Talvsamband Føroya Faroechess
Rógvi Egilstoft Nielsen við í Rilton Cup
Trýst á her: Ferðafrásøgn Rilton Cup
Seinastu Tíðindini
Mørkini førkast rætta vegin – 2013, eitt sera gott talvár
Skulu nakrar hendingar takast framum aðrar, kemst ikki uttanum IM Helga Dam Ziska, sum fekk sín fyrsta GM-norm í Riga. Helgi hevur seinastu árini verið ein sonn fyrimynd hjá telvarum, og hevur hann eisini vunnið føroyskari telving virðing millum manna.
IM John Rødgaard telvaði landsdyst nr. 200 móti Íslandi. John hevur verið ein hollur stuðul í føroyskari telving í mong ár, og fastur fúsur á talvlandsliðnum. Einki annað ítróttarfólk í Føroyum hevur umboðað sítt land oftari enn John, og tað er enn sjón fyri søgn, at laðað verður víðari á hendan serliga varðan í føroysku talvsøguni.
 |
Landsdysturin móti Íslandi í summar vísti greitt, at breiddin í føroyskari telving avgjørt stendur mát við tað vit – hóast fáment – kunnu vænta og vónað.
 |
Small Nations í Monaco var krúnan á verkinum, har føroyingar skúgvaðu alla mótstøðu til viks og vunnu kappingina áðrenn síðsta umfar varð telvað. Einasta tapið varð móti Andorra, meðan allir hinir dystirnir vórðu vunnir við minst 3 – 1 ! Sum siður er til hesa kapping, var ein unglingi við á talvlandsliðnum. Unglingin úr Sandavági, Høgni E. Nielsen, varð enntá toppskorari á 4/5 borði, so framtíðin er í góðum hondum. Sum forsetin hjá talvsambandinum í Andorra sorgblítt tók til: "Tit hava eitt alt ov ungt lið – vit fara ongantíð at vinna aftur".
 |
Slík einastandandi góð úrslit vóru júst eitt av aðalmálunum hjá Jákup Thomsen, fyrsta forseta og ein av stovnarum Talvsambandsins – at fáa føroyska telving at gera vart við seg uttanfyri landoddarnar. Við stovnanina í 1970 varð lagt til brots, at fáa Talvsambandið innlimað í altjóða talvsambandið FIDE. Jákup Thomsen andaðist 17. oktober 2013. Føroysk telving sýnir takksemi fyri hansara hegni og áhaldni. Ærað verið minnið hansara.
Komandi ár verðuraftur nógv á skránni. Serliga forkunnugt fyri okkum føringar og norðurlendingarverður OL í Tromsø. Norðurlond seta á ein hvønn hátt dagsskránna í hesum døgum, nú eisini Magnus Carlsen gjørdist heimsmeistari.
Ætlanin er eisini at gera meira við barnakappingar og at senda luttakarar til EM/VM fyri børn og ung í 2014.
 |
 |
Hjartans tøkk øll tit, ið hava tikið tøk í 2013, føroyskari telving at frama, talvfeløgini, telvarar,stuðlar, Føroya Løgting, og annars øll tit, ið á ein hvønn hátt vara av.
Við tykkara framhaldandi ídni, verður við árræði og treysti lagt til brots, at menna føroyska telving enn meir í 2014.
Gott nýggjár.
