OL 2016: 9. umfar – Størsta avbjóðingin

Nú um middagsleitið verða fyrstu leikirnir fluttir í dystinum millum Føroyar og Kina í níggjunda umfari á talvolympiaduni í Baku í Aserbadsjan.

Kina vann olympiaduna seinast og er styrkismett sum nummar trý hesaferð. Bara Russland og USA hava sterkari telvarar á sínum liðum. Men Kina hevur ikki staðið seg líka væl hesaferð sum í Tromsø fyri tveimum árum síðani. Ósigrarnir fyri Onglandi og Ungarn í báðum seinastu dystunum bera í sær, at Kina er dragnað aftur á 33. pláss í røðini. 

Føroyska liðið hevur við trimum vunnum dystum á rað – í gjár vunnu okkara menn stórfingnan sigur á Bosnia-Herzegovina – togað seg fram á 47. pláss. Tí umskarast vegirnir hjá okkum og kinesisku OL-gullmanningini í triðsíðsta umfari.

Hetta er tó ikki fyrsta ferðin, at Føroyar møta ein av risunum á talvolympiadu. Í 1970, tá Føroyar vóru á talvolympiadu á fyrsta sinni, møttu vit ongum minni enn fleirfaldu heimsmeistarunum úr Sovjetsamveldinum. Í 1988 møttu vit í fyrsta umfari Onglandi, sum var styrkismett nummar tvey, og í 2009 møttu vit USA, sum var eitt av toppliðunum.

Hóast Kina er styrkismett nummar trý, hava teir ongan telvara í topp 10 í heiminum. Teir fýra, sum setast yvirav føroyingum í dag eru frá nummar 14 til 35 á heimsstyrkilistanum.

FIDE-styrkilistin, september 2016

1. Magnus Carlsen, NOR  2857

2. Maxime Vachier-Lagrave, FRA  2813

3. Fabiano Caruana, USA 2808

4. Vladimir Kramnik, RUS  2808

5. Levon Aronian, ARM  2795

6. Hikaru Nakamura, USA  2789

7. Wesley So, USA  2782

8. Viswanathan Anand, IND  2776

9. Sergej Karjakin, RUS  2769

10. Veselin Topalov, BUL  2768

—

14. Liren Ding, Kina

24. Yue, Wang, Kina

29. Yangyi Yu, Kina

35. Yi Wei, Kina

Bo.	84	Faroe Isles (FAI)	Rtg	–		China (CHN)	Rtg	0 : 0
17.1	IM	Ziska, Helgi Dam	2546	–	GM	Wang, Yue	2737
17.2	IM	Rodgaard, John	2345	–	GM	Ding, Liren	2753
17.3		Andreasen, Joan Hendrik	2239	–	GM	Yu, Yangyi	2725
17.4		Thorsteinsson, Sjurdur	2187	–	GM	Wei, Yi	2717

 

Afturhvarv

Soleiðis gekst í 1970 móti suverena sovjetiska liðnum. Hans Petersen, Jóan P. Midjord, Thorstein Vilhem og Olaf Durhuus stríddust til fánýtis, men á 3. borði lúrdi sensasjónin, men okkara maður varnaðist ikki leikin, sum átti at tryggjað honum javnleikin.

 

Í Saloniki í 1988 møttu vit Onglandi, sum var styrkismett nummar tvey og endaði nummar tvey í kappingini. Vit fingu ein góðan dyst móti teimum, men allir máttu lúta. Okkara lið mannaðu John Rødgård, Leif Kristensen, Bogi Ziska og Torkil Nielsen.

Vit síggja, at ratingtølini vóru ikki so høg tá sum nú hjá teimum sterkastu.

FAI		Faroe Islands	2270	0 : 4	2560	England		ENG
Rødgaard			2380	0 – 1	2620	GM Nunn
Kristensen			2300	0 – 1	2610	GM Chandler
Ziska				0 – 1	2510	GM Mestel
Nielsen				0 – 1	2500	IM Watson