Talvsamband Føroya Faroechess

Føroyski stórmeistarin Helgi Dam Ziska kann skora eitt flott hattrikk komandi vikuna.    Tá verður fjórða kappingin um meistaraheitið í einstaklingstelving fyri telvarar úr smátjóðum í Evropa. Helgi hevur vunnið kappingina seinastu tvær ferðirnar – í 2016 og 2018. Hann var ikki við í fyrstu kappingini í 2014.   Kappingin varð útsett vegna korona í fjør, men nú verður so telvað – hesaferð í fjarstøðu. Telvararnir sita í hvør sínum landi og telva sínamillum á netinum. Strangt eftirlit og vaktarhald er, so at alt fer fram eftir reglunum. Dómarar eru í rúmi saman við hvørjum telvara. Vakmyndatól eru eisini uppsett. Ein høvuðsdómari situr so í øðrum landi. Dómarar í Føroyum verða Hans Hjalti Skaale, altjóða talvdómari, og Finnbjørn Vang. Í Føroyum sita telvararnir uppi á Hotel Føroyum – hvør í sínum rúmi.

Ársaðalfundur var hildin í Runavíkar Talvfelag fríggjakvøldið hin 26. mars kl. 19:00. Fundurin var hildin í gamla skúlanum á Glyvrum, sum nú er felagshús hjá talvfelagnum.

Tað var drama fyri allar pengarnar, tá ið 23 ára gamli Høgni Egilstoft Nielsen úr Sandavágs Talvfelag í gjár páskaaftan vann umdystin um FM-heitið í talvi móti 36 ára gamla Martin Poulsen úr Havnar Telvingarfelag.

Myndir frá FM 2021.

Her eru endaligu støðurnar í øllum bólkunum.

Høgni Egilstoft Nielsen endurvann føroyameistaraheitið í talvi í dag, eftir umdyst móti Martini Poulsen. Úrsliti gjørdist 2½ – 1½ til Høgna. Brestir Samuelsen gjørdist unglingaføroyameistari eftir umdyst móti Róki Davidsen. Brestir vann samanlagt 3-2. Meira kemur seinni.

Talvini verða víst beinleiðis á http://live.faroechess.com/live.html FollowChess Landsliðsbólkur FollowChess Unglingabólkur https://www.chessbomb.com/arena/2021-faroese-chess-championship https://live.chessbase.com/watch/fai-ch-master-tb/ https://live.chessbase.com/en/Watch?id=FAI-ch-Master-TB https://live.chessbase.com/en/Watch?id=FAI-ch-Youth-TB-2021 https://chess24.com/en/watch/live-tournaments/faroese-championship-2021

Høgni Egilstoft Nielsen úr Sandavágs Talvfelag og Martin Poulsen úr Havnar Telvingarfelag skulu í morgin páskaaftan telva umdyst um FM-heitið 2021. Teir endaðu javnir í oddanum í landsliðsbólkinum við seks stigum hvør.    Sjeynda og seinasta umfar í árligu FM-stevnuni í talvi fyri einstaklingar, sum Klaksvíkar Talvfelag hevur skipað fyri nú um páskirnar, var avgreitt á Skúlatrøð í dag. Men liðugt er kortini ikki enn, tí umdystur verður um FM-heitið í morgin páskaaftan – bæði hjá teimum vaksnu og teimum ungu.

Dagsins úrslit í landsliðsbólkinum og unglingabólkinum lagaða seg soleiðis, at neyðugt verður við umdysti. Í landsliðsbólkinum eydnaðist tað Høgna Egilstoft Nielsen at vinna á Hans Kristiani Simonsen, samstundis sum Martin Poulsen vann á Samsoni Højgaard. Høgni og Martin endaði tískil javnir á 1. plássi við 6 stigum hvør.