Heim / Tíðindi / Seinastu Tíðindini / NM fyri skúlaungdóm byrjað

NM fyri skúlaungdóm byrjað

Talvsamband Føroya 17. februar 2023

Í vikuskiftinum luttaka 10 føroyskir ungdómar í talvkapping í Oslo, har telvað verður norðurlandameistaraheitið 2023.

Tvey umboð frá hvøjum norðurlandi, Føroyar, Danmark, Norra, Svøríki, Finlandi og Íslandi, telvað í hvørjum bólki. Í alt eru 5 aldursbólkar.

Føroyska manningin er hendan:
A-bólkurin: Flóvin M. Tummasar og Jón Nielsen
B-bólkurin: Luitjen A. Apol og Elias Petersen
C-bólkurin: Rókur Davidsen og Brestir Samuelsen
D-bólkurin: Emil J. Jacobsen og Oskar J. Jacobsen
E-bólkurin: Djóni Jørgensen og Baldur Jakobsen
Liðleiðari er Ingolf Gaard
 
Afturat hópinum er ein stórur, vónríkur fjepparabólkur, og føroyska ferðalagið telur tilsamans 26 fólk.
 
Tvey umfør eru hvønn dag, fríggjadag, leygardag og sunnudag.
 
Í fyrsta umfari fingu okkara telvarar 1,5 stig til samans. Størsta bragdið átti Jón Nielsen, ið telvaði javnt móti hægst rataða telvara í bólkinum, íslendska IM Vignir Vatnar Stefansson.
Hinir báðir ið somuleiðis telvaðu javnt, vóru Luitjen A. Apol og Brestir Samuelsen.
 
2. umfar byrjaði nú kl. 13 føroyska tíð.
 
Fylgjast kann við her:
 
 

Sí eisini

Vunnu tepurt á Caymanoyggjunum

Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.

webmaster@faroechess.com
Talvsamband Føroya 2026