Við talvkvøðu,
Finnbjørn Vang, talvforseti
FM-Snar 2013 úrslit
Place Name Feder Rtg Loc Score M-Buch. Buch. Wins Berg. Progr. 1 Helgi Dam Ziska 2476 17.5 73.0 94.0 9 183.00 89.0 2 Torkil Nielsen 2108 13 73.5 99.0 6 127.50 59.0 3 John Rødgaard 2356 12.5 75.5 102.5 6 133.50 65.5 4 Høgni E. Nielsen 2119 11 72.5 94.0 5 92.75 58.5 5-7 Ólavur Simonsen 2211 10.5 74.0 98.5 3 103.50 57.0 Finnbjørn Vang 2013 10.5 69.0 93.0 4 86.25 58.5 John Joensen 1823 10.5 61.0 78.0 4 78.00 43.0 8-9 Hjalti T. Jógvansson 1918 10 70.5 93.5 3 91.25 51.0 Carl Eli N. Samuelsen 2147 10 70.0 90.0 4 86.00 53.0 10 Jákup á R. Andreasen 1935 9.5 62.0 83.0 4 65.75 49.5 11-12 Ingolf Gaard 1857 9 58.0 79.5 3 63.00 42.0 Brandur Højgaard 1661 9 56.5 71.0 3 64.00 40.5 13-15 Margar Berg 1793 8.5 60.0 77.5 3 66.50 44.0 Rógvi M. Olsen 1705 8.5 58.0 74.5 3 57.25 39.5 Símun Skorastein 1486 8.5 48.0 62.0 3 46.75 33.5 16-18 Sigurð B. Justinussen 1951 8 65.5 91.0 3 72.75 47.0 Herluf Hansen 2009 8 61.5 76.0 4 53.25 42.5 Terji Petersen 1995 8 59.5 78.0 3 62.25 43.5 19-20 Súni Jacobsen 1805 7 62.0 76.0 2 45.00 39.0 Esbern Christiansen 1690 7 55.5 69.5 2 43.75 34.0 21 Óli Joensen 1600 6.5 50.5 64.5 2 47.25 36.5 22 Eli W. Finnson 1399 5.5 49.5 63.0 1 35.25 21.0 23 Herborg Hansen 1767 4 57.0 71.5 2 20.50 20.0 24 Janus Skaale 1414 3.5 51.0 64.5 2 20.00 13.0
Cross Table
No Name Feder Rtg 1 2 3 4 5 6 7 8 9 1. Helgi Dam Ziska 13:2.0 6:2.0 10:2.0 2:2.0 7:2.0 5:2.0 3:2.0 12:1.5 11:2.0 2. John Rødgaard 14:1.5 11:2.0 5:1.5 1:0.0 4:2.0 6:2.0 7:1.5 3:1.0 12:1.0 3. Ólavur Simonsen 15:2.0 10:.5 6:1.0 12:2.0 5:1.0 11:2.0 1:0.0 2:1.0 4:1.0 4. Carl Eli N. Samuelsen 16:2.0 7:1.0 9:2.0 5:0.0 2:0.0 15:2.0 6:0.0 13:2.0 3:1.0 5. Høgni E. Nielsen 17:2.0 12:1.5 2:.5 4:2.0 3:1.0 1:0.0 16:2.0 6:0.0 8:2.0 6. Torkil Nielsen 18:2.0 1:0.0 3:1.0 14:2.0 9:2.0 2:0.0 4:2.0 5:2.0 7:2.0 7. Finnbjørn Vang 19:2.0 4:1.0 12:1.0 8:2.0 1:0.0 21:2.0 2:.5 18:2.0 6:0.0 8. Herluf Hansen 20:.5 14:1.5 13:2.0 7:0.0 16:0.0 23:2.0 12:0.0 17:2.0 5:0.0 9. Terji Petersen 21:1.5 20:2.0 4:0.0 10:1.0 6:0.0 14:1.0 18:0.0 19:1.5 24:1.0 10. Sigurð B. Justinussen 22:2.0 3:1.5 1:0.0 9:1.0 11:1.0 16:0.0 13:1.0 20:1.5 14:0.0 11. Jákup á R. Andreasen 23:2.0 2:0.0 18:1.5 15:1.0 10:1.0 3:0.0 19:2.0 16:2.0 1:0.0 12. Hjalti T. Jógvansson 24:2.0 5:.5 7:1.0 3:0.0 20:2.0 13:1.0 8:2.0 1:.5 2:1.0 13. Ingolf Gaard 1:0.0 21:2.0 8:0.0 18:2.0 15:1.0 12:1.0 10:1.0 4:0.0 17:2.0 14. John Joensen 2:.5 8:.5 17:2.0 6:0.0 22:1.5 9:1.0 20:1.0 15:2.0 10:2.0 15. Súni