Úttøkukapping til NM fyri børn og ung

Talvsamband Føroya 31. oktober 2017

Úttøkukapping til Norðurlanda Meistaraskapið í talvi fyri børn og ung verður sunnudagin 5/11 kl. 13.30 í Klaksvík, í frítíðarskúlanum Snjallubjallu (Skúlavegur 1, yvirav KFUM & K).

Kappast verður í 5 aldursbólkum, har øll eru hjartaliga vælkomin at verða við. Tvey tey fremstu í hvørjum bólki vinna sær rættin at umboða Føroyar í NM, sum verður í Finnlandi í februar 2018.

Bólkarnir eru hesir:

Bólkur A, telvarar føddir í 1998 til 2000
Bólkur B, telvarar føddir í 2001 og 2002
Bólkur C, telvarar føddir í 2003 og 2004
Bólkur D, telvarar føddir í 2005 og 2006
Bólkur E, telvarar føddir í 2007 ella seinni

Miðjað verður eftir at telva 5 umfør í hvørjum bólki, har hvør telvari byrjar við 25 min. á klokkuni, og harumframt verða 10 sek. løgd afturat tíðini eftir hvønn leik.

Tilmelding, í seinasta lagi leygardagin 4/11 kl. 16:

á telduposti: ingolfgaard@gmail.com, ella á SMS: 243081

Vinarliga upplýs navn og føðingardag.

Kappingin er fyri øll sum hava hug at telva, og ikki minst fyri tey sum vilja vinna sær møguleikan, at sleppa við til NM.

Talvsamband Føroya væntar av NM luttakarunum, at luttikið verður í kappingini Runavík Open (http://www.runavikopen.com) í døgunum 20. til 26. november 2017, sum liður í fyrireikingunum til NM.

Talvsamband Føroya

Vunnu tepurt á Caymanoyggjunum

Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.

Talvsamband Føroya Faroechess

Úttøkukapping til NM fyri børn og ung

Sí eisini

Vunnu tepurt á Caymanoyggjunum