Talvsamband Føroya Faroechess
Grand Prix kappingin 2019/20 er av. Luttøkan í teimum 10 kappingunum hevur samanumtikið verið góð. Í miðal hava 30 luttakarar verið til hvørja kapping. Samanlagt hava heili 125 telvarar luttikið í teimum ymisku kappingunum, sum uttan iva er met.
Tað hevur gingið upp og niður við luttøkuni til Grand Prix kappingarnar. Fyrstu árini vóru nógvir luttakarar, síðani var eitt tíðarskeið, har luttøkutalið var heldur soltið. Nú sær út til, at kappingarnar blíva betur og betur umtóktar aftur. Serliga eru tað teir ungu telvararnir, sum møta trúliga upp til kappingarnar.
Fyri at luttaka í samlaðu Grand Prix kappingini, so skal mann minst telva við í 5 av teimum 10 kappingunum. Nógvir ungir telvarar kláraðu hetta kravið, men tíverri var eingin telvari yvir 30 ár, sum telvaði 5 kappingar. Hetta má gerast betur til komandi kappingarár.
Eins og við øllum øðrum tiltøkum, so hevur Coronavirusið ávirkað telvingina síðstu tíðina. Avgerð bleiv tikin um, at tvær tær síðstu kappingarnar skuldu telvast á netinum. Hetta eydnaðist sera væl. Til tað einu kappingina vóru heili 76 luttakarar.
Tá finalan bleiv telvað á netinum, so var sjálvandi ikki møguligt at hava nakra handan. Handanin verður í samband við síðsta umfar í liðkappingini ella steypakappingina.
Vinnararnir av Grand Prix kappingini 2019/20 gjørdist hesir:
Nr. 1 Rógvi Egilstoft 31 stig
Nr. 2 Høgni Egilstoft Nilesen 29,5 stig
Nr. 3 Luitjen Akselsson Apol 24 stig
Ratingsvirðislønir:
Bólkur A: Jón í Horni Nielsen 8 stig
Bólkur B: Rógvi Mørkøre 1 stig
Bólkur C: Elias Petersen 3,7 stig
Øll úrslitini kunnu síggja her: Úrslit
Úrslitini av hvørjari einstakari kapping eru at finna her: Kappingar
Talvsamband Føroya
