Helgi við í kvalifikatiónskappingini til HM

Í døgunum frá 9. september til 4. oktober 2019 verður kvalifikatiónskappingin til HM telvað í Khanty-Mansiysk í Russlandi. Hetta er ein kapping, har finalistarnir av teimum 128 telvararunum kappast um at vinna sær luttøku í kandidat-kappingini, har vinnarin sleppur at royna at vinna heimsmeistaraheitið frá Magnusi Carlsen.

Helgi Dam Ziska vann sær luttøku til kvalifikatiónskappingina, tá ið hann vann kappingina “European Small Nations Indivudual Chess Championship 2018”, ið var telvað í Klaksvík í apríl 2018.

Kappingin er skipað á tann hátt, at tann hægst rataði telvarin av teimum 128 telvarunum, møtir telvaranum í miðuni, osfr. Tann ið hevur flest stig eftir tvey talv, hevur vunnið. Um tað tá stendur á jøvnum, verður eitt umtalv telvað. Vinnarirnir fara so víðari í kappingini, meðan taparirnir rúka út.

Helgi, ið er nr. 119 á listanum, møtti aftur í ár Teimour Radjabov úr Azerbaijan, ið er styrkismettur sum nr. 17 í heiminum, og nr. 2 í heimlandi sínum. Helgi tapti tað fyrsta talvið, meðan tað seinna endaði javnt. Tískil vann Radjabov 1½ – ½ og fer víðari í kappingini, meðan Helgi er útsligin úr kappingini.

Helgi møtti júst sama telvara í somu kapping í 2017, og varð úrslitið júst tað sama eisini.

Tey bæði talvini hjá Helga frá kappingini í ár kunnu síggjast niðanfyri.