Jacobsen 3:0.0 22:1.0 24:2.0 11:1.0 13:1.0 4:0.0 23:2.0 14:0.0 20:0.0 16. Margar Berg 4:0.0 19:1.5 20:1.0 21:1.0 8:2.0 10:2.0 5:0.0 11:0.0 22:1.0 17. Herborg Hansen 5:0.0 24:1.0 14:0.0 22:0.0 23:1.5 20:0.0 21:1.5 8:0.0 13:0.0 18. Rógvi M. Olsen 6:0.0 23:2.0 11:.5 13:0.0 24:1.0 22:2.0 9:2.0 7:0.0 19:1.0 19. Esbern Christiansen 7:0.0 16:.5 23:2.0 20:1.0 21:0.0 24:2.0 11:0.0 9:.5 18:1.0 20. Brandur Højgaard 8:1.5 9:0.0 16:1.0 19:1.0 12:0.0 17:2.0 14:1.0 10:.5 15:2.0 21. Óli Joensen 9:.5 13:0.0 22:2.0 16:1.0 19:2.0 7:0.0 17:.5 24:0.0 23:.5 22. Símun Skorastein 10:0.0 15:1.0 21:0.0 17:2.0 14:.5 18:0.0 24:2.0 23:2.0 16:1.0 23. Janus Skaale 11:0.0 18:0.0 19:0.0 24:1.5 17:.5 8:0.0 15:0.0 22:0.0 21:1.5 24. Eli W. Finnson 12:0.0 17:1.0 15:0.0 23:.5 18:1.0 19:0.0 22:0.0 21:2.0 9:1.0
by Swiss Perfect (TM) www.swissperfect.com
NM-hópurin úttikin
Tá ið tilmeldingin var liðug, vísti tað seg at bert tveir telvarar vóru tilmeldaðir í hvørjum av bólkunum A og C, so tað var ikki neyðugt hjá teimum at møta til kappingina. Tí var ikki neyðugt hjá teimum at telva um kvalifiseringina.
Eisini skal nevnast, at í bólki B var bert tað eina NM luttøkuplássið at telva um. Høgni E. Nielsen var í Monaco og telvaði fyri Føroyar í Small Nation tá ið úttøkukappingin var, og hevði tí ikki møguleika at luttaka. Tað bleiv avgjørt at tilluta honum tað eina plássið til NM.
Teir, sum skulu við til NM 2014, sum verður í Danmark í februar, eru:
Bólkur A:
Rúni Tindskarð Jacobsen HT
Karl Marius Dahl KTF
Bólkur B:
Høgni Egilstoft Nielsen ST
Silas Eyðsteinsson ST
Bólkur C:
Eli W. Finnson HT
Bjarki Bertholdsen KTF
Bólkur D:
Janus Skaale KTF
Ragnar Weihe ST
Bólkur E:
Leif Reinert Fjallheim HT
Jón í Horni Nielsen ST
Samlaða støðan í teimum ymisku bólkunum frá úttøkukappingini sæst niðanfyri.
Í bólki B vóru 4 telvarar og endaliga støðan gjørdist:
Nr 1 Silas Eyðsteinsson
Nr 2 Jákup Fríðrik Joensen
Nr 3 Andrias Dahl Joensen
Nr 4 Signar Petersen
Í bólki D vóru 9 telvarar og støðan eftir 7 umfør gjørdist:
Place Name Score M-Buch. Buch. Wins Progr.
1 Janus Skaale, 7 16.5 23.0 7 28.0
2 Ragnar Weihe, 6 13.5 21.0 6 23.0
3 Kaj Olsen, 5 13.5 21.0 4 18.0
4-5 Rógvi Mørkøre, 4 20.0 28.5 3 17.0
Jósef Berg, 4 18.0 26.5 3 14.0
6-7 Knút Friði Olsen, 3 21.0 28.5 2 16.0
Martin Vágsei Sivertsen, 3 19.0 26.5 2 13.0
8 Bjørn H Jacobsen, 2 17.5 24.0 1 6.0
9 Esmar Martin Hansen, 1 19.0 27.5 0 5.0
Í bólki E vóru 19 telvarar og endaliga støðan eftir 7 umfør gjørdist:
Place Name Score M-Buch. Buch. Wins Progr.
