Talvsamband Føroya Faroechess
Føroyska talvlandsliðið vann ruddiliga kappingina millum smátjóðir í Evropa, sum Malta hevur hýst seinastu vikuna.
Í níggjunda og seinasta umfari í dag gjørdu føroyingar bart og vunnu 4-0 á Guernsey. Helgi Dam Ziska, John Rødgaard, Luitjen Akselsson Apol og Jón í Horni Nielsen vunnu allir.
Dysturin millum fremstu kappingarneytarnar endaði við 3-1 sigri til Andorra móti Kýprós. Tað bar í sær, at Føroyar endaðu trý stig fremri enn Andorra. Endin var, at Monako fekk eisini Kýprós aftur, og otaði seg fram á triðja plássið.
Føroyska liðið vann átta dystir og spældi ein javnan.
Føroyska talvlandsliðið á Malta: F.v.: John Rødgaard, Luitjen Akselsson Apol, Høgni Egilstoft Nielsen, Jón í Horni Nielsen og Helgi Dam Ziska.
Dysturin í seinasta umfari í dag:
| Round 9 on 2021/12/04 at 14:30 | ||||||||||||
| Bo. | 5 |
|
Rtg | – | 10 |
|
Rtg | 0 : 4 | ||||
| 1.1 | CM |
|
2001 | – | GM |
|
2541 | 0 – 1 | ||||
| 1.2 | CM |
|
1892 | – | IM |
|
2317 | 0 – 1 | ||||
| 1.3 |
|
1834 | – |
|
2111 | 0 – 1 | ||||||
| 1.4 |
|
1619 | – |
|
1876 | 0 – 1 | ||||||
Hini úrslitini í síðsta umfari í dag:
Kýprós – Andorra 1-3
Monako – Liktinstein 4-0
Jersey – Malta 3-1
Luksemburg – Kvinnuliðið 4-0
Úrtøkan hjá føroysku telvarunum
Endaliga støðan
| Rk. | Team | 1 | 2 | 3 | 4 | 5 | 6 | 7 | 8 | 9 | 10 | TB1 | TB2 | TB3 | TB4 | |
| 1 |
|
Faroe Islands | * | 2½ | 2½ | 2 | 4 | 4 | 3½ | 3½ | 3 | 4 | 17 | 29,0 | 0 | 458,5 |
| 2 |
|
Andorra | 1½ | * | 3 | 3 | 2 | 4 | 2 | 2½ | 3 | 4 | 14 | 25,0 | 0 | 393,3 |
| 3 |
|
Monaco | 1½ | 1 | * | 2 | 3 | 3½ | 2½ | 3 | 4 | 4 | 13 | 24,5 | 0 | 363,8 |
| 4 |
|
Cyprus | 2 | 1 | 2 | * | 2½ | 2 | 2½ | 3½ | 3½ | 4 | 13 | 23,0 | 0 | 351,0 |
| 5 |
|
Luxembourg | 0 | 2 | 1 | 1½ | * | 4 | 3 | 4 | 3½ | 4 | 11 | 23,0 | 0 | 309,3 |
| 6 |
|
Guernsey | 0 | 0 | ½ | 2 | 0 | * | 1 | 3 | 3 | 3 | 7 | 12,5 | 0 | 155,3 |
| 7 |
|
Malta | ½ | 2 | 1½ | 1½ | 1 | 3 | * | 1 | 2 | 3½ | 6 | 16,0 | 0 | 244,8 |
| 8 |
|
Jersey | ½ | 1½ | 1 | ½ | 0 | 1 | 3 | * | 2 | 2 | 4 | 11,5 | 1 | 179,5 |
| 9 |
|
Liechtenstein | 1 | 1 | 0 | ½ | ½ | 1 | 2 | 2 | * | 3½ | 4 | 11,5 | 1 | 158,5 |
| 10 |
|
ESNA Women | 0 | 0 | 0 | 0 | 0 | 1 | ½ | 2 | ½ | * | 1 | 4,0 | 0 | 49,3 |
Úrtøkan hjá føroysku telvarunum
1. Helgi Dam Ziska 6/7
2. Høgni Egilstoft Nielsen 7/8
3. John Rødgaard 5½/7
4. Luitjen Akselsson Apol 7½/9
5. Jón í Horni Nielsen 3/5
Lutfalsliga stóð 15 ára gamli Luitjen seg best av føroysku telvarunum. Hann gongur heili 57 ratingstig fram. Høgni Egilstoft Nielsen forvinnur 11 ratingstig. Hinir standa at kalla í stað. Hjá Helga Dam Ziska, sum hevur munandi hægri styrkital enn mótstøðumenninir, er næstan vónleyst at gera nakað ratinglop í hesum kappingum, sama hvussu góð úrtøkan er.
Góða úrslitið endurspeglar ta sterku siðvenju, sum talv hevur í Føroyum. Hóast vit til støddar og í fólkatali verri enn so kunnu sammetast við fleiri av hinum smátjóðunum í Evropa, sum vit kappast við í hesum afturvendandi talvkappingunum, so vísir tað seg ferð eftir ferð, at vit roynast drúgvir.
Hetta var sjeynda smálandakappingin í talvi í Evropa, og Føroyar hava staðið seg best samanlagt hesi árini.
Helgi Dam Ziska og Høgni Egilstoft Nielsen. At vit høvdu báðar okkara sterkastu telvarar við í Malta var heilt avgerandi fyri, at Føroyar vunnu so sannførandi.
Vinnarar í smálandakappingini
2021 Føroyar
2019 Andorra
2017 Føroyar
2015 Luksemburg
2013 Føroyar
2011 Luksemburg
2009 Føroyar
