Útsetti aðalfundurin verður leygardagin, aftaná Samskip Kvik

Aðalfundurin, sum skuldi vera 15. mars verður nú leygardagin kl. 18:00 í Skúlanum við Løkin í Runavík, beint aftaná Samskip Kvik (GP finaluna). 

Freistin til at senda inn uppskot til viðgerðar á aðalfundinum var 01. mars 2023, og er tí farin. Tvey uppskot eru komin frá Talvfelagnum Rókur. Hesi eru:

 

Broyting í reglur fyri FM einstaklingakappingina §11 – Landsliðsbólkur:

Landsliðsbólkurin í telur í minsta lagi 8 (í staðin fyri 10) telvarar. Bólkurin verður settur saman av teimum hægst rataðu tilmeldaðu telvarunum. Sí reglurnar v.v. hesum her.

 

Broyting í reglur fyri liðkappingina §1, §5, §6, §11, §12 og §13.

Sí broytingarnar í uppskotsskjalinum her. 

 

Framløga um menningarætlan

Umframt skránna sambært lógunum (niðanfyri) verður ein stutt framløga at hoyra um eina 3 Ára Ætlan, sum nevndin í Talvsambandi Føroya hevur arbeitt við seinasta árið. Í hesum sambandi verður lagt upp til prát og kjak um telving í Føroyum í framtíðini, avbjóðingar og møguleikar. Nevndin í TSF vónar, at við hesum verður ein støðug menningartilgongd kveikt í 2023 til frama fyri føroyska telving, telvarar og talv áhugaði.

Bjóðað verður til smyrjibreyð, kaffi og te.

 

Skrá sambært lógunum:

1. Formaðurin greiðir frá virki felagsins í farna ári
2. Framløga av grannskoðaðum roknskapi til góðkenningar
3. Nevndarval
4. Val av 2 grannskoðarum
5. Val av 2 dómsnevndarlimum
6. Innkomin uppskot
7. Limagjald
8. Ymiskt

 

Í nevndini sita:

Ingi Wiberg, formaður (stendur fyri vali)

Katrin Didriksen Apol, varaforkvinna

Herborg Hansen, skrivari (stendur fyri vali)

Tummas Joensen, kassameistari

Brandur Ellingsgaard, nevndarlimur

 

 

Møtið fjølment !
Nevndin