1 Leif Reinert Fjallheim, 7 21.5 30.5 7 28.0
2 Jón í Horni, 6 20.5 29.5 6 23.0
3-4 Jón Martin Midjord, 5 17.5 24.5 5 23.0
Hallgrím R. Madsen, 5 16.5 25.5 5 20.0
5-8 Benjamin Reinert Fjallhei, 4 22.0 32.0 4 18.0
Súni í Horni, 4 21.5 31.5 4 18.0
Jákup Andrias Joensen, 4 16.5 24.5 4 15.0
Luitjen Akselsson Apol, 4 16.0 23.0 4 13.0
9-11 Tóri Madsen, 3.5 20.0 29.0 3 15.5
Beinir Ólavsson, 3.5 14.0 21.0 3 9.5
Jóan Petur Jónson, 3.5 13.0 17.0 3 11.0
12-15 Jónas Sólsker, 3 19.5 24.5 3 18.0
Bjartur Dam Johannesen, 3 18.0 27.0 3 14.0
Martin Vang Vilhelm, 3 18.0 25.0 3 14.0
Gert í Húsinum, 3 14.0 18.0 3 9.0
16 Annfinn Elias Bernhardson, 2.5 14.0 19.0 2 8.0
17-19 Trygvi Weihe, 2 18.5 26.5 2 9.0
Poul Thomsen, 2 15.0 22.0 2 7.0
Lukas Petersen, 2 14.0 17.5 2 7.0
20 Fríumfar, 0 15.5 22.5 0 0.0
Vit frá Talvsambandi Føroya takka fyri luttøkuna og ynskja vinnarunum tillukku við sigrinum og teimum úttiknu ein góðan og talvríkan túr til Danmarkar.
Small Nations Monaco 4-6. umf
5. umfar í morgun gekk sum eftir ánni,har føroyska liðið vann stórsta sigurin higartil:
4 – 0 á Guernsey ! Helgi telvaði ikki við hendan dystin,men maður kemur mans stað sigst,
og Høgni Egilstoft Nielsen hevur roynst sera væl sum eykamaður.
Aftur í dag fekk Høgni ein sigur, og hevur hann nú 3 av 3 stigum. Yvirhøvur hava allir skorað væl,
Helgi hevur 4/5, John Arni 5/6, John R. 4/5, Olaf hevur 4,5/5 og Høgni 3/3.
Leggjast skal afturat umfarinum ídag, at bæði Monaco og Andorra, sum liggja næst eftir Føroyum,
taptu sínar dystir ímorgun. Tað merkir at Føroyar liggja 4 stig fremst við bert 3 umførum eftir at telva.
Um føroyska liðið ikki tapir móti Malta, og vinnur á San Marino leygardagin, er sigurin komin í hús
áðrenn torføra dystin móti Andorra sunnudagin. Enn eru ikki allar súðir syftar, men sum gongdin hevur verið
seinastu dagarnar, talar alt fyri einum góðum vikuskifti fyri føroyska telving.
Nógvir fjølmiðlar eru til kappingina í Monaco, bæði internet, sjónvarp og tíðindabløð.
Ein av teimum er Europe Echecs, har hendan greinin er um Føroyar:
Heimasíða við stigatalvu, talvum og LIVE:
Small Nations Monaco 3. umf
Kypriotar hava ein 14 ára gamlan á 1. borði, men talentið frá Kypros hevði ongan kjans móti Helga.
John Arni hevði fyrimun alt talvið og vann ein greiðan sigur á 2. borði.
John R. er ikki nøgdur ídag, hann kom væl frá fronsku byrjanini, sum hann kennir út og inn,
men fór skeivur onkustaðni í miðtalvinum. Hettar gav hvítan ein lítlan fyrimun, men tíbetur fyri John, fann kypriotin ikki bestu leikirnar, og endaði talvið javnt.
