Talvsamband Føroya Faroechess
1974/75
Hetta er kappingarárið, sum onkursvegna er dottið burtur ímillum. Vit vita ógvuliga lítið.
Talvritstjórin á Dimmalætting var givin, og sostatt helt mestsum øll almenn umrøða av kappingini uppat. Í hinum miðlunum er næstan einki at síggja.
Í sínum seinasta talvteigi í Dimmalætting hin 19. september 1974 skrivar Gunnar Reynslág, at nú byrjar nýggj landskapping. Vit fáa at vita hvørji lið eru í hvørjari deild.
Í C-deildini og unglingadeildini eru liðini so nógv, níggju í C-deildini og tíggju í unglingadeildinini, at gingið verður frá dupultumfari. Umførini í C-deildini eru tí átta, og í unglingadeildini níggju. Í ovaru deildunum eru liðini fimm. Tey telva úti- og heimadystir – umførini eru tí sum vant átta í alt.
Fyrsta umfar er 22. september 1974, og so endar kappingin um miðjan januar 1975.
Tað seinasta, sum vit finna um hesa kappingina, er ein stubbi í Tíðindablaðnum 13. desember 1974. Tá líður væl í kappingini.
Har stendur, at í A-deildini er Havnin greitt á odda. Teir hava eftir seks umfør 17½ stig, og eitt niðurlagt talv. Tá eru tveir dystir eftir.
A-deildin (støðan um ársskiftið 1974/75)
Havnin 17½ stig (seks umfør – eitt niðurlagt)
Gøta 10 stig (seks umfør – trý niðurløgd)
Klaksvík 8 stig (seks umfør)
Vestmanna 6½ stig (fimm umfør – trý niðurløgd)
Kollafjørður 6 stig (fimm umfør – trý niðurløgd)
B-deildin (støðan um ársskiftið 1974/75)
Miðvágur 15 stig (seks umfør – eitt niðurlagt)
Havnin 12½ stig (seks umfør – trý niðurløgd)
Kollafjørður 11 stig (fimm umfør – tvey niðurløgd)
Sandavágur 8 stig (seks umfør – trý niðurløgd)
Gøta 4½ stig (fimm umfør – eitt niðurlagt)
C-deildin (støðan um ársskiftið 1974/75)
Havnin 15½ stig (sjey umfør – trý niðurløgd)
Miðvágur 13½ stig (seks umfør – trý niðurløgd)
Kollafjørður 12½ stig (seks umfør)
Vestmanna 12 stig (seks umfør – fýra niðurløgd)
Sandavágur 11 stig (fimm umfør – eitt niðurlagt)
Eiði 10 stig (fimm umfør)
Strendur 10 stig (seks umfør)
Toftir 9 stig (fimm umfør)
Gøta 6 stig (fimm umfør)
Unglingar (støðan um ársskiftið 1974/75)
Havnin 25½ stig (sjey umfør)
Toftir 13½ stig (seks umfør)
Gøta 13½ stig (seks umfør)
Vestmanna 13½ stig (seks umfør)
Kollafjørður 13 stig (seks umfør)
Sandavágur 9½ stig (seks umfør)
Miðvágur 7 stig (seks umfør)
Eiði 5½ stig (fimm umfør)
Strendur 5 stig (seks umfør)
Í almenna FM-yvirlitinum sæst, at Havnin vann A-deildina, Miðvágur B-deildina, Vestmanna C-deildina og Havnin unglingadeildina.
Miðini munnu vera elsta gerðarbók Talvsambandsins (sum ikki er tøk í løtuni) og graverað yvirlit á ferðasteypum.
