Rógvi og Høgni í Kroatia

Talvsamband Føroya 17. december 2018

Í hesum døgum, 15/12 til 22/12, luttaka brøðurnir Rógvi (2339) og Høgni Egilstoft Nielsen (2400) í stóru altjóða talvkappingini Zadar Open í Kroatia.

Kappingin fevnir yvir 9 umfør, og í 4. og dagsins umfari møttust brøðurnir við talvborðið. Rógvi vann við hvíta fólkinum á Høgna, og hevur higartil vunnið 3 av 4 talvum, ið er heilt góð úrtøka, sum í løtuni gevur Rógva eina framgongd á gott 23 ratingstig. Í 2. umfari vann Rógvi á stórmeistaranum GM Dragisa Blagojevic (2497) frá Montenegro. Talvið kann síggjast við at trýsta á her. Í morgin hevur Rógvi svart móti tí altjóða meistara Quentin Loiseau (2443).

Eftir ein sigur og tvey remis, hevur Høgni fingið 2 av 4 stigum, ið higartil gevur honum eina lítla afturgongd uppá 7 ratingstig. Í morgin hevur Høgni aftur svarta fólkið, hesuferð móti indaranum Nikhil Dixit (2292).

Talvið millum Rógva og Høgna kann síggjast við at trýsta á her.

Støðan eftir 4 umfør sæst her.

Vunnu tepurt á Caymanoyggjunum

Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.

Talvsamband Føroya Faroechess

Rógvi og Høgni í Kroatia

Sí eisini

Vunnu tepurt á Caymanoyggjunum