Olaf telvaði skotsku byrjanina og stóð væl alt talvið. Miðskeiðis ella væl tað, sá út sum at svartur kom fyri seg, men Olaf hevði tamarhald á opnu støðuni, og vann eitt gott talv.
'
6½ stig av 8 møguligum er ein frálík byrjan, og liggja Føroyar nú næstfremst í kappingini.
Tað ger tað heldur ikki verri, at Andorra telvaði javnt móti Malta ídag – eitt óvæntað úrslit.
Matchstig telja fyrst, síðan borðstig og seinast innanhýsis úrslit, tá ið endaliga støðan skal gerast upp.
Liðini, úrslit og støður eru her + LIVE:
| Blancs | Res | Noirs | |||
| Monaco | 4 | 0 | San Marin | ||
| Andorre | 2 | 2 | Malte | ||
| Luxembourg | 3 | 1 | Guernesey | ||
| Chypre | 0,5 | 3,5 | Iles Feroe | ||
| Liechtenstein | 3,5 | 0,5 | Jersey | ||
Small Nations Monaco 1. umf
Í ferðalagnum eru IM Helgi Dam Ziska, IM John Arni Nilssen, IM John Rødgaard,
FM Olaf Berg, Høgni Egilstoft Nielsen og Finnbjørn Vang, forseti í TSF sum ferðaleiðari.
Føroyska liðið er styrkismett nr.1 við eini miðalrating á 2380 – mesta nakrantíð
hjá føroyska talvlandsliðnum. Andorra hevur 2370 í miðalrating, og væntast kann
at vinnarin finnist millum hesi liðini.
1. umfar verður kl. 14 føroyska tíð og møta Føroyar Luxembourg.
Í dag telva Helgi, John Arni, John og Olaf.
Fylgjast kann við LIVE á netinum á heimasíðuni hjá franska talvsambandinum:
Liðini kunnu síggjast her: http://jn.fo/talv+foroyar+vid+a+small+nations+2013+i+monaco.html
Small Nations Monaco 2. umf
Helgi á fyrsta borði fekk tíðliga fyrimun í talvinum móti Phillippe Linster, og vann ein greiðan sigur.
Á øðrum borði hevði John Arni svarta fólkið móti Christian Jeitz. Talan var um eitt javnt talv, har ikki stórvegis hendi, men javnleikur við svørtum er góðtikið.
John Rødgaard møtti Fiona Steil-Antoni við hvítum. Talvið var róligt við lítlum fyrimuni til John,
men knappliga fekk svartur møguleikar og í endatalvinum var tað Fiona ið royndi at vinna.
Hóast drúgt talv, endaði tað heila við remis.
Olaf Berg telvaði eitt fínt talv við svørtum móti Claude Hoegener, og hálaði ein góðan sigur heim.
3 – 1 móti Luxembourg, sum vann seinastu kappingina í Føroyum, er eitt fínt úrslit. Hóast føroyska liðið er styrkismett væl omanfyri Luxembourg, hava tey eitt gott lið. At byrja við einum greiðum sigri í 1. umfari, er altíð ynskiligt og gevur ábendingar um, at kappingin fer at hildnast væl.
Týsdagin verður mótstøðuliðið Kypros. Telvingin byrjar kl. 14 og kann fylgjast Live her:
| Liechtenstein | ½ | 3½ | Monaco | ||
| Jersey | 0 | 4 | Chypre | ||
| Iles Feroe | 3 | 1 | Luxembourg | ||
| Guernesey | 0 | 4 | Andorre | ||
| Malte | 2½ | 1½ | San Marin |
NM úttøkukapping í Klaksvík
Kappingin verður í somu aldursbólkum sum til NM-kappingina:
A – bólkur: Telvarar føddir 1996-98 (17-20 ár)
B – bólkur: Telvarar føddir 1999-00 (15-16 ár)
C – bólkur: Telvarar føddir 2001-02 (13-14 ár)
D – bólkur: Telvarar føddir 2003-04 og (11-12 ár)
E – bólkur: Telvarar føddir 2005 og seinni. (10 ár og yngri)
Kappingin er opin fyri ØLLUM áhugaðum talvungdómi !
