Talvsamband Føroya Faroechess

Fyrsta barnakappingin í hesum talvárinum var hildin á Eiði sunnudagin 1. oktober, og heili 18 lið vóru við. Talan var um eina kvik-kapping, har ið 4 børn vóru á hvørjum liði, og 5 umfør vóru telvað. Fleiri av børnunum høvdu ongantíð telvað kapping fyrr, men hýrðurin var góður, og øll vóru ágrýtin. At eini 75 børn luttaka, berur góðar vónir um komandi talvár,

  Sunnudagin 1. oktober verður liðkapping fyri børn í Hólmahúsinum á Eiði. Kappingin byrjar kl. 13:30.   4 børn telva á hvørjum liði, og kunnu liðini hava upp til 2 útskiftarar við. 5 umfør verða telvað. Talan er um kvik-talv, har ið børnini brúka klokku og fáa 10 minuttir í part til talvið, umframt, at fyri hvønn leiktan leik verða 5 sekund lagt afturat klokkuni.

  Árligi kappingarkalendarin hjá Talvsambandinum er nú komin. Hann er fullur av tiltøkum, sum verða skipaði av talvfeløgunum kring landið. Undirtøkan er góð á hvørjum ári, og er tí talið av kappingum støðugt vaksandi. Serliga er at gleðast um tær heili 17 barnavinarligu kappingar á skránni. Tann fyrsta verður longu nú, komandi vikuskifti á Eiði.

Árligi talvdysturin ólavsøkuaftan á tíggju borðum millum Havnar telvingarfelag og Klaksvíkar Talvfelag var sum vant í hølum Havnar Telvingarfelags ovast á Finsen eftir kappróðurin í gjár. Hesaferð vunnu havnarmenn. Úrslitið var 6½ – 3½.

Úrslitini í FM-kappingini í talvi um páskirnar síggjast aftur í spildurnýggja styrkilistanum, sum altjóða talvsamgongan FIDE hevur kunngjørt um mánaðarskiftið.   Onkur gongur fram, annar aftur. Vit síggja, at Høgni Egilstoft Nielsen hevur aftur togað seg uppum 2400-markið, bróðirin Rógvi er komin fyri seg aftur eftir laka úrslitið í FM-einstaklingakappingini í fjør, vánaliga FM-úrslitið hjá Olaf Berg á páskum verður kontant avroknað í nýggja mai-yvirlitinum, góða FM-úrslitið hjá Carl Eli Samuelsen sæst aftur, o.s.fr.

Sunnudagin vóru 2 tey seinastu umførini av NM fyri gentur telvað á hesum sinni. Føroysku genturnar hava telvað væl, og lært so nógv við at hava verið við í sterku kappingini. 2 stig komu til høldar til Føroyar, og má sigast at vera eitt flott avrik frá tveimum teimum yngstu luttakarunum í U13 bólkinum. Bæði stigini vann Lisa J. Xin okkum í gjár.

Í dag vóru 2. og 3. umfar telvað í NM fyri gentur 2023. Í 2. umfari møtti Natasja Mørkøre finsku Mehr Bhaumik (1208 í ratingstigum). Natasja kom væl frá byrjanini, og telvaði trygt og væl líka inntil 18. leik. Tá yvirsá hon hvussu