Talvsamband Føroya Faroechess

Klaksvíkar Talvfelag staðfesti enn einaferð, at teir eru stinnasta talvfelagið í landinum í løtuni. FM-vinnararnir gjørdu bart, tá teir vunnu steypakappingina 2010, í harðari kapping við Havnina.

Heiðrikur Tindskarð Jacobsen, varð valdur Ársins Stjørnuskot 2010, á Gallaveitsluni við Gjógv.

Telvarar atkvøddu um heiðurin. 

Á fjórða sinni upp í slag atkvøddu telvarar Helga Dam Ziska til ársins telvara.

Stórtalentið, 13 ára gamli, Høgni Egilstoft Nielsen, úr Sandavági, varð heiðraður at hava telvað vakrasta talvið í FM-kappingini fyri einstaklingar 2010, sum var í Sandavági á Páskum.

Talvsamband Føroya hevur ársaðalfund fríggjadagin, tann 15. oktober 2010, kl. 17.00, í hølum Havnar Telvingarfelags.

Talvsamband Føroya hevur ársaðalfund fríggjadagin, tann 30. septembur 2011, kl. 17.00, í hølum Havnar Telvingarfelags.

Bæði Herborg Hansen og Sára Traber Olsen, telva á liveborðum ídag. Annað umfar byrjaði kl. 11.00 og 3 byrjar kl. 17.00. Fylgjast kann við á: http://www.skaksamband.is  

Norðurlendska Meistaraheitið 2010 í talvi fyri gentur, verður telvað í Reykjavík í vikuskiftinum. Ferðalagið er komið fram í øllum góðum og fyrsta talvið verður telvað í kvøld, kl. 19.30.

Við støði í FM fyri gentur fyrr í ár, eru Føroyar umboðaðar við Sáru Traber Olsen, úr Tórshavn, Herborg Hansen, úr Klaksvík, Signhild Durhuus og Honnu Jacobsen, báðar úr Kollafirði.

Í døgunum 31. juli – 08. august tók eg lut í opnu talvkappingini, Arctic Chess Challenge, í Tromsø. Kappingin, sum á fyrsta sinni var hildin í 2006, telist nú millum sterkastu opnu kappingar í Skandinavia, og í ár var hon enn tá sterkari enn (tó ikki eins stór og) tann navnframa Politiken Cup, sum í mong ár hevur verið væl umtókt millum føroyingar. 164 telvarar tóku lut í Arctic Chess Challenge í ár, harav 25 stórmeistarar og 25 altjóða meistarar.

Talvið móti Alexander Moiseenko (2667) var hæddarpunktið í kappingini. Javnleikurin kom til høldar eftir 5 tímar og 50 minuttir og 133 leikir, har eg hevði verið undir trýsti meginpartin av tíðini (sí talvið við viðmerkingum niðanfyri). Síðsta hálva tíman hevði mótstøðumaðurin sitið og putlast og roynt at massera eina steindeyða støðu til lívs, og av tí sama høvdu vit bara 15 minnuttir at koma okkum, áðrenn snarkappingin fór í gongd. Eg hevði bestan hugin at geva avboð og tørna inn tíðliga, men valdi tó at taka lut, eftirsum eg longu hevði goldið fyri at vera við.