Reykjavik Open: Helgi er favorittur

Talvsamband Føroya 20. april 2017

Nú klokkan níggju íslendska tíð (tíggju føroyska tíð) varð farið undir annað umfar í Reykjavík Open 2017 í talvi.

Føroya fremsti telvari, stórmeistarin Helgi Dam Ziska, vann í gjárkvøldið í fyrsta umfari á Alberto Prieto úr USA. Styrkistalið hjá honum er 1999. Í dag er mótstøðumaðurin hjá Helga Dam Ziska, sum hevur hvíta fólkið, úr Írlandi. Hann eitur Alex Byrne, og styrkistalið hjá honum er 1976.

Styrkistalið hjá Helga Dam Ziska er 2553, og harvið kann ikki sigast annað, enn at føroyski telvarin er favorittur í morgun.

Tvey umfør eru á skránni ídag. Seinna umfarið verður klokkan 17. Um tað eydnast Helga at vinna í øðrum umfari, so verður mótstøðan uppaftur størri seinnapartin.

Tólv føroyingar luttaka í Reykjavík Open 2017.

Kappingin heldur fram til hósdagin í næstu viku, tá ið tíggjunda umfar verður.

Kelda: in.fo (Jóannes Hansen)

Vunnu tepurt á Caymanoyggjunum

Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.

Talvsamband Føroya Faroechess

Reykjavik Open: Helgi er favorittur

Sí eisini

Vunnu tepurt á Caymanoyggjunum