Úrslit frá talvkappingini fyri børn í Løkshøll

Talvsamband Føroya 13. april 2017

Mikudagin, tá ið dupult-umfar var á skránni í Føroyameistaraheitinum í talvi, varð skipað fyri barna- og ungdómskapping millum umførini. Frálíku umstøðurnar í Løkshøll eru soleiðis , at meðan sjálvt FM verður telvað í høllini, er góða kantinan staðið, har telvarar og talváhugaði kunnu njóta ein góðan kaffimunn og fylgja við talvunum á stórskíggja. Barna- og ungdómskappingin bleiv hildin í kantinuni, og møttu 24 telvarar ymsa staðni frá. Hesi vórðu býtt í 3 bólkar, har tann yngsti (1. Og 2. Fl.) hevði 12 luttakarar, meðan 3-4. Fl. var 6 og elsti bólkurin eisini 6. Allir bólkarnir telvaðu 5 umfør uttan klokku og gekk tað bæði skjótt og væl at avgreiða.

Eftir lokna kapping bjóðaði Runavíkar Kommuna okkurt søtt og leskandi til luttakararnar, og virðislønirnar handaði borgarstjórin Torbjørn Jacobsen.

1.-2. flokkur:

Nr 1: Rókur Davidsen og Jóhan H. L. Í Horni við 5 stigum. Nr 3 Sverri Kárason og Filip Joensen 4 stig.

3.-4. flokkur:

Nr 1: Markus Jacobsen 5 stig, 2: Leivur Fonn 4 stig og 3: Poul Thomsen, Josva R. Konggaard 2 stig.

5. flokkur og eldri:

Nr 1: Árant Jacobsen 4 stig, 2: Hans W. Poulsen, Leroy Philbrow 3 stig.

Vunnu tepurt á Caymanoyggjunum

Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.

Talvsamband Føroya Faroechess

Úrslit frá talvkappingini fyri børn í Løkshøll

Sí eisini

Vunnu tepurt á Caymanoyggjunum