Byrjað verður kl. 11 í Snjøllu Bjøllu.
Kappingarskipan verður løgd eftir luttakaratalinum.
Seinasta freist at melda luttøku, er fríggjakvøldið 13. novembur 2015 kl. 21.00.
Meldið til á tlf. 24 36 37 ella tilmelding@faroechess.com – Minnist til at upplýsa føðingardag tá meldað verður til.
Í undankappingunum verða talvklokkur einans brúktar, um talvið gerst ov drúgt.
Í finaluni verða talvklokkur brúktar. Tíðin verður 20 min. + 30 sec/leik í part til hvørt talvið.
Vanligar talvreglur eru galdandi fyri kappingarnar – hesar kunnu ikki tillagast.
6 av teimum fremstu í hvørjum bólki, samanlagt eftir tvær kappingar, telva í finaluni. Dømi: telvari X luttekur í tveimum kappingum og fær 2 stig í fyrstu kapping og 2 í aðru kapping.
Samanlagt hevur telvari X fingið 4 stig. Telvari Y luttekur í einari kapping og fær 3 stig, samanlagt fær hann 3 stig. Av hesum fer telvari X í finaluna við 4 stigum.
Enda telvarar javnir í stigum, hevur telvari, ið luttekur í báðum undankappingum framíhjárætt.
Í finaluni vinna tveir teir fremstu telvararnir í hvørjum bólki sær rættindi at luttaka í Norðurlandameistaraheitinum fyri skúlaungdóm 2016 í Svøríki.
TALVSAMBAND FØROYA
Jákup Thomsen lagt kongin
Blaðungur fór Jákup at spæla kornett við Havnar Hornorkestri og kom har at kenna Ludvig Breckmann,
ið stjórnaði orkestrinum um hetta mundið.
Vinalagið førdi til arbeiðspláss og starvaðist Jákup bæði í fyritøkunum hjá Ludvigi Breckmann og
Palla Christiansen longu við realskúlalok. Gjøgnum starv sítt fekk hann høvi at vitja skrivstovuna hjá Cadbury í Birmingham
í tríggjar mánaðir, og fell enska málið honum síðani altíð lætt og raðið,
tí samskiftið var nógv og regluligt millum umboðini í Føroyum og veitararnar í Bretlandi.
Jákup var gløggur og hevði gott máloyra.
Hann varð ikki tikin í føroyskum og hevur óivað vent teim mongu ivamálunum við fróðarmonnunum
Tórarinni Evensen og Sofusi Joensen í talvhúsinum í Dr. Jacobsensgøtu,
har telvað var langt inn í næturnar í fimti og seksti árunum. Hugurin at læra fylgdi honum.
Síðst í áttatiárunum fór hann at læra seg franskt umvegis Lingafon skipanina, har næmingurin skuldi endurtaka tað,
ið kennarin segði, og var mangt undirhaldið í talvhúsinum, tá Jákup á sin serstaka hátt bar fram truplar franskar máliskur.
Tónleikurin fylgdi honum eisini alt lívið: á merkisdøgum í Havnar Hornorkestri,
sunnukvøld í Gogguni í Sjónleikarahúsinum og mikukvøld í dansiorkestrinum í Tórshøll hjá Annu Sam.
Her spældi brøðurnir Jákup og Kjeld saman við Haldini, Simma, Jákupi Luth og øðrum. Tummas Pauli, yngsti bróðurin,
útvegaði sær atgongd til dansin, hóast bert ellivu ára gamalur,
við at mutra kontrolørarnar við nýprentaðum 14. September frá prenstmiðjuni í Hornabø,
eftir at bløðini vóru latin posthúsinum.
Nógvar skemtisøgur fylgdu í kjalarvørrinum á Jákupi.
Personalefestin á skrivstovuni hjá Ludvigi Breckmann og fulltrú til spiritus á pappeskjuni til Gjaldstovuna
ganga fyri at vera sannar og lýsa, hvussu hittinorðaður hann var, og hvussu serstakt og originalt hugflog
hesin kreativi ígongdsetarin hevði.
