Tilmelding til liðkappingina 2023/2024

Hervið verða feløgini biðin um at tekna lið til liðkappingina 2023/2024.

Hesi feløg hava lið í:

1. deild: Sandavágur 1, Havnin 1, Klaksvík 1, Klaksvík 2, Havnin 2 og Sandavágur 2 (flutt upp úr 2. deild).
2. deild: Kollafjørður 1 (flutt niður úr 1. deild), Klaksvík 3, Havnin 3, Kollafjørður 2, Havnin 4 og Kongshavn 1 (flutt upp úr 3. deild).
3. deild: Vestmanna 1 (flutt niður úr 2. deild), Rókur 1, Toftir 1, Sandavágur 3, Kollafjørður 3 og Gøta 1 (flutt upp úr 4. Deild).

Harumframt verða feløgini biðin um at tekna lið til kappingina í 4. deild og unglingum.

 

Tilmeldingarfreisin er fríggjadagin 29. september 2023, so vinarliga sendi kappingarleiðaranum tilmeldingarnar áðrenn ta tíð.

Umráðandi er eisini, at feløgini senda inn styrkilistar sínar.  Á styrkilistanum skal upplýsast fyri hvønn einstakan telvara: Navn, føðidato og teldupost.

Eisini skal upplýsast hvør er liðformaður fyri tey ymsu liðini, umframt kontaktupplýsingar fyri viðkomandi (navn, tlf. og teldupostbústað).

Ætlanin er, at liðkappingin byrjar sunnudagin 8. oktober 2023.

 

Talvini í 1.deild, 2. deild og 3. deild  skulu sendast talgilt til kappingarleidarin@faroechess.com. Ynskiligt er, at hetta eisini verður gjørt í 4. deild og unglingum. 

 

Við talvkvøðu,

TALVSAMBAND FØROYA

Rógvi Egilstoft, kappingarleiðari

kappingarleidarin@faroechess.com

Tlf. 271404