Úttøkukapping til NM fyri børn og ung

Sunnudagin 29. november verður avgjørt, hvør skal umboða Føroyar til Norðurlandameistaraskapið fyri børn og ung, sum verður í Føroyum í februar 2021. 10 føroyskir telvarar sleppa við.

Telvað verður í Snjallabjalla í Klaksvík. Byrjað verður kl. 14.

Kappast verður í fimm aldursbólkum, og øll eru hjartaliga vælkomin at vera við. Tó er tað soleiðis í bólki E, at bara 8 teir bestu telvararnir í undankappingini, kunnu koma við til NM.

Bólkarnir eru hesir:

• Bólkur A, telvarar føddir í 2001 til 2003
• Bólkur B, telvarar føddir í 2004 og 2005
• Bólkur C, telvarar føddir í 2006 og 2007
• Bólkur D, telvarar føddir í 2008 og 2009
• Bólkur E, telvarar føddir í 2010 ella seinni

2 tey bestu í finaluni sleppa við til NM fyri børn og ung, sum verður í Føroyum í februar 2020. Vinnarin verður Føroyameistari.

Telvað verða 7 umfør við tíðini 10 min. + 5 sek. hvønn leik.

Tilmelding í seinasta lagi fríggjadagin 27. novembur kl. 20.00:

send teldupost til:  kappingarleidarin@faroechess.com ella sms til 271404

Vinaliga upplýs navn og føðingardag hjá telvaranum.

 

Talvsamband Føroya

www.faroechess.com