Felagsumfar í liðkappingini

Sunnudagin 22. november verður felagsumfar telvað í liðkappingini. Allar deildirnar telva á Miðnámi í Vestmanna. Korona tilmælini verða fylgd.

Eins og vanligt, so verða talvini sett í gongd kl. 14 sunnudagin.

Í samband við korona farsóttina skulu telvararnir halda seg til sína deild. Vesini eru eisini býtt sundur millum deildirnar.

Vanligt er at taka í hondina á hvørjum øðrum, áðrenn og eftir talvið, hetta verður frámælt.

Allir telvarar skulu spritta hendurnar, áðrenn talvið byrjar.

Heitt verður á telvarar at virða tilmælini.