Á triðja plássi

Føroyska talvlandsliðið er nummar trý av teimum tíggju liðunum í kappingini fyri smátjóðir í Evropa nú sjey umfør eru farin í kappingini í San Marino. Føroyska liðið er styrkismett nummar tvey. Tvey umfør eru eftir.

Seinastu tveir dagarnar hava úrslitini verið hesi:

Føroyar – Liktinstein 2½-1½

Føroyar – Monako 1½-2½

Føroyar-San Marino 4-0

Andorra er á odda. Teir hava vunnið allar dystirnar. Monako er nummar tvey og Føroyar nummar trý.

Úrtøkan hjá føroysku telvarunum er henda:

Helgi Dam Ziska 4½/6

John Rødgaard 4½/6

Sjúrður Thorsteinsson 2½/6

Hans Kristian Simonsen 4/6

Luitjen A. Apol 2½/4

Í dag verður telvað móti Kyprós. Helgi, John, Sjúrður og Hans Kristian eru á liðnum í dag. Kappingin endar í morgin. Tá telva Føroyar móti Guernsey.