Samrøða við Suna Merkistein í KVF.
Tað eru næstan øll heimsins lond, sum eru umboðað á talvolympiaduni.
Talv er vorðið globalt gjøgnum netið og mennist í heimspørtur, har talv annars ikki hevur so sterka siðvenju. Tað sæst aftur í talvolympiaduni, tí næstan øll heimsins lond eru umboðað, sigur talvkøni Suni Merkistein.
Kelda: kvf.fo
Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.
Talvsamband Føroya Faroechess