Talvsamband Føroya Faroechess
Føroyameistarnir úr Sandavágs Talvfelag bjóða nú av álvara oddaliðnum úr Havn av í landskappingini í talvi.
Í útsetta dystinum í fjórða umfari í fremstu deildini millum Sandavág og Klaksvík B. í gjárkvøldið vóru vágamenn eirindaleysir og vunnu 4-0.
Feðgar á ferð! Torkil Nielsen (høgrumegin) kveitir forvitin at gongdini á talvborðunum hjá synunum Høgna (í miðjuni) og Rógva (vinstrumegin). Saman við Silasi Eyðsteinsson vunnu teir 4-0 í gjár.
Úrslitið ber í sær, at nýggjur spenningur er kyknaður upp í oddanum millum havnarmenn og sandavágsmenn í FM-kappingini í talvi.
Ruddiligi sigurin í gjár er í sjálvum sær ikki so uppskakandi, tí vágamenn høvdu greiðan favorittleiklut á øllum borðum, og eingin av teimum fýra á liðnum sveik álitið.
Nú er bara eittans stig á muni millum oddaliðini. Havnar Telvingarfelag hevur 13½ stig og Sandavágs Talvfelag 12½ stig. Nú eiga tey tørn sínamillum í morgin, og eftir tað er kappingin hálvrunnin.
| Bo. | 6 | Sandavágs Talvfelag 1 | Rtg | – | 5 | Klaksvíkar Talvfelag 2 | Rtg | 4 : 0 | ||||
| 1.1 | FM |
|
2361 | – |
|
1990 | 1 – 0 | |||||
| 1.2 | FM |
|
2384 | – |
|
2000 | 1 – 0 | |||||
| 1.3 |
|
2046 | – |
|
1872 | 1 – 0 | ||||||
| 1.4 |
|
2168 | – |
|
1843 | 1 – 0 |
Støðan í 1. deild eftir fjórða umfar
| 1 | Havnar Telvingarfelag 1 | * | * | 2½ | 3½ | 3½ | 4 | 13,5 | 8 | ||||||
| 2 | Sandavágs Talvfelag 1 | * | * | 2½ | 2½ | 4 | 3½ | 12,5 | 8 | ||||||
| 3 | Havnar Telvingarfelag 2 | 1½ | 1½ | * | * | 3 | 3 | 9,0 | 4 | ||||||
| 4 | Klaksvíkar Talvfelag 1 | ½ | 1½ | * | * | 3 | 3½ | 8,5 | 4 | ||||||
| 5 | Klaksvíkar Talvfelag 2 | ½ | 0 | 1 | 1 | * | * | 2,5 | 0 | ||||||
| 6 | Vestmanna Talvfelag 1 | 0 | ½ | 1 | ½ | * | * | 2,0 | 0 |
Toppdystur í morgin
Fyrri sínamillum dysturin millum Havnina og Sandavág verður í Havn í morgin. Telvað verður á Finsen, og byrjað verður klokkan 14.
Vit síggja, at klaksvíkingar eru dragnaðir nakað, men støðan er ikki verri enn so, enn at teir kunnu toga seg fram í oddastríðið aftur. Men til tess krevst ivaleyst, at moldovski stórmeistarin, Vladimir Hamitevici, er við aftur.
1. deild, 5. umfar (9. januar)
Havnin – Sandavágur
Havnin B. – Klaksvík
Klaksvík B. – Vestmanna
Kollfirðingar á odda
Kollafjarðar Talvfelag, sum flutti niður úr 1.deild í fjør, hevur í løtuni kós móti bestu deildini, men enn er langur vegur á mál.
2. deild, 5. umfar (9. januar)
Rókur – Kollafjørður
Havnin – Klaksvík
Sandavágur – Kollafjørður B.Støðan í 2. deild
1. Kollafjørður 12 stig
2. Klaksvík 10½
3. Havnin 10½
Seks lið í alt.
Javnt í 3. deild
Í 3. deild gongur javnt á. Eftir fyrstu fýra umførini er bara eitt hálvt stig, ið skilr fremstu trý liðini. Havnin er fremst, men dysturin um uppflyting stendur millum Toftir og Kongshavnar Talvfelag, sum fyrrverandi Runavíkar Talvfelag nú eitur.
3. deild, 5. umfar (9.januar)
Havnin – Vestmanna
Toftir – Kongshavn
Sandavágur – Kollafjørður
Støðan í 3. deild
1. Havnin 8½
2. Toftir 8
3. Kongshavn (Runavík) 8
Seks lið í alt.
Gøtumenn fremst
Tað eru ikki so nógv ár síðani, at Gøtu Talvfelag var í fremstu deildini. Nú eru teir í 4. deild. Og tað var tann tíð, at gøtumenn taldust millum stinnastu feløgini í landinum – tá Petur Eli Mikkelsen og Sjúrður Lómstein vóru í velmaktini. Men nú eru teir so á uppflytingarkós.
4. deild, 4. umfar (9. januar)
Kongshavn – Havnin
Rókur B – Gøta
Rókur – Klaksvík
Klaksvík B. – Sandavágur
Støðan í 4. deild
1. Gøta 8
2. Havnin 7
3. Kongshavn 6½
Tólv lið í alt.