Jákup setti føtur undir egið borð í Brøttubrekku fyrst í sjeyti árunum. Altíð var hann blíður, tá ein kom á gátt.
Har var tónleikur, talv, politikkur og ein løggur av onkrum góðum. Ikki minst á Ólavsøku, tá hann fylti.
Eg haldi, at Jákup hevði sína bestu tíð í seksti og sjeyti árunum. Hann var formaður Havnar Framburðsfelag,
tá hann og Palli fingu Óla stillaðan upp til løgtingsvalið.
Hann var formaður í Havnar Telvingarfelag, ið bygdi egið hús í R. C. Effersøesgøtu.
Eisini var hann fyrsti forseti Talvsambandsins frá 1970.
Bókin Føroysk Telving í 20. øld eftir Súna Merkisstein lýsir hetta tíðarskeiðið sera livandi.
At lítli Rubek og Jákup telvdu Føroyar til altjóða viðurkenning eftir áheitan frá heiðursmanninum Ásmundi Thomsen í Gøtu
er eitt ævintýr, ið er uppskrift til okkara tíð um, hvussu farast skal fram, tá úrslit skulu náast.
Common sense, vildi Jákup sagt.
Jákup var millum fremstu telvarar okkara. Hann telvdi á talvolympiaduliðunum í Siegen í 70, Skopje í 72,
Niece í 74 og Saloniki í 84. Hann var føroyameistari á fremsta liði hjá Havnar telvingarfelag og
frammaliga í FM-staklingakappingum. Í Sandavági í 1984, tá Torkil Nielsen vann sítt fyrsta føroyameistaraheiti,
var Jákup nr. 2 í landsliðsbólkinum.
Talvliga var hann álopssinnaður og taktiskur. At sita hinumegin talvborið var altíð ein avbjóðandi løta,
ið mangan royndist hugtung við dystarlok. Ongantíð kundi tú vita, hvat hann fann uppá, og stóð hann illa,
var hann framvegis listinlærdur. Sjáldan hevur eitt talv verið so tapt sum tað,
hann hevði móti Samsoni (lesið bókina), men Caissa hjálpti Jákupi at bjarga sær við tí ytsta av fingraneglunum.
Kongin í hornið og støðan var jøvn.
Á sjálvum gonguteiginum í Gundadali millum hondbóltshøllina og Effo varð hann ákoyrdur og illa skaddur Ólavsøkuaftan 1982.
Vorið sum føðingardagsgáva á fýratitveyára degnum. Tað tók honum drúgva tíð at koma fyri seg.
1984 fekk hann arbeiði á skrivstovuni hjá Tórshavnar Skipasmiðju. Jákup valdi at pensionera seg einans 63 ára gamalur.
Hann mundi hugsa um ráðini hjá Bobby Fisher : it doesn´t pay to be greedy. Í so máta var hann ein serstakur fólkafloksmaður.
Í aðrar mátar hevði hann eina klettatrúgv á fría initiativið. Tað kom honum ikki til hugs
at biðja um almennan stuðul til nakað, heldur ikki, tá talan var um eitt ódnartak
sum at byggja Havnar Telvingarfelag nýtt felagshús.
Hann var glaður um gongdina í føroyska talvheiminum og um sínar vinir, ið vóru við at stovna talvsambandið.
Seinastu ferð hendan nevnd var viðtøkufør var á sjeytiára føðingardegi Jákups, tá Hans Petersen, sáli ,
og Hanus Joensen vóru millum gestirnar í Brøttubrekku. Tá var hann framvegis virkin í liðkappingini.
Seinasta ferðin, vit vóru saman, gekk til Sandavágs at telva í triðju deld. Lagið var gott, men maðurin viknaður.
Við fráferð Jákups Thomsen er eitt ættarlið av talveldsálum í Føroyum farið um sýn.
Ærað veri minnið um vinin og hugsjónarmannin Jákup Thomsen.
Andrias