingar vóru greiðir ratingfavorittar á øllum fýra borðum, so javnleikurin mundi kennast teimum heldur enn ikki snópin.

 

Havnarmenn og sandavágsmenn høvdu eina broyting hvør í mun til liðið, sum telvaði í fyrsta umfari. Hjá vágamonnum loysti Torkil Nielsen av Jón í Horni Nielsen, og hjá Havnini var Martin Poulsen við fyri Carl Eli Samuelsen.

 

 

 

2. Umfar tann 2023/10/15 kl. 14:00
Bo.	6	Sandavágs Talvfelag 1	Rtg	–	4	Havnar Telvingarfelag 2	Rtg	3½: ½	PGN
1.1	FM	Egilstoft, Rogvi	2245	–		Hansen, Herluf	1960	1 – 0	PGN
1.2	FM	Nielsen, Hogni Egilstoft	2386	–		Berg, Margar M.	1895	1 – 0	PGN
1.3		Eydsteinsson, Silas	2078	–		Jacobsen, Heidrikur T.	1858	½ – ½	PGN
1.4		Nielsen, Torkil	2069	–		Joensen, Ossur	1787	1 – 0	PGN
Bo.	5	Klaksvíkar Talvfelag 2	Rtg	–	3	Havnar Telvingarfelag 1	Rtg	½ :3½	PGN
2.1		Nolsoe, Rani	2004	–	GM	Ziska, Helgi Dam	2549	0 – 1	PGN
2.2		Olsen, Wille	1958	–	FM	Poulsen, Martin	2289	0 – 1	PGN
2.3		Gregersen, Hedin	1957	–		Apol, Luitjen Akselsson	2152	½ – ½	PGN
2.4		Gaard, Ingolf	1953	–		Thorsteinsson, Sjurdur	2148	0 – 1	PGN
Bo.	1	Sandavágs Talvfelag 2	Rtg	–	2	Klaksvíkar Talvfelag 1	Rtg	2 : 2	PGN
3.1		Atlason, Jon	1850	–		Simonsen, Olavur	2190	½ – ½	PGN
3.2		Wiberg, Ingi	1762	–		Nolsoe, Eydun	2165	0 – 1	PGN
3.3		Thomsen, Jonfinn	1763	–		Petersen, Terji	2031	1 – 0	PGN
3.4		Petersen, Johnny	1755	–		Baldursson, Rani	2005	½ – ½	PGN

Støðan í 1. deild

Rk.	Lið	1a	1b	2a	2b	3a	3b	4a	4b	5a	5b	6a	6b	TB1	TB2
1	Havnar Telvingarfelag 1	*	*							4		3½		7,5	4
2	Sandavágs Talvfelag 1			*	*			3		3½				6,5	4
3	Klaksvíkar Talvfelag 1					*	*	2				4		6	3
4	Sandavágs Talvfelag 2			1		2		*	*					3	1
5	Havnar Telvingarfelag 2	0		½						*	*			0,5	0
6	Klaksvíkar Talvfelag 2	½				0						*	*	0,5	0

Hinar deildirnar

 

Kollfirðingar, sum í fjør fluttu úr 1. deild í 2. deild, hava longu lagt seg á uppflytingarkós. Við fyrrverandi føroyameistaranum Hans Kristiani Simonsen sum oddamanni, vunnu teir sunnudagin annan dystin á rað. 

 

Kollafjørður A – Havnin B 2½ – 1½

Kongshavn – Havnin A 2 – 2

Kollafjørður B – Klaksvík 1½ – 2½

 

1. Kollafjørður A 5½

2. Kongshavn 5

3. Havnin A 4½

 

Rókur er fremst í 3. deild eftir tvey umfør. Eitt bland av teimum, sum fyrr mannaðu Streym og Hósvík – við Martini Brekká sum oddamanni – sóust á liðnum hjá Róki.

 

Gomu 1. deildarliðini Vestmanna og Gøta telvaðu javnt sínamillum.

Vestmanna – Gøta 2 – 2

Sandavágur B – Rókur 1 – 3

Toftir – Sandavágur A  2 – 2

 

1. Rókur 6½

2. Toftir 5½

3. Sandavágur 5

 

 

 

Bæði endurstovnaða Stranda Talvfelag og nýggja felagið í Suðuroy vunnu sunnudagin í 4. deild. Suðuroyingar vunnu við fullum stigatali. Strandingar hava fingið góða byrjan og halda seg frammi í toppinum millum tey tíggju liðini í deildini.

 

Havnin – Sandavágur 4 – 0

Strendur – Gøta 3 – 1

Suðuroy – Rókur B 4 – 0

Toftir – Klaksvík A 1 – 3

Klaksvík B – Kongshavn 4 – 0

 

1. Havnin 8

2. Strendur 7

3. Klaksvík B 6

 

 

Í vikuni telva liðini í unglingadeildini sínar fyrstu dystir. Í alt níggju lið fara at kappast. Havnar Telvingarfelag og Gøtu Talvfelag hava tvey lið hvør, hini eru Klaksvík, Sandavágur, Rókur, Toftir og Strendur.

 

Teir vaksnu telva aftur um tvær vikur. Í triðja umfari verður telvað soleiðis í 1. deild 29. oktober:

Havnin (1) – Sandavágur (2)

Klaksvík (1) – Sandavágur (1)

Havnin (2) – Klaksvík (2)